ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Technovation Girls — 13-18 წლის ასაკის 580 გოგო პროგრამირებასა და მეწარმეობაში მომზადდება

Technovation Girls საერთაშორისო პროექტია, რომელიც მსოფლიოს სხვადასხვა ქვეყანაში ყოველწლიურად იმართება და გულისხმობს 13-დან 18 წლამდე ასაკის გოგოების მომზადებას პროგრამირებასა და მეწარმეობაში, მათ გარშემო არსებული კონკრეტული პრობლემების გადაჭრის ტექნოლოგიური გზის საპოვნელად.  მონაწილეები ისწავლიან ტექნოლოგიური პროდუქტების შემუშავებას და გუნდურად შექმნიან მობილური აპლიკაციის ან ხელოვნური ინტელექტის პროტოტიპებს თემის პრობლემების გადასაწყვეტად. 

1 კომენტარი
Technovation Girls — 13-18 წლის ასაკის 580 გოგო პროგრამირებასა და მეწარმეობაში მომზადდება

Technovation Girls საერთაშორისო პროექტია, რომელიც მსოფლიოს სხვადასხვა ქვეყანაში ყოველწლიურად იმართება და გულისხმობს 13-დან 18 წლამდე ასაკის გოგოების მომზადებას პროგრამირებასა და მეწარმეობაში, მათ გარშემო არსებული კონკრეტული პრობლემების გადაჭრის ტექნოლოგიური გზის საპოვნელად.  მონაწილეები ისწავლიან ტექნოლოგიური პროდუქტების შემუშავებას და გუნდურად შექმნიან მობილური აპლიკაციის ან ხელოვნური ინტელექტის პროტოტიპებს თემის პრობლემების გადასაწყვეტად. 

Technovation Girls საერთაშორისო პროექტია, რომელიც უკვე 12 წელია ტარდება. მასში მონაწილეობას მსოფლიოს ასზე მეტი ქვეყნის ათიათასობით გოგო იღებს. 2023 წელს საქართველოში Technovation Girls-ის ოფიციალური წარმომადგენელი და ორგანიზატორი ალტე უნივერსიტეტი და მისი ციფრული ტრანსფორმაციის ცენტრია.

პროექტი საქართველოს ინოვაციებისა და ტექნოლოგიების სააგენტოსა (GITA) და STEM მასწავლებელთა ასოციაციასთან პარტნიორობით ხორციელდება. 

ალტე უნივერსიტეტის ციფრული ტრანსფორმაციის ცენტრის დირექტორი, ნანა დიხამინჯია dev.ge-სთან ამბობს, რომ პროექტის მასპინძლობა დიდი პასუხისმგებლობა და პატივია. 

ნანა დიხამინჯია
«Technovation Girls საქართველოში რამდენიმე წლის წინ დაიწყო. 2021-2022 წლებში პროექტს Total Courage მასპინძლობდა. ჩვენ, ალტე უნივერსიტეტი მაშინ ჩართულები ვიყავით, როგორც ერთ-ერთი პარტნიორი. 2023 წელს კი გვთხოვეს პროექტში უფრო აქტიურად ჩართვა და მასპინძლობაც ჩვენ მოგვანდეს». 

პროექტის მოდელი მარტივია. Technovation Girls-ის საერთაშორისო საიტზე კურიკულუმი ყოველ წელს იცვლება. მონაწილეებმა დაახლოებით სამი თვის განმავლობაში, თავის გარშემო არსებული პრობლემის მოძიებასა და მის გადაჭრაზე უნდა იმუშაონ, ცხადია, ტექნოლოგიური გზით.

«გოგოებს მუშაობა ნებისმიერ პრობლემაზე შეუძლიათ, რომელიც მათ თემში არსებობს. ეს შეიძლება იყოს, მაგალითად, გარემოს დაცვა, კლიმატის ცვლილება, გენდერული თანასწორობა თუ სხვა. მაგალითად, ერთ-ერთ გუნდს წარმოდგენილი ტრანსპორტის განრიგის პრობლემა ჰქონდა».  — განაცხადა ნანა დიხამინჯიამ.

ნანა დიხამინჯიას თქმით, პროექტის მთავარი მიზანი და ღირებულება არა მონაწილეების მიერ შექმნილი პროდუქტის ბაზარზე გატანა, არამედ მათთვის იმ უდიდესი გამოცდილების მიწოდებაა, რომელსაც Technovation Girls-ის ფარგლებში იღებენ.

ნანა დიხამინჯია
«ძალიან დაბალი შანსია მონაწილეების შექმნილი პროდუქტი რეალური გახდეს. მთავარია, რომ ისინი ინფორმაციის დამოუკიდებლად მოპოვებას სწავლობენ, იღებენ დიდ გამოცდილებას. მართავენ პროექტრებს, მარკერინგულ გეგმას ადგენენ და სხვა. ძალიან სასიხარულოა, როცა ერთ დროს Technovation Girls-ის მონაწილეები ეტაპობრივად მენტორები ხდებიან».  

Technovation Girls Georgia 2023, წინა წლებთან შედარებით, ბევრად უფრო მასშტაბურია. ნანა დიხამინჯიას თქმით, პროექტში მონაწილეობას 580 გოგო იღებს, რომელთაგანაც 185 თბილისიდან, დანარჩენი კი რეგიონებიდან არის.

ნანა დიხამინჯია
«საქართველოს ინოვაციებისა და ტექნოლოგიების სააგენტოს ტექნოპარკები ინფორმაციის გავრცელებაში აქტიურად ჩაერთვნენ, რამაც შედეგი გამოიღო. უკვე 147 გუნდი გვყავს, ყველა თავისი მენტორით. რეგიონებიდან მსგავსი დაინტერესება მისასალმებელია, რადგან მსგავს პროექტებში მონაწილეობას, ძირითადად, თბილისში მცხოვრებლები იღებენ ხოლმე». 

