ციფრული ცხოვრების ხარისხის ანგარიშის თანახმად, 2023 წელს საქართველოს პოზიცია გაუმჯობესდა და 67-დან 65 ადგილზე გადაინაცვლა. ეს 2 საფეხურით გაუმჯობესებაა. თუმცა, გაუარესდა ინტერნეტის ხარისხი.
ციფრული ცხოვრების ხარისხის ანგარიშის თანახმად, 2023 წელს საქართველოს პოზიცია გაუმჯობესდა და 67-დან 65 ადგილზე გადაინაცვლა. ეს 2 საფეხურით გაუმჯობესებაა. თუმცა, გაუარესდა ინტერნეტის ხარისხი.
კვლევას კიბერუსაფრთხოების კომპანია Surfshark ატარებს.
2023 წლის ანგარიშში 121 ქვეყანაა მიმოხილული (2022 წლის ანგარიში 117 ქვეყანას ეხებოდა). Surfshark თითოეულ მათგანს ხუთი საყრდენის მიხედვით აფასებს, რომლებიც მოსახლეობის ციფრული ცხოვრების ხარისხზე გავლენას ახდენენ: ინტერნეტის ხელმისაწვდომობა, ინტერნეტის ხარისხი, ელექტრონული ინფრასტრუქტურა, ელექტრონული უსაფრთხოება და ელექტრონული მთავრობა.
უახლესი ანგარიშის თანახმად, წინა წელთან შედარებით, საქართველოს მდგომარეობა ყველა კომპონენტში გაუმჯობესდა, ინტერნეტის ხარისხის გარდა.
აქ საქართველო მეორე ადგილს იკავებს. ციფრული ცხოვრების კუთხით პირველ ადგილზე თურქეთია — 121 ქვეყანას შორის 55-ე პოზიციაზე. მას საქართველო მოსდევს 65-ე ადგილით. მესამეზე სომხეთია — რიგით 69-ე. ყველაზე ცუდი მდგომარეობა კი აზერბაიჯანშია — ის 74-ე ადგილს იკავებს.
რუსეთის ციფრული ცხოვრება, ანგარიშის თანახმად, 53-ე ადგილს იმსახურებს.
