Google-ის აღმასრულებელმა დირექტორმა, სუნდარ პიჩაიმ მემორანდუმი გამოაქვეყნა და თანამშრომლებს სრული კონცენტრაციისკენა და მობილიზაციისკენ მოუწოდა — კომპანია ChatGPT-ის კონკურენტის, Bard-ის შემოწმებასა და გამოცდას იწყებს.
Google-ის აღმასრულებელმა დირექტორმა, სუნდარ პიჩაიმ მემორანდუმი გამოაქვეყნა და თანამშრომლებს სრული კონცენტრაციისკენა და მობილიზაციისკენ მოუწოდა — კომპანია ChatGPT-ის კონკურენტის, Bard-ის შემოწმებასა და გამოცდას იწყებს.
შიდა მემორანდუმი Google-ის ახალი ჩატბოტის დაანონსებიდან მალევე გავრცელდა. Bard მომხმარებლებისთვის ხელმისაწვდომი რამდენიმე კვირაში იქნება.
კომპანია ინვესტორებისა და თანამშრომლების ზეწოლას განიცდიდა. ისინი მოითხოვდნენ, Google კონკურენცია გაეწია ChatGPT-ისთვის — OpenAI-ის პროდუქტისთვის, რომელსაც მხარს Microsoft უჭერს და რომელიც მომხმარებლებში დიდი პოპულარობით სარგებლობს.
«მომავალ კვირას Google-ის ყველა თანამშრომლის მობილიზაციას მოვახდენთ, რათა Bard-ის ჩამოყალიბებასა და განვითარებაში წვლილი შეიტანონ. ჩვენ თქვენს გამოხმაურებას მოუთმენლად ველით. დამატებით დეტალებს მოგვიანებით გაგაცნობთ». — წერს პიჩაი თანამშრომლებისთვის გაგზავნილ წერილში.
პიჩაიმ ასევე აღნიშნა, რომ კომპანიის ერთ-ერთი ხელმძღვანელი, პრაბჰაკარ რაღავანი Google-ის ბოლოდროინდელი პროგრესის შესახებ პარიზში გასამრთ ღონისძიებაზე მიმდინარე კვირის ბოლოს ისაუბრებს.
პიჩაიმ განაცხადა, Bard-ის პასუხებს მკაცრი ტესტირება და კონტროლი დასჭირდება, რათა ისინი რეალური სამყაროს შესაფერისი და მაღალი ხარისხის იყოს.
გასულ კვირას გავრცელებული ინფორმაციით, Google-მა ხელოვნური ინტელექტის რამდენიმე პროექტზე მუშაობა ერთდროულად დაიწყო. მათ შორისაა ჩეტბოტი კოდური სახელწოდებით «Apprentice Bard». ცვლილებებს ვიხილავთ საძიებო სისტემაშიც.
«წინ ბევრი საინტერესო და რთული სამუშაო გველის, რათა ეს ტექნოლოგიები სრულყოფილთან მიახლოვებული გავხადოთ. ჩვენ ამ საქმეს სრული კონცენტრაციით მივუდგებით». — განაცხადა პიჩაიმ.
მანამდე კი Microsoft-მა თავის საძიებო სისტემა Bing-ში უკვე დააინტეგრირა chatGPT.
დიდ ტექნოლოგიურ კომპანიებს შორის რბოლა უკვე დაწყებულია. საინტერესოა, ვინ შეძლებს მომხმარებლებს ხელოვნური ინტელექტზე დაფუძნებული საუკეთესო ჩატბოტი შესთავაზოს.
