გივი ცერაძე მსოფლიო 21 თებერვალი 2023, 13:28

Microsoft Internet Explorer-ს თქვენი კომპიუტერებიდან წაშლის

Microsoft-ის Internet Explorer-მა თავისი თავი ამოწურა. 27 წლის ბრაუზერი უკვე დიდი ხანია მუშაობისა და უსაფრთხოების პრობლემებს ებრძვის, ამიტომ კომპანია მას თქვენი კომპიუტერებიდან წაშლის.

კომენტარის დატოვება

Microsoft Internet Explorer-ს თქვენი კომპიუტერებიდან წაშლის

Microsoft-ის Internet Explorer-მა თავისი თავი ამოწურა. 27 წლის ბრაუზერი უკვე დიდი ხანია მუშაობისა და უსაფრთხოების პრობლემებს ებრძვის, ამიტომ კომპანია მას თქვენი კომპიუტერებიდან წაშლის.

Microsoft-მა IE გასულ წელს ოფიციალურად გააუქმა. თუმცა, ის მოჩვენებითად Windows-ის კომპიუტერებზე მაინც ჩანდა. კომპანიამ მომხმარებლების კომპიუტერებიდან Internet Explorer-ის ეგზემპლარების ავტომატურად ამოღება დაიწყო.

Edge ბრაუზერის პროგრამული განახლება, რომელიც ამ კვირაში დაიწყო, Internet Explorer 11-ს Windows-ის ნებისმიერ კომპიუტერზე სამუდამოდ გამორთავს. კომპანიამ მთელი ყურადღება Edge ბრაუზერზე გადაიტანა. თუმცა, მომხმარებელთა უმრავლესობა მაინც Google Chrome-ს იყენებს.

ცალსახად, ეს არის დასასრული, რომელსაც ყველა ელოდა. Microsoft-ს Internet Explorer უყვარდა და მის გადარჩენას დიდხანს ცდილობდა. მსგავსმა დამოკიდებულებამ 1998 წელს

კომპანიის წინააღმდეგ ფედერალური ანტიმონოპოლიური სარჩელის შეტანაც გამოიწვია.

რა თქმა უნდა, ყველაფერი მხოლოდ ვარსკვლავური მტვრისგან შედგება და Internet Explorer-ის ფრაგმენტული ნაშთები ამა თუ იმ ფორმით კვლავ შეგვხვდება. ბრაუზერის ვიზუალური ელემენტები, დესკტოპზე დარჩება მანამ, სანამ Windows-ის განახლება ამ წლის ბოლოს მას საბოლოოდ არ გააქრობს. Microsoft ამბობს, რომ Internet Explorer-თან თავსებადობის ძირითად ფუნქციას Edge ბრაუზერში მხარს 2029 წლამდე დაუჭერს.

Microsoft ეპოქალურ ცვლილებებს იწყებს. კომპანიამ საკუთარი საძიებო სისტემის, Bing-ის ახალი ვერსია გამოუშვა, რომელსაც თანამედროვე ხელოვნური ინტელექტის ძალები და ფუნქციები აქვს.

Microsoft-მა განაცხადა, რომ Bing OpenAI-ის ტექნოლოგიას გამოიყენებს, რომელიც იმაზე განვითარებული და დახვეწილი იქნება, ვიდრე გასულ წელს გამოქვეყნებული ChatGPT-ის ტექნოლოგია.