GitLab-ის გენერალური დირექტორი და თანადამფუძნებელი სიდ სიჯბრანდი საუბრობს 12 სტრატეგიაზე, რომელიც ეხმარება მენეჯერებს, წინასწარ განსაზღვრონ და გაუმკლავდნენ თანამშრომლების «გადაწვას».
GitLab-ის გენერალური დირექტორი და თანადამფუძნებელი სიდ სიჯბრანდი საუბრობს 12 სტრატეგიაზე, რომელიც ეხმარება მენეჯერებს, წინასწარ განსაზღვრონ და გაუმკლავდნენ თანამშრომლების «გადაწვას».
სამუშაო სივრცის გარეთ გატარებული ნახევარი დღეც კი შეიძლება თანამშრომელს დაეხმაროს, რომ არ «გადაიწვას». დააკონკრეტეთ კოლეგებთან, გეგმავენ თუ არა უახლოეს დროში შვებულებაში გასვლა ან/და დასვენების დღის აღებას, და თუ ასეთი გეგმები არ აქვთ, დაარწმუნეთ, რომ ასე მოიქცნენ.
თუ გრძნობთ, რომ გუნდის რომელი წევრი «გადაწვის» ზღვარზეა, შეამცირეთ მასზე ზეწოლა და ნაკლებად ჰკითხეთ იმის შესახებ, როდის შეასრულებს დავალებებს.
მენეჯერები დაქვემდებარებულებისთვის სტრესის წყაროა. ამიტომ შეეცადეთ, პოზიტიური დამოკიდებულება გქონდეთ როგორც ადამიანების, ისე მათი სამუშაოს მიმართ.
ბევრ კომპანიაში თანამშრომლების რაოდენობა სამსახურის მოცულობის არაპროპორციულია. დაიხმარეთ ვინმე. ამასთან, არ არის აუცილებელი შტატში ვინმეს აყვანა. შეგიძლიათ დახმარება სთხოვოთ სხვა გუნდის კოლეგას ან დაიქირაოთ, მაგალითად, კონსულტანტი.
თქვენი თანამშრომლებისთვის გაცილებით ადვილი იქნება სამსახურში არსებული სირთულეების შესახებ საუბარი უცხო ადამიანთან, ვიდრე კოლეგებთან.
GitLab, მაგალითად ModernHealth-ის მომსახურებას იყენებს.
გაუგზავნეთ კოლეგებს საჩუქრები. ამით თქვენს მადლიერებას გამოხატავთ და ეს დაგეხმარებათ უფრო მჭიდრო პირადი ურთიერთობები დაამყაროთ.
«გადაწვა» ხშირად სტაგნაციის გრძნობით არის გამოწვეული. მენეჯერებმა აღნიშვნის მიზეზები უნდა იპოვონ, თუნდაც მცირედი მიღწევები და შესრულებულ დავალებებზე რეფლექსიები უნდა ჰქონდეთ.
მუშაობაში ბევრი სირთულე ჩნდება. განიხილეთ ისინი.
მენეჯერებმაც არ უნდა იმუშაონ ზეგანაკვეთურად. სიჯბრანდი, მაგალითად, 18:00 საათის შემდეგ Slack-ში მიწერილებს აღარ პასუხობს.
ჰკითხეთ გუნდს, მათი აზრით, უახლოეს დროში რომელი დავალებების შესრულებას ვერ შეძლებენ. ეს ხელს შეუწყობს მიმდინარე ამოცანების რაოდენობის შემცირებას, მაგრამ არ იმოქმედებს მუშაობის ხარისხზე.
შეგიძლიათ სთხოვოთ გუნდს კონკრეტულ კოლეგას უფრო რბილად მოექცნენ, თუ ხედავთ, რომ ეს ადამიანი «გადაწვის» ზღვარზეა.
