გივი ცერაძე მსოფლიო 15 მარტი 2024, 11:53

SpaceX-მა თავისი Starship წარმატებით გაუშვა. თუმცა, ხომალდი დაიკარგა

SpaceX-ის კოსმოსური ხომალდი, Starship კომპანიის Starbase გაშვების ობიექტიდან ბოკა ჩიკაში, ტეხასში, 14 მარტს, დილის 9:25 საათზე წარმატებით აფრინდა.

კომენტარის დატოვება

SpaceX-მა თავისი Starship წარმატებით გაუშვა. თუმცა, ხომალდი დაიკარგა

SpaceX-ის კოსმოსური ხომალდი, Starship კომპანიის Starbase გაშვების ობიექტიდან ბოკა ჩიკაში, ტეხასში, 14 მარტს, დილის 9:25 საათზე წარმატებით აფრინდა.

ეს სატესტო ფრენა ბევრად უფრო წარმატებული აღმოჩნდა, ვიდრე მისი ორი წინამორბედი. Starship-მა წარმატებით აჩვენა, თუ როგორ შეიძლება მისი გამოყენება ისეთი მისიებისთვის, როგორიცაა Starlink თანამგზავრების ორბიტამდე მიტანა.

Starship არ დაზიანებულა მანამ, სანამ კოსმოსურ ხომალდთან კონტაქტი ინდოეთის ოკეანეში, მის მოსალოდნელ ჩამოვარდნამდე ცოტა ხნით ადრე არ დაიკარგა. SpaceX-ის თანახმად, «ბოლო ტელემეტრიული სიგნალები Starship-დან, Starlink-ის მეშვეობით, მისიიდან დაახლოებით 49 წუთში მიიღეს».

მაუწყებლობის დასრულებამდე და ხომალდთან კომუნიკაციის დაკარგვის შემდეგ კომენტატორებმა თქვეს: «შესაძლოა Starship დავკარგეთ».

«Starship და Super Heavy მანქანები მომავალი ფრენებისთვის ემზადებიან. ვცდილობთ, ჩვენი გაშვების სიჩქარე გავზარდოთ». — წერს SpaceX.

SpaceX-მა Starship რაკეტა მესამედ გამოსცადა. პირველი გასული წლის 20 აპრილს, გაშვებიდან დაახლოებით ოთხი წუთის შემდეგ აალდა. მისი მეორე მცდელობა 18 ნოემბერს შედარებით უკეთესად წარიმართა — მაშინ როცა Super Heavy-ის გამაძლიერებელი განცალკევების შემდეგ აფეთქდა, Starship ხომალდმა ორბიტაში მოგზაურობა განაგრძო.

Starship-ის კიდევ ერთ ტესტს აშშ-ს ავიაციის ფედერალურმა ადმინისტრაციამ (FAA, დაგეგმილ გაშვებამდე 24 საათით ადრე მწვანე შუქი აუნთო და დაადგინა, რომ SpaceX-მა უსაფრთხოების, გარემოს დაცვის, პოლიტიკისა და ფინანსური პასუხისმგებლობის ყველა მოთხოვნა დააკმაყოფილა.