ელექტრონული გიგანტი Samsung 20 წლის განმავლობაში $230.8 მილიარდის ინვესტირებას გეგმავს, რათა კორეა ნახევარგამტარების ჰაბი გახდეს.
ინვესტიცია ჩიპების ხუთი ქარხნის მშენებლობას მოხმარდება. Samsung სმარტფონებისა და ტელევიზორებისთვის მეხსიერების ჩიპების მსოფლიოს უდიდესი მწარმოებელია.
ელექტრონული გიგანტი Samsung 20 წლის განმავლობაში $230.8 მილიარდის ინვესტირებას გეგმავს, რათა კორეა ნახევარგამტარების ჰაბი გახდეს.
ინვესტიცია ჩიპების ხუთი ქარხნის მშენებლობას მოხმარდება. Samsung სმარტფონებისა და ტელევიზორებისთვის მეხსიერების ჩიპების მსოფლიოს უდიდესი მწარმოებელია.
ოფიციალური გეგმის მიხედვით, კორეის ხელისუფლება მაღალტექნოლოგიური ინდუსტრიის კომპანიებს წაახალისებს გაფართოებული საგადასახადო შეღავათებითა და ინფრასტრუქტურული მხარდაჭერით.
გლობალური საკონსულტაციო კომპანია Albright Stonebridge Group-ის წარმომადგენლის, პოლ ტრიოლის განცხადებით, სამხრეთ კორეაში ეს ნაბიჯები სექტორის მთავარი მოთამაშეების მიერ ნახევარგამტარების წარმოების გაძლიერებას მოჰყვა.
«სამხრეთ კორეას სურს, გარკვეულწილად ტაივანის ეფექტს მიბაძოს და შეიქმნას მასობრივი კლასტერი, რომელიც მიიზიდავს მრავალ სხვა კომპანიას, მიწოდების როგორც ზედა, ასევე ქვედა ჯაჭვებში». — თქვა ტრიოლმა.
ნახევარგამტარები, რომლებიც უზრუნველყოფენ ყველა მოწყობილობის ფუნქციონირებას, მობილური ტელეფონიდან დაწყებული სამხედრო ტექნიკით დამთავრებული, აშშ-სა და ჩინეთს შორის მწვავე დაპირისპირების საგანია.
2022 წლის ოქტომებრში ვაშინგტონმა განაცხადა, რომ ითხოვდნენ ლიცენზიებს იმ კომპანიებისთვის, რომლებიც ჩინეთში ჩიპების ექსპორტს ამერიკული ინსტრუმენტების ან პროგრამული უზრუნველყოფის გამოყენებით ახორციელებდნენ, მიუხედავად იმისა, თუ მსოფლიოს რომელ წერტილში იყო ისინი დამზადებული.
გასულ კვირას ნიდერლანდებმა განაცხადა, რომ ასევე აპირებს შეზღუდვების დაწესება მისი «ყველაზე მოწინავე» მიკროჩიპების ტექნოლოგიის ექსპორტზე, ეროვნული უსაფრთხოების დასაცავად.
სამხრეთ კორეის ვაჭრობის სამინისტრომ კი გამოთქვა შეშფოთება აშშ-ის ნახევარგამტარების პოლიტიკასთან დაკავშირებით.
უწყებამ განაცხადა, რომ ჩიპების აქტმა «შეიძლება გააღრმაოს გაურკვევლობა ბიზნესში, დაარღვიოს კომპანიების მენეჯმენტისა და ტექნოლოგიების უფლებები და ასევე შეერთებული შტატები ინვესტიციისთვის ნაკლებად მიმზიდველად აქციოს».
2023 წლის 14 მარტს აშშ-ის სახელმწიფო დეპარტამენტმა განაცხადა, რომ გეგმავს, განახორციელოს «ჩიპების აქტი». საერთაშორისო ტექნოლოგიების უსაფრთხოებისა და ინოვაციების ფონდი გამოყოფს $500 მილიონს — $100 მილიონს წელიწადში, რათა მოკავშირეებთან და პარტნიორებთან ერთად ახალი პროგრამებისა და ინიციატივების მეშვეობით მიაღწიონ შემდეგ ამოცანებს:
