გივი ცერაძე სტარტაპები 12 აპრილი 2024, 10:59

GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება

საქართველოს ინოვაციების და ტექნოლოგიების სააგენტოს მხარდაჭერითა და StrategEast-ის ორგანიზებით, 2024 წლის 20 აპრილს, 14:00 საათზე, D Block-ის სამუშაო სივრცეში (მის: სასტუმრო სტამბა, მ. კოსტავას ქ. 14) პირველად საქართველოში Microsoft for Startups ღონისძიება გაიმართება. აღნიშნული ღონისძიება კავკასიის რეგიონში Microsoft-ს მხრიდან პირველი აქტივობაა. ღონისძიების მთავარი სპიკერი იქნება სპეციალურად მოწვეული სტუმარი — Microsoft-ის პარტნიორული განვითარების მრჩეველი, ედრიან გეორგი.

კომენტარის დატოვება

GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება

საქართველოს ინოვაციების და ტექნოლოგიების სააგენტოს მხარდაჭერითა და StrategEast-ის ორგანიზებით, 2024 წლის 20 აპრილს, 14:00 საათზე, D Block-ის სამუშაო სივრცეში (მის: სასტუმრო სტამბა, მ. კოსტავას ქ. 14) პირველად საქართველოში Microsoft for Startups ღონისძიება გაიმართება. აღნიშნული ღონისძიება კავკასიის რეგიონში Microsoft-ს მხრიდან პირველი აქტივობაა. ღონისძიების მთავარი სპიკერი იქნება სპეციალურად მოწვეული სტუმარი — Microsoft-ის პარტნიორული განვითარების მრჩეველი, ედრიან გეორგი.

ღონისძიებას გახსნიან StrategEast-ის კავკასიის რეგიონალური დირექტორი, ლიკა მერაბიშვილი, GITA-ს ინოვაციების საზოგადოების განვითარების დეპარტამენტის უფროსი, სალომე ნაფეტვარიძე და D Block-ის აღმასრულებელი დირექტორი, ანი დაბრუნდაშვილი.

ღონისძიების მიზანია სტარტაპებისა და ინოვაციური IT კომპანიების მხარდაჭერა და მათი გაძლიერება. შეხვედრას დაესწრებიან სტარტაპების, IT კომპანიებისა და სხვა სექტორის წარმომადგენლები საქართველოდან, აზერბაიჯანიდან და სომხეთიდან. ღონისძიება ღიაა და დასწრება შესაძლებელია ყველა დაინტერესებული პირისთვის. ღონისძიება D Block-ის მხარდაჭერით იმართება.

დაინტერესების შემთხვევაში შეგიძლიათ გაიაროთ რეგისტრაცია.