ევროკავშირმა TikTok-ის მორიგი გამოძიება დაიწყო

TikTok Lite პლატფორმის ვერსიაა ყოველდღიური ამოცანებით, რომელთა შესრულებაც მომხმარებლებს ქულების მოსაპოვებლად შეუძლიათ (ისინი რეალურ ფულზე იცვლება). ფუნქცია უკვე რამდენიმე წელია, ხელმისაწვდომია აზიაში, მაგრამ ახლახან ზოგიერთ ევროპულ ქვეყანაშიც დაემატა.

გასულ კვირას ევროკომისიამ TikTok-ისგან ინფორმაცია მოითხოვა, კერძოდ, რისკის შეფასება, 24-საათიანი ვადით, რაც TikTok-მა ვერ შეასრულა.

მათ რისკის შეფასების ანგარიში უნდა მოემზადებინათ, რომელიც ყველა  დიდმა ონლაინ პლატფორმამ გაშვებამდე უნდა წარადგინოს.

კომისიის შეშფოთება აპლიკაციის პოტენციურად ადიქციური ბუნებიდან და მისი ჯილდოების სისტემიდან გამომდინარეობს — განსაკუთრებით მაშინ, როდესაც საქმე ბავშვებს ეხებათ. მიუხედავად იმისა, რომ TikTok Lite მხოლოდ 18 წელზე უფროსი ასაკის ადამიანებისთვისაა განკუთვნილი, კომისიამ შეშფოთების მიზეზად «TikTok-ზე ასაკის გადამოწმების ეფექტური მექანიზმების სავარაუდო არარსებობა დაასახელა».

ევროკომისარი ტიერი ბრეტონი X-ზე მიიჩნევს, რომ TikTok Lite «ტოქსიკური და ადიქციურია, განსაკუთრებით ბავშვებისთვის». «თუ TikTok უსაფრთხოების დამაჯერებელ მტკიცებულებებს არ მოგვაწოდებს — რაც მან აქამდე ვერ მოახერხა — ჩვენ საჭირო ზომების მისაღებად მზად ვართ».

«ჩვენ იმედგაცრუებულნი ვართ ამ გადაწყვეტილებით — TikTok Lite 18 წლამდე მოზარდებისთვის მიუწვდომელია. ჩვენ კომისიასთან დისკუსიებს გავაგრძელებთ «. — განაცხადა TikTok-ის წარმომადგენელმა.

TikTok-ს ვადა 24 აპრილამდე მიეცა, რათა საჭირო დოკუმენტაცია უზრუნველყოს და კომისია დააწმუნოს, რომ რისკები საკმარისად შემცირდა. თუ ისინი ამას არ გააკეთებენ, კომისია ევროპაში TikTok Lite-ის ოპერაციებს შეაჩერებს.

აშშ-ის კონგრესში TikTok აკრძალვის კანონპროექტი დარეგისტრირდა

თემის მიხედვით

აშშ-ის კონგრესში TikTok აკრძალვის კანონპროექტი დარეგისტრირდა

TikTok Notes — TikTok-ი Instagram-ის კონკურენტი აპლიკაციის გამოშვებას აპირებს

თემის მიხედვით

TikTok Notes — TikTok-ი Instagram-ის კონკურენტი აპლიკაციის გამოშვებას აპირებს