ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

OpenAI-მ AI-ის მიერ გენერირებული ტექსტის გამოსავლენი ინსტრუმენტი გამოუშვა

OpenAI-მ ინსტრუმენტი გამოუშვა, რომელიც ადამიანის მიერ დაწერილ და ხელოვნური ინტელექტის მიერ გენერირებულ ტექსტს ერთმანეთისგან ანსხვავებს. კლასიფიკატორი განსაკუთრებით ზუსტი არ არის — მისი წარმატების მაჩვენებელი 26%-ს შეადგენს.

კომენტარის დატოვება
OpenAI-მ AI-ის მიერ გენერირებული ტექსტის გამოსავლენი ინსტრუმენტი გამოუშვა

OpenAI-მ ინსტრუმენტი გამოუშვა, რომელიც ადამიანის მიერ დაწერილ და ხელოვნური ინტელექტის მიერ გენერირებულ ტექსტს ერთმანეთისგან ანსხვავებს. კლასიფიკატორი განსაკუთრებით ზუსტი არ არის — მისი წარმატების მაჩვენებელი 26%-ს შეადგენს.

თუმცა, OpenAI-ში ფიქრობენ, რომ კლასიფიკატორის სხვა მეთოდებთან ერთად გამოყენება სიზუსტესა და ხარისხს კიდევ უფრო გაზრდის.

«კლასიფიკატორი მიზნად ხელოვნური ინტელექტის მიერ გენერირებული ტექსტის აღმოჩენას ისახავს, რომელსაც ადამიანები თავის სასიკეთოდ იყენებენ. მას ჯერ კიდევ მთელი რიგი შეზღუდვები აქვს, ამიტომ, აუცილებელია კლასიფიკატორი ტექსტის წყაროს განსაზღვრის სხვა მეთოდებთან ერთად გამოვიყენოთ, ნაცვლად იმისა, რომ პირველადი ინსტრუმენტი იყოს. ვიმედოვნებთ, რომ მომავალში გაუმჯობესებულ მეთოდებს გაგიზიარებთ». — განაცხადა OpenAI-ის სპიკერმა. 

გენერაციული ხელოვნური ინტელექტის გარშემო ვნებათაღელვა იზრდება, ამიტომ კრიტიკოსები ინსტრუმენტების შემქმნელებს პოტენციურად მავნე ზემოქმედების შესამცირებლად სწორი ნაბიჯების გადადგმისკენ მოუწოდებენ. აშშ-ის ზოგიერთმა სკოლამ ChatGPT მათ ქსელებსა და მოწყობილობებზე უკვე აკრძალა, იმის შიშით, რომ ჩატბოტი გავლენას სტუდენტების სწავლის ხარისხზე მოახდენს.

OpenAI-ის მიერ შექმინილი კლასიფიკატორი არქიტექტურულად დამაინტრიგებელია. ის, ChatGPT-ის მსგავსად, ხელოვნური ინტელექტის ენის მოდელია, რომელიც დაპროგრამებული ინტერნეტიდან საჯაროდ ხელმისაწვდომი ტექსტის მაგალითებით არის.  მაგრამ ChatGPT-ისგან განსხვავებით, ის გვეხმარება გავიგოთ და  ვიწინასწარმეტყველოთ, რამდენად სავარაუდოა, რომ ტექსტის ნაწილი AI-ს მიერ შეიქმნა.

OpenAI-ის კლასიფიკატორი ნებისმიერ ტექსტზე არ მუშაობს. მას მინიმუმ 1000 სიმბოლო ან დაახლოებით 150-დან 250 სიტყვამდე სჭირდება. ასევე არ შეუძლია პლაგიატის აღმოჩენა. OpenAI-ის თქმით, თუ ტექსტი ინგლისურად არ არის დაწერილი ან ის ბავშვმა შექმნა, კლასიფიკატორი ბევრ შეცდომას უშვებს.

