★ ფასიანი თანამშრომლობა
თიბისის მხარდაჭერით 15 სექტემბერს კიდევ ერთი ტექნოლოგიური ღონისძიება — VMUG-ის შემოდგომის სერია ჩატარდა. ღონისძიებაზე ტექნოლოგიური კომპანიების წარმომადგენლებმა ვირტუალიზაციის სფეროს სიახლეებსა და გამოწვევებზე ისაუბრეს.
★ ფასიანი თანამშრომლობა
თიბისის მხარდაჭერით 15 სექტემბერს კიდევ ერთი ტექნოლოგიური ღონისძიება — VMUG-ის შემოდგომის სერია ჩატარდა. ღონისძიებაზე ტექნოლოგიური კომპანიების წარმომადგენლებმა ვირტუალიზაციის სფეროს სიახლეებსა და გამოწვევებზე ისაუბრეს.
VMware User Group (VMUG) Georgia-ის შემოდგომის სერია — ინიციატივით და თიბისის მხარდაჭერით 15 სექტემბერს ტექნოლოგიური ღონისძიება გაიმართა.
შეხვედრაზე ტექნოლოგიური კომპანიების წარმომადგენლებმა ვირტუალიზაციის სფეროს სიახლეებსა და გამოწვევებზე ისაუბრეს.
VMware User Group (VMUG) Georgia 2010 წლის აგვისტოში დაარსებული გლობალური ორგანიზაციაა. მათი მთავარი მიზანი ცოდნის გაზიარების, ტრენინგების, თანამშრომლობისა და ღონისძიებების მეშვეობით VMware გამოცდილების გაზიარება და ამ ტექნოლოგიის რაც შეიძლება მეტ ტექ პროფესიონალამდე მიტანაა.
VMware ვირტუალიზაციის პროგრამულ უზრუნველყოფას ავითარებს. ვირტუალიზაციის პროგრამული უზრუნველყოფა კომპიუტერის აპარატურაზე აბსტრაქტულ ფენას ქმნის, რომელიც კომპიუტერის ტექნიკის ელემენტებს — პროცესორებს, მეხსიერებას, საცავს და სხვა და საშუალებას აძლევს, მრავალ ვირტუალურ კომპიუტერად დაიყოს, რომელსაც ვირტუალურ მანქანებს (VM) უწოდებენ.
ღონისძიებაზე VMUG-ის ლიდერებმა, ირაკლი ბეროშვილმა და დავით ბერაიამ VMware-ის მნიშვნელობაზე, სიახლეებსა და გამოწვევებზე ისაუბრეს. მათთან ერთად სცენაზე უფროსი ტექნიკური მენეჯერი (Senior Technical Account Manager), ვლადიმირ მიტკო წარსდგა. მან დამსწრე საზოგადოებას VMware-ის აუცილებლობაზე მოუთხრო და კომპანიაში მისი დანერგვის გამოცდილებაც გაუზიარა.
დავით ბერაიამ ღონისძიება დადებითად შეაფასა და თქვა, რომ მსგავსი აქტივობები VMware-ის ფართო გავრცელებასა და ტექ.პროფესიონალების კიდევ უფრო დაახლოებას უწყობს ხელს.
«საინტერესო ღონისძიება გამოვიდა. ასეთი დღეები ერთმანეთისთვის ცოდნისა და გამოცდილების გაზიარების საშუალებას გვაძლევს და რაც ყველაზე მთავარია, ერთმანეთთან გვაახლოებს».
ღონისძიებაზე თიბისის წარმომადგენელი, თიბისი ჯგუფის IT ინფრასტრუქტურის არქიტექტორი, ზურაბ ტალიკაძე იყო. მან დეტალურად ისაუბრა იმაზე, თუ როგორ იყენებს თიბისი VMware-ს AWS-ზე (Amazon Web Services).
ზურაბ ტალიკაძის აზრით, ღონისძიების უმთავრესი მიზანი ერთმანეთისთვის გამოცდილების გაზიარება იყო, რაც წარმატებით შესრულდა.
«ღონისძიება მნიშვნელოვანია იმისთვის, რომ ერთმანეთი გავიცნოთ და გამოცდილება გავცვალოთ. თიბისი დიდი ტექ ორგანიზაციაა და საინტერესო სიახლეების დანერგვის საშუალება გვაქვს, თუმცა არიან პროფესიონალები, რომლებიც პატარა კომპანიებში მუშაობენ და მსგავსი შესაძლებლობა არ გააჩნიათ. ჩვენ მათ გამოცდილებასა ვუზრდით».
VMUG Georgia-ს სესიები საქართველოში 2010 წლიდან ტარდება და დაინტერესებულ პირთა რაოდენობა ყოველწლიურად იზრდება.
VMUG Georgia-ს შემოდგომის სერიას გასტროდუქანმა უმასპინძლა.
