The Tech Transparency Project-მა (TTP) აღმოაჩინა, რომ X-მა ტერორისტულ დაჯგუფებებთან დაკავშირებულ ანგარიშებს ლურჯი ნიშნები მიანიჭა, რაც პლატფორმაზე ვერიფიკაციის ნიშანია.
კერძოდ, TTP-ის თანახმად, ვერიფიკაციის ლურჯი ნიშანი «ჰეზბოლას» წევრების ანგარიშებს ჰქონდა.
ლურჯი ნიშნის ყიდვა 8 აშშ დოლარად ყველა მსურველს შეუძლია.
ანგარიშის გამოქვეყნების შემდეგ კომპანიამ ზემოთხსენებული ანგარიშები წაშალა.
მასკის გადაწყვეტილება, Twitter-ის ვერიფიკაცია ფასიანი გაეხადა, ერთ-ერთ ყველაზე საკამათო ცვლილებად ითვლება. კრიტიკოსების თქმით, ეს ნაბიჯი დეზინფორმაციის გავრცელებას შეუწყობს ხელს და პლატფორმას ყალბი ანგარიშებისთვის ხელმისაწვდომს გახდის.
ვერიფიკაციის ნიშანი ადრე უფასო იყო და მომხმარებლებს მისი ავთენტურობის და სხვა კრიტერიუმების გამო უშუალოდ კომპანია ანიჭებდა.
TTP-ის თანახმად, X-ის ლურჯი ნიშანი შიიტი-ზეიდიტების გასამხედროებულ დაჯგუფება «ჰუსიტების» წევრის, ანსარ ალაჰის მიერ მართულ ანგარიშსაც ჰქონდა. ვერიფიკაციის ნიშანი ახლა გაუქმებულია. თუმცა, ანგარიშს 23 000-ზე მეტი მიმდევარი ჰყავს. ჰუსიტები სანქცირებულნი არიან როგორც აშშ-ში, ასევე დიდ ბრიტანეთში.
X-ის მფლობელმა, ილონ მასკმა — რომელიც ასევე Tesla-ს აღმასრულებელი დირექტორი და მსოფლიოს ერთ-ერთი უმდიდრესი ადამიანია — მანამდე თქვა, რომ მას სურს, რომ X «ქალაქის მოედანი» იყოს, რომელიც სიტყვის თავისუფლებას მხარს უჭერს.
TTP-მა სხვა ანგარიშებიც აღმოაჩინა, რომლებსაც ფასიანი, ლურჯ-ნიშნიანი ანგარიშები ჰქონდათ, მათ შორის არის რუსეთის სახელმწიფოს მიერ კონტროლირებადი ტელეარხი, NTV.