დეტექტორი პასუხებისას თავს იზღვევს. ეს მის თავდაჯერებულობაზეა დამოკიდებული. ის ტექსტს სხვადასხვანაირად აფასებს. მაგალითად, «ძალიან ნაკლებად სავარაუდო» (შესაძლებელია 10%-ზე ნაკლები), «ნაკლებად სავარაუდო» (10%-დან 45%-მდე შანსი), «გაურკვეველია, არის თუ არა ხელოვნური ინტელექტის გენერირებული» (შესაძლებელია 45%-დან 90%-მდე) და ა.შ.

OpenAI-ის თქმით, კლასიფიკატორი ადამიანის დაწერილ ტექსტს, ხელოვნური ინტელექტის მიერ დაწერილად შეცდომით 9% შემთხვევაში აღიქვამს. ის სასარგებლო ნაწერის მოკლე ნაწილების შესაფასებლად არ არის. გამოდის, რომ კლასიფიკატორი, ფაქტობრივად, უსარგებლოა, რადგან თაღლითობების უმეტესობას ვერ შეაჩერებს.

სავარაუდოდ, ეს კატა-თაგვობანას თამაშს დაემსგავსება. ChatGPT-სა და სხვა ჩატბოტები განვითარებასთან ერთად, დეტექტორებიც განვითარდება და კიდევ უფრო დაიხვეწება. უახლოეს მომავალში კი ხარისხიან კლასიფიკატორებს არ უნდა ველოდოთ.

OpenAI-მ ChatGPT-ის ფასიანი ვერსია გამოუშვა
OpenAI-მ ChatGPT-ის ფასიანი ვერსია გამოუშვა
თემის მიხედვით
OpenAI-მ ChatGPT-ის ფასიანი ვერსია გამოუშვა
დეზინფორმაცია და სექსიზმი: რა სჭირს ChatGPT-ს რომელსაც Google უნდა მოეკლა
დეზინფორმაცია და სექსიზმი: რა სჭირს ChatGPT-ს, რომელსაც Google უნდა «მოეკლა»
თემის მიხედვით
დეზინფორმაცია და სექსიზმი: რა სჭირს ChatGPT-ს, რომელსაც Google უნდა «მოეკლა»
ChatGPT -  ხელოვნური ინტელექტის დახმარებით შექმნილი საუკეთესო ჩატბოტი
ChatGPT — ხელოვნური ინტელექტის დახმარებით შექმნილი საუკეთესო ჩატბოტი
თემის მიხედვით
ChatGPT — ხელოვნური ინტელექტის დახმარებით შექმნილი საუკეთესო ჩატბოტი


ასევე წაიკითხეთ
18 აპრილს Meta-მ AI მოდელის, Llama 3-ის ადრეული ვერსია გამოუშვა 
18 აპრილს Meta-მ AI მოდელის, Llama 3-ის ადრეული ვერსია გამოუშვა 
18 აპრილს Meta-მ AI მოდელის, Llama 3-ის ადრეული ვერსია გამოუშვა 
Limitless — ახალი AI ინსტრუმენტი თქვენი შეხვედრებისთვის
Limitless — ახალი AI ინსტრუმენტი თქვენი შეხვედრებისთვის
Limitless — ახალი AI ინსტრუმენტი თქვენი შეხვედრებისთვის
Limitless, ყოფილი Rewind, ახალი AI ინტრუმენტია, რომელიც თქვენი შეხვედრებისთვის იდეალურია. თუ თქვენ კონკრეტული სატარებელი (wearable) AI მოწყობილობის ბოლოდროინდელი მიმოხილვებით იმედგაცრუებული ხართ, Limitless შეეცდება, ეს განწყობა შეგიცვალოთ. 
Viber-ის AI-ით გაძლიერებული ფუნქცია ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია ჯგუფური ჩატების მოკლე შინაარს მყისიერად შეაჯამებს
Apple ქმნის ChatGPT-ის კონკურენტს, რომელსაც უკეთ ესმის ადამიანებს
Apple ქმნის ChatGPT-ის კონკურენტს, რომელსაც უკეთ ესმის ადამიანებს
Apple ქმნის ChatGPT-ის კონკურენტს, რომელსაც უკეთ ესმის ადამიანებს
განხილვა
კომენტარები ჯერ არაა.