ივლისის ტექნოლოგიური ღონისძიებები საქართველოში 

1-ლ ივლისს დაგეგმილია ღონისძიება კიბერუსაფრთხოების პროფესიონალებისთვის საქართველოში. ორგანიზატორი «ჰაკერული ფორუმია», რომელიც 5.5 ათას წევრს აერთიანებს. 

ორგანიზატორების განცხადებით, ღონისძიებაში მონაწილეობა შეუძლია ყველას, ვინც არის 14 წლის ან უფროსი ასაკის და კიბერუსაფრთხოება, ჰაკინგი, პროგრამირება და აიტი სამყარო აინტერესებს. 

• ღონისძიების შესახებ გაიგეთ აქ 👈

4 ივლისს ტექნოპარკში Agile სამიტი ჩატარდება. ღონისძიებას, რომელიც GITA-სთან პარტნიორობით იმართება, Agile Mentor  და მარია ღლონტი უმასპინძლებენ. ეს არის პირველი ივენთი, რომელიც საქართველოში Agile-ის შესახებ ფიზიკურ სივრცეში ტარდება. 

3-საათიან ღონისძიებაზე თქვენ შესაძლებლობა გექნებათ: 

🤝 ჩაერთოთ ნეთვორქინგში Agile პროფესიონალებთან: გაიცნოთ Agile პრაქტიკოსები და Agile გუნდებში მომუშავე ექსპერტები სხვადასხვა ინდუსტრიიდან. 

📚 მიიღოთ ინფორმაცია პრაქტიკული ქეისების შესახებ: Agile — ის წარმატებული დანერგვის რეალური ქეისები, ამ გზაზე არსებული პრობლემებისა და მათი გადაჭრის გზების განხილვა. 

🙋‍♂️ ჩაერთოთ პანელურ დისკუსიებში: სესიებში განხილული იქნება როგორც ინდუსტრიის უახლესი ტრენდები, ასევე მოლოდინები სამომავლოდ Agile მიდგომების პრაქტიკაში გამოყენებასთან დაკავშირებით.

Agile Mentor — კომპანია, რომელიც საქართველოში Agile პროფესიების განვითარებაზე ზრუნავს

თემის მიხედვით

Agile Mentor — კომპანია, რომელიც საქართველოში Agile პროფესიების განვითარებაზე ზრუნავს

7 ივლისს თბილისში თიბისის მხარდაჭერით და HT Solutions — ის ორგანიზებით, საერთაშორისო ტექნოლოგიური კონფერენცია Change Inspire ჩატარდება. კონფერენციის მიზანია, ტექნოლოგიური კომუნის წევრებს მისცეს ინსპირაცია, გახდნენ ცვლილებების ლიდერები.

კონფერენცია 2018 წლიდან ტარდება და მასში მონაწილე IT მენეჯერები, ინჟინრები და სხვადასხვა კომპანიის IT მიმართულების ხელმძღვანელები ერთმანეთს უახლეს ტექნოლოგიურ მიღწევებს უზიარებენ. წელს კონფერენციას 500 ადამიანი დაესწრება. ასევე, ეყოლება ადგილობრივი და უცხოელი სპიკერები, რომლებიც 4 ძირითად თემაზე ისაუბრებენ:

• ციფრული ტრანსფორმაცია;
• კიბერუსაფრთხოება;
• Big Data;
• DevOps. 

თუ ხართ ტექნოლოგიების სფეროში დასაქმებული და გსურთ, გაერკვეთ უახლეს ტექნოლოგიურ პროცესებში და გადაწყვეტებში, ასევე გაიცნოთ და მოუსმინოთ წამყვან ექსპერტებს მსოფლიოს ტექნოლოგიური კომპანიებიდან, მაშინ მოინიშნეთ 7 ივლისი და გაიგეთ კონფერენციის შესახებ უფრო მეტი ამ ლინკზე 👈

თიბისი საერთაშორისო ტექ კონფერენცია Change Inspire-ის მთავარი მხარდამჭერია

თემის მიხედვით

თიბისი საერთაშორისო ტექ კონფერენცია Change Inspire-ის მთავარი მხარდამჭერია