Technovation Girls 2024-ზე რეგისტრაცია დაიწყო

Technovation Girls საერთაშორისო პროექტია, რომელიც პროგრამირებასა და მეწარმეობაში გოგოების მეტ ჩართულობას და ამ მიმართულებით მათი ცნობიერების ამაღლებას ისახავს მიზნად. პროექტის ფარგლებში გოგოებმა უნდა იპოვონ გარშემო არსებული კონკრეტული პრობლემების გადაჭრის ტექნოლოგიური გზები. 

Technovation Girls-ის ოფიციალური წარმომადგენელი საქართველოში მიმდინარე წელსაც ალტე უნივერსიტეტია, არასამთავრობო ორგანიზაცია Teachdro-სთან ერთად.

პროექტი ორი ასაკობრივი ჯგუფისთვის ხორციელდება — 13-15 წელი და 16-18 წელი. თითოეულ გუნდში შესაძლებელია იყოს 1-5 მოსწავლე.

Technovation Girls საქართველოს 2024 წლის გამარჯვებულები სპეციალური პრიზებით დაჯილდოვდებიან. საქართველოს მასშტაბით გამარჯვებული გუნდები მონაწილეობას გლობალურ შეჯიბრში გააგრძელებენ. საუკეთესო 20 გუნდი ტექნოლოგიურ ბანაკში მიიღებს მონაწილეობას, რომელიც ზაფხულში ჩატარდება.

პროექტის მხარდამჭერია TBC — თიბისი, რომლისთვისაც ახალი თაობის ხარისხიან განათლებაზე ხელმისაწვდომობა და ტექნოლოგიების სწავლების ხელშეწყობა უმნიშვნელოვანესი პრიორიტეტია. 

რეგისტრაცია გაგრძელდება 28 ნოემბრამდე. გარდა მონაწილეებისა, პროექტში ჩართვა შეუძლიათ მოხალისე მენტორებსაც, რომლებიც მონაწილეებს პროექტების დამუშავებაში დაეხმარებიან.

• დაინტერესების შემთხვევაში, დარეგისტრირდით აქ. 
• 

  Technovation Girls Sakartvelo 2023 —  რა ხდებოდა ტექნოლოგიურ ბანაკში

  თემის მიხედვით

  Technovation Girls Sakartvelo 2023 —  რა ხდებოდა ტექნოლოგიურ ბანაკში
• 

  Technovation Girls — 13-18 წლის ასაკის 580 გოგო პროგრამირებასა და მეწარმეობაში მომზადდება

  თემის მიხედვით

  Technovation Girls — 13-18 წლის ასაკის 580 გოგო პროგრამირებასა და მეწარმეობაში მომზადდება