ნინი ვანიშვილი მსოფლიო 2 მარტი 2023, 16:17

TikTok 18 წლამდე მომხმარებლებს აპლიკაციით სარგებლობის 60-წუთიან ლიმიტს დაუწესებს

TikTok მოზარდებისთვის 60-წუთიან დროის ლიმიტს აწესებს. ეს ახალგაზრდების ციფრული კეთილდღეობის გაუმჯობესებისთვის კეთდება.

კომპანიის თქმით, ცვლილება უახლოეს კვირებში მოხდება.

«მომავალი კვირების განმავლობაში, 18 წლამდე ასაკის მომხმარებლის ყველა ანგარიშში ყოველდღიური ეკრანის დროის ლიმიტი ავტომატურად დაყენდება 60 წუთზე». — თქვა კორმაკ კინანმა, TikTok-ის ნდობისა და უსაფრთხოების ხელმძღვანელმა.

მომხმარებლებს შეეძლებათ, უარი თქვან ლიმიტზე, თუმცა, ამ შემთხვევაში, TikTok თინეიჯერებს მოუწოდებს, დააწესონ საკუთარი ყოველდღიური ლიმიტი.

ლიმიტის ამოწურვისას, 18 წლამდე მომხმარებლებს მოუწევთ პაროლის შეყვანა, რათა აპლიკაციით სარგებლობა განაგრძონ. TikTok-ის თქმით, ეს მოზარდებისგან მოითხოვს აქტიური გადაწყვეტილების მიღებას — განაგრძონ თუ არა აპლიკაციის გამოყენება. 13 წლამდე მომხმარებლის აპლიკაციაში პაროლის შეყვანა მის მეურვეს მოუწევს, რათა დაუშვას ყურების დამატებითი 30 წუთი.

ახალი ფუნქციების მიზანია, მოზარდებმა და მათმა აღმზრდელებმა გააცნობიერონ აპლიკაციაში გატარებული დრო და საჭიროების შემთხვევაში, შეზღუდონ ის. თუმცა, არსებობს უარის თქმის ფუნქცია, თუ ახალგაზრდა მომხმარებლებს არ სურთ ავტომატური ლიმიტის გამოყენება.

dev.ge-მ ვაკანსიების სერვისი გაუშვა: გამოაქვეყნეთ ვაკანსიები ჩვენთან და მიიღეთ გამოხმაურებები!