Meta AI პლატფორმას უშვებს, რომელსაც თითქმის 100 ენაზე თარგმნა შეუძლია
Facebook-ის მშობელმა კომპანია Meta-მ ხელოვნური ინტელექტის მთარგმნელობითი სისტემა გამოუშვა, რომელსაც შეუძლია სხვადასხვა ენაზე დაწერილი ტექსტის, ისე — სინქრონულად თარგმნა.
Facebook-ის მშობელმა კომპანია Meta-მ ხელოვნური ინტელექტის მთარგმნელობითი სისტემა გამოუშვა, რომელსაც შეუძლია სხვადასხვა ენაზე დაწერილი ტექსტის, ისე — სინქრონულად თარგმნა.
პლატფორმა, სახელწოდებით SeamlessM4T «პირველი მრავალენოვანი მულტიმოდალური AI თარგმანისა და ტრანსკრიფციის მოდელია». — განაცხადა Meta-მ.
მულტიმოდალური ძრავები ის პლატფორმებია, რომლებსაც ენა, როგორც მეტყველებიდან, ასევე ტექსტიდან ესმით და მათ თარგმანის გენერირება ორივეში შეუძლიათ.
«მოდელების გამოყენებით, SeamlessM4T-ის ერთიანი სისტემური მიდგომა შეცდომებსა და შეფერხებებს ამცირებს, ხოლო თარგმანის პროცესის ეფექტურობასა და ხარისხს ზრდის». — ამბობენ კომპანიაში.
«ეს საშუალებას აძლევს სხვადასხვა ენაზე მოლაპარაკე ადამიანებს, ერთმანეთს უფრო ეფექტურად დაუკავშირდნენ».
AI-ზე ორიენტირებული მთარგმნელობითი ინდუსტრია ყვავის. ინდოეთში დაფუძნებული კომპანიის, Acumen Research and Consulting-ის თანახმად, მანქანური თარგმანის გლობალური ბაზრის ზომა, სავარაუდოდ, 2030 წელს თითქმის 4.1 მილიარდ აშშ დოლარს მიაღწევს — 2021 წლის 812,6 მილიონი დოლარიდან.
მანქანური თარგმანი პროგრამული უზრუნველყოფის გამოყენებით ტექსტის ან სიტყვის ერთი ენიდან მეორეზე თარგმნის პროცესია.
ამ წლის დასაწყისში Meta-მ Massively Multilingual Speech გამოუშვა. რომელიც მეტყველების ამოცნობას, ენის იდენტიფიკაციასა და მეტყველების სინთეზის ტექნოლოგიას 1100-ზე მეტ ენაზე უზრუნველყოფს.
SeamlessM4T-ს ასევე კოდის გადართვის უნარი გააჩნია. ეს მაშინ ხდება, როდესაც მრავალენოვანი მოსაუბრე საუბრისას ერთზე მეტ ენას იყენებს. ის საშუალებას აძლევს ძრავას ავტომატურად ამოიცნოს და თარგმნოს ერთზე მეტი ენა.
Meta განმარტავს, როგორ მოქმედებს AI იმაზე, რასაც Facebook-სა და Instagram-ზე ვხედავთ
Meta განმარტავს, როგორ მოქმედებს AI იმაზე, რასაც Facebook-სა და Instagram-ზე ვხედავთ
Meta-ს ახალი AI, რომელიც ნახატებს ანიმაციად აქცევს
Meta-ს ახალი AI, რომელიც ნახატებს ანიმაციად აქცევს
