ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

როგორ შევიდეთ AI სფეროში ერთ თვეში

ერთ თვეში თქვენ Python-ის საფუძვლებსა და სხვა ინსტრუმენტებს აითვისებთ ხელოვნურ ინტელექტთან სამუშაოდ. და ამასთან, გაიგებთ, როგორ ეხმარება ტექნოლოგიები ჯანდაცვას, კატასტროფების ლიკვიდაციასა და გლობალურ დათბობასთან ბრძოლას. 

კომენტარის დატოვება
როგორ შევიდეთ AI სფეროში ერთ თვეში

ერთ თვეში თქვენ Python-ის საფუძვლებსა და სხვა ინსტრუმენტებს აითვისებთ ხელოვნურ ინტელექტთან სამუშაოდ. და ამასთან, გაიგებთ, როგორ ეხმარება ტექნოლოგიები ჯანდაცვას, კატასტროფების ლიკვიდაციასა და გლობალურ დათბობასთან ბრძოლას. 

Coursera-ს ახალი კურსი AI for Good — ერთთვიანი სასწავლო პროგრამაა, რომელიც დაგეხმარებათ, პირველი ნაბიჯი გადადგათ კარიერისკენ ხელოვნური ინტელექტის სფეროში. 

სტუდენტები აანალიზებენ რეალურ, სოციალურად მნიშვნელოვან ქეისებს და პრაქტიკაში ძირითადად უნარებს იძენენ: სწავლობენ მონაცემთა ანალიზს, მათ Python-ში დამუშავებას, ეცნობიან მანქანური სწავლების ტექნოლოგიებს და მუშაობენ NLP-თან. და ეს ყველაფერი ინტენსიური ვარჯიშის 34 საათში.

რატომ უნდა იმუშაოთ AI სფეროში

თუ გსურთ, IT სფეროში შეხვიდეთ ან სპეციალიზაცია შეიცვალოთ, ხელოვნური ინტელექტი საკმაოდ შესაფერისი სფეროა. პირველ რიგში, ნეიროქსელების მომთვინიერებლებს თვითონ ნეიროქსელები ყველაზე ბოლოს ჩაანაცვლებენ. მეორე, ახლა ბაზარზე კადრების დეფიციტია — მაშინ, როდესაც უფრო პოპულარული IT-სპეციალობები კრიზისს განიცდიან.

Zippa-ს სპეციალისტებმა  დათვალეს, რომ AI-ს ინდუსტრიის ზრდის საშუალო წლიური ტემპი 40,2%-ია. ეს ერთ-ერთი ყველაზე მაღალი მაჩვენებელია IT-ში — ბლოკჩეინთან და ვირტუალურ სამყაროსთან ერთად. Finances Online-ის მონაცემებით, ორგანიზაციების 49%-ზე მეტი გეგმას არა უბრალოდ AI-სერვისების გამოყენებას, არამედ მანქანური სწავლებით დაკავებას უახლოეს მომავალში.

დღესდღეობით ხელოვნური ინტელექტი ძირითადად გამოიყენება რისკის მართვისთვის, ანალიტიკისთვის, ვაჭრობასა და ავტომატიზაციისთვის. ხელოვნური ინტელექტის სპეციალისტებს შორის დამსაქმებლები ყველაზე ხშირად ეძებენ მონაცემთა მეცნიერებს (81%) და ML ინჟინრებს (39%). მაგრამ რა მიმართულებაც არ უნდა აირჩიოთ AI-ში, ყველაფერი თავიდან უნდა დაიწყოთ: გაერკვეთ, როგორ არის მოდელები მოწყობილი, სწავლის როგორი მეთოდები არსებობს, რა შეუძლია ხელოვნურ ინტელექტს და რა შეზღუდვები არსებობს მის გამოყენებაში.

რას ისწავლით კურსზე AI for Good

Coursera-ზე AI for Good-ის ერთთვიანი კურსი ხვდება კატეგორიაში «სპეციალიზაცია» — ესაა სასწავლო პროგრამა, რომელიც შედარებით მოკლე სამი ბლოკისგან შედგება. ყოველი მათგანი კონკრეტულ სფეროს ეხება, რომელიც AI-ში გამოიყენება:

  1. AI ჯანდაცვაში: ამ ბლოკში სტუდენტები კოლუმბიაში მოქალაქეების ჯანმრთელობაზე ჰაერის ხარისხის გავლენას გამოიკვლევენ. ესაა სრულყოფილი პრაქტიკული ქეისი, რომელიც უნდა ამოხსნათ: გამოიკვლიოთ პრობლემა, გაიგოთ სტეიქჰოლდერების ინტერსები და იპოვოთ AI-ს გამოყენება გრაფიკებისა და სითბური რუკების მონაცემების ინტერპრეტაციაში.
  2. AI და კლიმატის ცვლილება:. ხელოვნური ინტელექტის დახმარებით სტუდენტებს მოუწევთ იმის გარკვევა, როგორ არის დამოკიდებული მსოფლიოს ამინდი ადამიანის აქტივობაზე. თქვენ მსოფლიოს სხვადასხვა ნაწილში ტემპერატურის მოსალოდნელი ცვლილების მოდელირებასა და ვიზუალიზაციას გააკეთებთ. კურსის მეორე ნაწილში კი — AI-მოდელს შექმნით, რომელიც გამოთვლის სხვადასხვა ლოკაციაზე რამდენი ენერგიის მიღება შეიძლება ქარის ტურბინებიდან.
  3. AI კატასტროფების ლიკვიდაციაში: სტუდენტები ორ ქეისზე იმუშავებენ. პირველი გულისხმობს ხელოვნური ინტელექტისა და სატელიტური მონაცემების მეშვეობით ქარიშხალ Harvey-სგან მიყენებული ზარალის შეფასებას. მეორე — NLP ტექნოლოგიის გამოყენება, ჰაიტიში მიწისძვრის მსხვერპლთა დახმარების თხოვნის შესადარებლად კატასტროფის შემდეგ და რამდენიმე თვის შემდეგ.

