უკვე მეორედ, თიბისის ხარისხის უზრუნველყოფის მიმართულების თანამშრომლები ტესტერთა შიდა ღონისძიებაზე შეიკრიბნენ. ადამიანებმა, რომლებიც თიბისის ციფრული პროდუქტების მაღალ ხარისხს უზრუნველყოფენ, ერთმანეთს ის მიღწევები და ტექნიკური გადაწყვეტები გაუზიარეს, რომლებზეც 2023 წლის განმავლობაში იმუშავეს.
უკვე მეორედ, თიბისის ხარისხის უზრუნველყოფის მიმართულების თანამშრომლები ტესტერთა შიდა ღონისძიებაზე შეიკრიბნენ. ადამიანებმა, რომლებიც თიბისის ციფრული პროდუქტების მაღალ ხარისხს უზრუნველყოფენ, ერთმანეთს ის მიღწევები და ტექნიკური გადაწყვეტები გაუზიარეს, რომლებზეც 2023 წლის განმავლობაში იმუშავეს.
თიბისიში ხარისხის მართვისა და ტესტირების ავტომატიზაციის მიმართულებით 180 ადამიანი მუშაობს.
მიმართულების ხელმძღვანელის, ალეკო ისკონიანის თქმით, მიუხედავად იმისა, რომ თანამშრომლებს შორის მნიშვნელოვანი საკითხების გაზიარება მუდმივად ხდება, მაინც რთულია, დიდ კომუნაში ხმა ყველას თანაბრად მიაწვდინო და სწორად გადასცე ინფორმაცია როგორც მათ, ისე სხვა დაინტერესებულ მხარეს. ამიტომაც, მსგავსი სახის შეკრებები მნიშვნელოვანია.
«ხდება ისეთი შედეგების და ინსტრუმენტების გაზიარება, რომელიც სტრატეგიულად მნიშვნელოვანია მიმართულების განვითარებისთვის. ასევე, ხდება წლის შეჯამება, მიღწეული შედეგების და მომავალი გეგმების გაზიარება».
წლევანდელი ღონისძიებაზე საუბრის ერთ-ერთი მთავარი თემა იყო ხარისხის უზრუნველყოფის განვითარება თიბისიში ეჯაილ მეთოდის დანერგვიდან დღემდე.
«მივიჩნიეთ, რომ ეს ის მომენტია, როდესაც შეგვიძლია პროგრესი გავაზიაროთ. შევაჯამეთ წელი, ვისაუბრეთ პროცესების გამჭვირვალობასა და მათ მნიშვნელობაზე, გავაზიარეთ ახალი მიდგომები და საინტერესო მიღწევები, ვისაუბრეთ გამოწვევებზე».
ჩატარდა შეჯიბრიც, რომლის თანახმადაც, ხარისხის მართვის თანამშრომლებმა ამოხსნეს პრობლემა და წარმოადგინეს გადაწყვეტები. შეჯიბრში 7 გუნდი მონაწილეობდა. მათგან 4 — ფინალში გადავიდა.
ფინალისტმა გუნდებმა თავიანთი ინსტრუმენტები გააზიარეს.
ჟიურის დახმარებით კი ერთი გამარჯვებული გუნდიც გამოვლინდა.
«მათ შექმნეს ინსტრუმენტი, რომელიც საშუალებას იძლევა, არატექნიკურმა პირმა, საჭიროების შესაბამისად, დამოუკიდებლად გაუშვას ტესტირების შესაბამისი აქტი და მარტივად გაიგოს წარუმატებელი ქეისის მიზეზი».
გასული წლის ღონისძიებისგან განსხვავებით, წელს შეჯიბრში ხარისხის უზრუნველყოფის მენეჯერებიც მონაწილეობდნენ. შეჯიბრის ყველა მონაწილეს გადაეცა პრიზი.
თიბისის ხარისხის უზრუნველყოფის მიმართულების ხელმძღვანელი და გუნდი ფიქრობს, რომ მსგავსი ყოველწლიური შეკრება უკვე ტრადიციად იქცა და მომავალშიც ასე გაგრძელდება.