Technovation Girls საქართველოს 2023 წლის გამარჯვებულები სპეციალური პრიზებით დაჯილდოვდებიან. ასევე, ყველა გუნდს ექნება შესაძლებლობა, გლობალურ შეჯიბრში ჩაერთოს, რომლის ფინალიც კალიფორნიაში გაიმართება.

Technovation Girls 2022

პროექტი მთლიანად მოხალისეობრივ შრომაზეა დაფუძნებული. მენტორები და ადმინისტრაცია გაწეული შრომისთვის არანაირ თანხას არ იღებენ. ნანა დიხანიმჯიას თქმით, სპონსორი მხოლოდ იმ ბანაკის ორგანიზებისთვის არის საჭირო, რომელიც მონაწილეებისთვის ყოველ წელს ტარდება.

ჩვენ პროექტის ერთ-ერთ მენტორს, დოდი ხარხელსაც ვესაუბრეთ, რომელმაც ანაზღაურების გარეშე შესასრულებელი სამუშაოს დადებით გავლენაზე ისაუბრა, როგორც მონაწილეებისთვის, ასევე თავად მენტორებისთვის.

მისი თქმით, Technovation Girls-ის მენტორი არის ადამიანი, რომელიც მთელი პროექტის განმავლობაში გოგოების კონკრეტულ გუნდს ეხმარება, მიმართულებას აძლევს, ორგანიზებას უწევს და რაც მთავარია მათ მოტივაციაზე ზრუნავს.

დოდი ხარხელი
«მენტორი უფროსი მეგობარია და არა ადამიანი, რომელიც ჩაბარებულ გუნდს რამეს ასწავლის. გოგოებმა ყველაფერი თავად უნდა გააკეთონ, ჩვენ კი ამაში ხელს ვუწყობთ და ვეხმარებით. მენტორს არ ევალება, მაგალითად, კოდირება იცოდეს, ხელოვნური ინტელექტის საფუძვლებში ერკვეოდეს. ამისთვის დამატებითი მენტორ-კონსულტანტები არსებობენ, რომლებიც გოგოებს ეხმარებიან. ყველას, ვისაც საქართველოში ტექნოლოგიური განვითარება ადარდებს, მენტორობისთვის დროს აუცილებლად გამონახავს.»

დოდი ხარხელი ამბობს, რომ ტექნოლოგიების სფეროში, სადაც ძირითადად კაცები არიან დომინანტები, მსგავსი პროექტების მნიშვნელობა უდიდესი და ფასდაუდებელია.

დოდი ხარხელი

«პროდუქტის იდეიდან მის MVP-მდე  გასავლელ გზას გოგოები ამ პროექტის ფარგლებში გადიან. ეს ფასდაუდებელი გამოცდილებაა. მათთვის ამ შესაძლებლობის მიცემა განსაკუთრებით მნიშვნელოვანია, რათა დაინახონ რამდენად მაგრები არიან და თავადაც მოკიდონ ხელი ამ საქმეს. შეუძლებელია, პროექტში შენი თავი ვერ იპოვო, რადგან უამრავი მიმართულება არსებობს».

GITA-ს 150 000-ლარიან საგრანტო პროგრამაში ცვლილებები შევიდა
GITA-ს 150 000-ლარიან საგრანტო პროგრამაში ცვლილებები შევიდა
თემის მიხედვით
GITA-ს 150 000-ლარიან საგრანტო პროგრამაში ცვლილებები შევიდა


ასევე წაიკითხეთ
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
GITA-ს მხარდაჭერითა და StrategEast-ის ორგანიზებით,  საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
გრეის ჰოპერის ჯილდოზე განაცხადების მიღება დაწყებულია და 20 მაისამდე გაგრძელდება
გრეის ჰოპერის ჯილდოზე განაცხადების მიღება დაწყებულია და 20 მაისამდე გაგრძელდება
გრეის ჰოპერის ჯილდოზე განაცხადების მიღება დაწყებულია და 20 მაისამდე გაგრძელდება
გრეის ჰოპერის ჯილდოზე განაცხადების მიღება დაწყებულია და 20 მაისამდე გაგრძელდება. 
ანი ჩაგელიშვილი: მთავარია, გესმოდეს საკუთარ თავის 
ანი ჩაგელიშვილი: მთავარია, გესმოდეს საკუთარ თავის 
ანი ჩაგელიშვილი: მთავარია, გესმოდეს საკუთარ თავის 
ანი ჩაგელიშვილი პროდუქტის მენეჯერი და ქოუჩია. უკვე 10 წელია, აზიაში ცხოვრობს და მუშაობს. საზღვარგარეთ 16 წლის ასაკში წავიდა — სკოლა და უნივერსიტეტი ლონდონში დაამთავრა, მუშაობა კი ტაილანდში დაიწყო. ახლა სინგაპურშია და მეგობართან ერთად თავისი კომპანიის დაფუძნებაზე მუშაობს. თუმცა, მანამდე იყო პროდუქტის მენეჯერი რამდენიმე უმსხვილეს ტექნოლოგიურ კომპანიაში.  ანი თავის გამოცდილებას dev.ge-ის მკითხველს უზიარებს. 
განხილვა
Luka Tskvitaria
Confirmed verification
Luka Tskvitaria Mondelēz International, On site support engineer
0

ასეთი კითხვა მხოლოდ მე მიჩნდება ?!

რატომ ხდება გოგოების და ბიჭების დიფერენცირება და გოგოების წახალისება ?