გივი ცერაძე მსოფლიო 12 აპრილი 2024, 12:08

WhatsApp-ის ჯგუფები მოზარდების თვითდაზიანებასა და რასიზმს ხელს უწყობენ

BBC-ის გამოძიებამ დაადგინა, რომ ცხრა წლამდე ასაკის ბავშვები WhatsApp-ის მავნე ჯგუფებში დაემატნენ, რომლებიც თვითდაზიანებას, სექსუალურ ძალადობასა და რასიზმს ხელს უწყობენ.

კომენტარის დატოვება

WhatsApp-ის ჯგუფები მოზარდების თვითდაზიანებასა და რასიზმს ხელს უწყობენ

BBC-ის გამოძიებამ დაადგინა, რომ ცხრა წლამდე ასაკის ბავშვები WhatsApp-ის მავნე ჯგუფებში დაემატნენ, რომლებიც თვითდაზიანებას, სექსუალურ ძალადობასა და რასიზმს ხელს უწყობენ.

ერთმა მშობელმა, რომელსაც პირობითად მენდის ვუწოდებთ (შვილის კონფიდენციალობის დასაცავად), თქვა, რომ მისმა 12 წლის ქალიშვილმა WhatsApp-ის ჯგუფში ნუდისტური ფოტოები ნახა და შეურაცხმყოფელი შეტყობინებები წაიკითხა.

WhatsApp-ის მფლობელმა კომპანია Meta-მ თქვა, რომ ყველა მომხმარებელს აქვს «არჩევანი, რომ გააკონტროლონ ვის შეუძლია მათი დამატება ჯგუფებში», ასევე უცნობი ნომრების დაბლოკვისა და მოხსენების შესაძლებლობა.

რამდენიმე ბრიტანულმა სკოლამ განაცხადა, რომ მე-5 და მე-6 კლასების მოსწავლეები ჯგუფებს აქტიურად ემატებოდნენ, ხოლო ერთმა ხელმძღვანელმა აღმოაჩინა, რომ ერთ-ერთ ჯგუფში 40 პირველკლასელი იყო დამატებული.

მენდიმ თქვა, რომ ამისთვის გარკვეული ბრძოლა დასჭირდა, მაგრამ საბოლოოდ მისმა ქალიშვილმა მას ზოგიერთი შეტყობინება აჩვენა ერთ-ერთი ჯგუფიდან, სადაც 900 წევრი იყო.

«მე მაშინვე ამოვშალე იგი ჯგუფიდან, მაგრამ ზიანი შეიძლება უკვე მიყენებული იყოს». — თქვა მან. — «დანახვისთანავე მუცელი ამტკივდა. ის მხოლოდ 12 წლისაა და ახლა ვნერვიულობ, რომ ტელეფონს იყენებს».

ნორთუმბრიის პოლიციამ განაცხადა, რომ «მავნე კომუნიკაციის ანგარიშს იძიებს», რომელიც არასათანადო შინაარსს შეიცავს და ახალგაზრდებისკენაა მიმართული.

«ჩვენ მოვუწოდებთ ადამიანებს, დაინტერესდნენ მათი შვილების მიერ სოციალური მედიის გამოყენებით და შეატყობინონ პოლიციას ნებისმიერი შეშფოთების შესახებ». — თქვა სპიკერმა.

WhatsApp შეტყობინებების აპს მსოფლიოში ორ მილიარდზე მეტი მომხმარებელი ჰყავს.

მან ცოტა ხნის წინ ევოპაში მინიმალური ასაკი 16-დან 13 წლამდე შეამცირა.