პრაქტიკული ქეისები — საინტერესო ფორმატია, რომელიც დაგეხმარებათ, აითვისოთ რთული საკითხები:

  • Python მონაცემთა ანალიტიკისთვის;
  • AI-მოდელების აგებისა და გამოცდის პრინციპები;
  • NLP-სთან მუშაობის საფუძვლები.

გარდა ღირებული პრაქტიკული უნარებისა, თქვენ ასევე გაეცნობით ხელოვნური ინტელექტის გამოყენების სხვადასხვა სფეროს, ნახავთ, კონკრეტულად რომელ ამოცანებს უმკლავდება — ეს თქვენს მომავალ კარიერულ განვითარებაში გამოგადგებათ.

ენა: ინგლისური, არის ინგლისური სუბტიტრები

რა ღირს სწავლა

უფასო საცდელი პერიოდი. პირველი შვიდი დღის განმავლობაში შეგიძლიათ უფასოდ ისწავლოთ.

გამოწერა: თვეში 49$. კურსი ზუსტად ერთ თვეზეა გათვლილი — თუ სწავლას საკმარის დროს დაუთმობთ, დამატებით გადახდა საჭირო არ იქნება.

პროგრამის ნახვა

რა არის შემდეგ  

კურსი იძლევა საბაზისო ცოდნას სტარტისთვის. თუ ნულიდან იწყებთ, მაშინვე სამსახურში მოწყობა არ გამოვა — სრულყოფილი სწავლისთვის მინიმუმ რამდენიმე თვეა საჭირო. მაგრამ სხვადასხვა ქეისის გადაჭრის მცდელობის შემდეგ, თქვენ შეძლებთ გაერკვეთ სპეციალიზაციაში და გაიაროთ სიღრმისეული კურსი. Coursera-ზე Deeplearning.ai-ს ბევრი გაფართოებული სასწავლო პროგრამა აქვს: შეგიძლიათ ისწავლოთ ML, მონაცემთა მეცნიერება, NLP, Deep Learning და მრავალი სხვა.

ანაზღაურებადი სტაჟირება Optio.AI-სგან
ანაზღაურებადი სტაჟირება Optio.AI-სგან
თემის მიხედვით
ანაზღაურებადი სტაჟირება Optio.AI-სგან
რამდენის გამომუშავება შეუძლიათ ხელოვანებს გენერაციული ხელოვნური ინტელექტით
რამდენის გამომუშავება შეუძლიათ ხელოვანებს გენერაციული ხელოვნური ინტელექტით
თემის მიხედვით
რამდენის გამომუშავება შეუძლიათ ხელოვანებს გენერაციული ხელოვნური ინტელექტით


ასევე წაიკითხეთ
AI-ის დამსახურებით, Nvidia-ს მოგება 600%-ით გაიზარდა
AI-ის დამსახურებით, Nvidia-ს მოგება 600%-ით გაიზარდა
AI-ის დამსახურებით, Nvidia-ს მოგება 600%-ით გაიზარდა
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
რა წერია ევროპული საბჭოს მიერ მიღებულ AI აქტში
რა წერია ევროპული საბჭოს მიერ მიღებულ AI აქტში
რა წერია ევროპული საბჭოს მიერ მიღებულ AI აქტში
დღეს, 21 მაისს ევროპულმა საბჭომ მიიღო ხელოვნური ინტელექტის აქტი — კანონი, რომელიც «მიზნად ისახავს ხელოვნური ინტელექტის წესების ჰარმონიზაციას». ევროპული საბჭო აცხადებს, რომ აქტი მიჰყვება რისკებზე დაფუძნებულ მიდგომას — რაც უფრო მაღალია საზოგადოებისთვის ზიანის მიყენების რისკი, მით უფრო მკაცრია წესები. ეს არის პირველი კანონმდებლობა მსოფლიოში, რომელსაც შეუძლია, დააწესოს ხელოვნური ინტელექტის რეგულირების გლობალური სტანდარტი.
Slack თავის AI მოდელების გასაწვრთნელად მომხმარებლის მონაცემებს უნებართვოდ იყენებს
Slack თავის AI მოდელების გასაწვრთნელად მომხმარებლის მონაცემებს უნებართვოდ იყენებს
Slack თავის AI მოდელების გასაწვრთნელად მომხმარებლის მონაცემებს უნებართვოდ იყენებს
განხილვა
კომენტარები ჯერ არაა.