19 ნოემბერს Ad Summit Tbilisi 2023 გაიმართება

პირველი ქართული ციფრული მარკეტინგული ღონისძიების გამოცდილებას 350-ზე მეტი დამსწრე, 15-მდე სპიკერი, 20-მდე მასტერკლასი და 15-მდე პარტნიორი კომპანია შექმნის.

სამიტი ძირითადად ციფრულ მარკეტინგსა და მასთან დაკავშირებულ ციფრულ მიმართულებებზე იქნება ფოკუსირებული, ამიტომ ღონისძიებაზე ინდუსტრიის წამყვანი ექსპერტები ისაუბრებენ:

• ციფრულ მარკეტინგზე;
• ელექტრონულ კომერციაზე;
• ხელოვნურ ინტელექტსა და მარკეტინგულ ავტომატიზაციებზე;
• ბრენდ დიზაინზე;
• კონტენტ მარკეტინგზე;
• ინფლუენსერ მარკეტინგზე.

მთელი დღის განმავლობაში 400-მდე ვიზიტორს შესაძლებლობა ექნება, 15-მდე ქართველი სპიკერის გამოსვლას დაესწროს, რომლებიც სფეროს ირგვლივ თავიანთ ცოდნასა და გამოცდილებას გაგვიზიარებენ.

კონფერენციის გენერალური სპონსორია: საქართველოს ბანკი, ასევე პარტნიორები არიან: m2, University Alterbridge, Noxtton, MEGOBARI, Wii Design Studio, Academy of Digital Industries, marketer.ge, Kettari Foundation, CASE.

Ad Summit-ის დამფუძნებლები და ორგანიზატორები არიან: ელენე ბიბილეიშვილი, გიგი კურტანიძე, ალექსანდრე ჩომახიძე.

მათ სახელს  ციფრულ მარკეტინგში მრავალწლიანი გამოცდილება, ასეულობით გადამზადებული სტუდენტი და  ქართულ და საერთაშორისო ბაზრებზე წარმატებით განხორციელებული პროექტები უკავშირდება.

• დაინტერესების შემთხვევაში ბილეთების შეძენა tkt.ge-ზე შეგიძლიათ.