ნანა ჯანაშია 33 წლის IT სპეციალისტია, რომელიც ტექნოლოგიების ენთუზიასტებისთვის საკუთარი YouTube არხით (TechWorld with Nana) არის ცნობილი. ნანას საქართველოში და მის ფარგლებს გარეთ საკმაოდ დიდი აუდიტორია ჰყავს და მათთან კომუნიკაციას ხშირად LinkedIn-ის საშუალებით ამყარებს.
15 იანვარს ნანამ გამომწერებს გამოცდილება გაუზიარა — როგორ ახერხებს შაბათ-კვირის შემდეგ პროდუქტიულობისა და მოტივაციის შენარჩუნებას.
ნანა ჯანაშია 33 წლის IT სპეციალისტია, რომელიც ტექნოლოგიების ენთუზიასტებისთვის საკუთარი YouTube არხით (TechWorld with Nana) არის ცნობილი. ნანას საქართველოში და მის ფარგლებს გარეთ საკმაოდ დიდი აუდიტორია ჰყავს და მათთან კომუნიკაციას ხშირად LinkedIn-ის საშუალებით ამყარებს.
15 იანვარს ნანამ გამომწერებს გამოცდილება გაუზიარა — როგორ ახერხებს შაბათ-კვირის შემდეგ პროდუქტიულობისა და მოტივაციის შენარჩუნებას.
«მოგიყვებით, როგორ შევცვალე ჩემი ყოველკვირეული განრიგი, რათა შაბათ-კვირის შემდეგ უფრო პროდუქტიული ვიყო.
არდადეგების დროს, ჩემი ყოველკვირეული განრიგი მთლიანად ახლიდან შევადგინე. გუნდისა და ახალი პრიორიტეტების გაცნობა ჩემი მხრიდან ახალ რეჟიმსა და გონებრივ სიცხადეს მოითხოვდა.
გადავწყვიტე ყველა ჩემი შეხვედრა მხოლოდ სამშაბათსა და ოთხშაბათს ჩამენიშნა. ჩემთვის კვირის დანარჩენი დღეები ის დროა, როცა შემიძლია ყველაზე მნიშვნელოვანი საქმე გავაკეთო. სუფთა კალენდრის ნახვა თავს შესანიშნავად მაგრძნობინებს.
შემდეგ ჩემი დღე დროის მონაკვეთებად დავყავი, სადაც დროს გარკვეულ დავალებებს ვუთმობ.
ჰეშთეგი #devsecops მთავარი აქცენტი იყო — DevSecOps კურსის შექმნასთან დაკავშირებით 3-4 საათიან უწყვეტ სამუშაო სესიებს ვმათავდი და დიდ პროგრესს მივაღწიე.
თუმცა, bootcamp-ზე მუშაობისას TWN-ის სხვა ნაწილებზე ზრუნვა მაინც მიწევს — გუნდთან და სტუდენტებთან კომუნიკაცია, პროცესებისა და ახალი YouTube ვიდეოების დანერგვა.
ასე რომ, ამ ამოცანებისთვის ყოველდღიურად 1-2 საათი გამოვყავი, რათა დავრწმუნდე, რომ ამ ნაწილშიც თანმიმდევრული პროგრესი მექნება.
როცა გუნდს მართავ, დამოუკიდებლად და იზოლირებულად მუშაობა არ შეგიძლია. განსაკუთრებით დასაწყისში კომუნიკაცია, ცოდნის გადაცემა და მიმოხილვა უმნიშვნელოვანესია. ასევე, უკუკავშირი უნდა იყოს საფუძვლიანი — გამოყენებული, როგორც შესაძლებლობა გაუმჯობესებისთვის.
შეიძლება შრომატევადი იყოს, მაგრამ ამ დავალებების სხვა სამუშაოებთან ერთად შესრულება ძალიან სტრესული იყო. ამიტომ ახლა ყოველდღიურად 1-2 საათიან ბლოკებს ვგეგმავ, რათა მთელი ყურადღებით ვიმუშაო.
დიდი გუნდის შექმნა ყოველთვის შედეგიანია. ჩვენ შესანიშნავი ადამიანების პოვნაში მნიშვნელოვანი დრო დავხარჯეთ — გვყავს საუკეთესო ინჟინრები, რომლებიც საოცარ საქმეს აკეთებენ და მოხარული ვარ, რომ ამას სტუდენტთა მიმოხილვებშიც ვხედავ.
ცხადია, როდესაც ვცდილობთ, კონკრეტულ საკითხზე საუკეთესო კურსი შევქმნათ, გვსურს, რომ კურსის სხვა ნაწილებიც ამ ხარისხს შეესაბამებოდეს. მოხარული ვარ, რომ ამას მივაღწიეთ, რა თქმა უნდა, ჩვენი საოცარი გუნდის დახმარებითა და მხარდაჭერით.
გარდა ამისა, ყოველ დღე, შესვენებების დროს სპორტსა და ხანგრძლივ სეირნობას მივმართავ, რათა დავრწმუნდე, რომ სამუშაოს გამო საკუთარ ჯანმრთელობას არ ვწირავ.
ამასთან, პირველად 6 წლის განმავლობაში, შაბათ-კვირის კონცეფცია ხელახლა დავნერგე, რაც დასვენების დღეებში მსუბუქ მუშაობას მოიცავს. დილით მხოლოდ 3-4 საათი ვმუშაობ და დარჩენილი დროით ვსარგებლობ, რათა მომავალი კვირისთვის დავიტენო და ენერგია გამოვიმუშაო.
ეს სისტემა საოცრად მუშაობს და უდიდესი მოტივაციაა, როდესაც პროგრესს ხედავ. ჩვენ მართლაც კარგ საფუძველს ვაშენებთ TWN-ისთვის, რათა კიდევ უფრო გაიზარდოს.
შემდეგი კვირებისთვის ბევრი საინტერესო აქტივობა დავგეგმეთ, მათ შორის 1 მილიონი გამომწერის საჩუქრებით აღნიშვნა — ეს ამბავი უკვე ახლოსაა. ასე რომ, ახალ ამბებს თვალყური ადევნეთ».
