შესაძლოა, TikTok-ზე ვიდეოს ხანგრძლივობის ლიმიტი გაიზარდოს

ექსპერტები ფიქრობენ, რომ ფუნქცია დიდ კონკურენციას ისეთ ვიდეო პლატფორმებს გაუწევს, როგორიცაა, მაგალითად, YouTube. 

უკვე არსებული, პორტრეტის რეჟიმში გადაღებული ვიდეობი TikTok-ს დაემხარა, მსოფლიოში ყველაზე სწრაფად მზარდი სოციალური მედიის პლატფორმა გამხდარიყო.

მიუხედავად ამისა, ზოგიერთ ქვეყანაში, უსაფრთხოების მიზნით, მის აკრძალვას მოითხოვდნენ და რამდენიმე მათგანში ამ საკითხის განხილვა კვლავ გრძელდება.

2022 წელს TikTok-მა განაცხადა, რომ ის 10 წუთამდე ხანგრძლივობის ვიდეობს დანერგავს.

პლატფორმა ადრე მხოლოდ 3 წუთის ხანგრძლივობის ან უფრო მოკლე ვიდეობს გვთავაზობდა.

გლობალური ბიზნეს სტრატეგიის ფირმის, Albright Stonebridge Group-ის წარმომადგენელმა, პოლ ტრიოლომ განაცხადა, რომ TikTok უკვე  დიდი ხანია, YouTube-ის ტერიტორიაზე გადასვლას ცდილობს და ახალგაზრდების გულს იგებს.

«როგორც ჩანს, მიზანი  უფრო მოწიფულ აუდიტორიზე გასვლაა, რომელიც  YouTube-ს საინფორმაციო, შემეცნებითი და სასწავლო  ვიდეოებისთვის იყენებს». — განაცხადა ტრიოლომ.

კაროლინა მილანესმა, საკონსულტაციო კომპანიის, The Heart of Tech-ის დამფუძნებელმა თქვა, რომ ახალი ფუნქცია TikTok-ის კონტენტის შემქმნელებისთვის უფრო მიმზიდველს გახდის.

«მოკლე ვიდეობი YouTube-ის ბოლოდროინდელი მნიშვნელოვანი ნაწილი გახდა და Tik-Tok-ს ამის საპასუხოდ რამე უნდა მოექფიქრებინა». — აღნიშნა მილანესმა.

ამავდროულად, ჯონატონ ჰაჩინსონი, სიდნეის უნივერსიტეტის უფროსი ლექტორი, თვლის, რომ YouTube და TikTok ერთმანეთს ხელს არ შეუშლიან და აღმასვლას გააგრძელებენ.

«YouTube-ს საგრძნობლად მაღალი წარმოების ღირებულებები აქვს და მომხმარებლებს მის მისატოვებლად დიდი დრო დასჭირდებათ. TikTok მოკლე და უფრო მიმზიდველი შინაარსის მწარმოებელ პლატფორმად დარჩება» .- თქვა ჰაჩინსონმა.

TikTok ახალგაზრდებს შორის ყველაზე პოპულარული აპლიკაციაა. ის თითქმის ოთხ მილიარდჯერ არის ჩამოტვირთული.

პარალელურად, აპლიკაცია რამდენიმე ქვეყანაში ინტენსიური შემოწმების ქვეშ მოექცა.

ამ კვირაში ამერიკელმა კანონმდებლებმა ეროვნული უსაფრთხოების მიზნებისთვის TikTok-ის აკრძალვა განიხილეს.

TikTok-ის აკრძალვის მოწოდებები ასევე ისეთ ქვეყნებში გაჩნდა, როგორიცაა ავსტრალია და ტაივანი.  ინდოეთმა ის 2020 წელს სამხედრო დავის ფონზე  დაბლოკა.

აშშ-ის სენატმა სამთავრობო ტელეფონებზე TikTok-ის გამოყენების აკრძალვას მხარი დაუჭირა

თემის მიხედვით

აშშ-ის სენატმა სამთავრობო ტელეფონებზე TikTok-ის გამოყენების აკრძალვას მხარი დაუჭირა

FBI აცხადებს, რომ TikTok შემაშფოთებელი საფრთხეა აშშ-ის ეროვნული უსაფრთხოებისთვის

თემის მიხედვით

FBI აცხადებს, რომ TikTok შემაშფოთებელი საფრთხეა აშშ-ის ეროვნული უსაფრთხოებისთვის