IT ერთ-ერთი ყველაზე მაღალანაზღაურებადი ინდუსტრიაა, მაგრამ გასულ წელს თანამდებობიდან გათავისუფლების სერიამ ნდობა ნაწილობრივ შეარყია. Indeed-ის მოხსენების თანახმად, ეს მას შემდეგ მოხდა, რაც კომპანიებმა სამუშაო ადგილზე ხელოვნური ინტელექტის გამოყენება დაიწყეს. შედეგად, AI უნარები ახლა ყველაზე მოთხოვნად უნარებს შორისაა, მიუხედავად იმისა, რომ კომპანიები თანამდებობიდან გათავისუფლების ინტენსივობას ამცირებენ.
IT ერთ-ერთი ყველაზე მაღალანაზღაურებადი ინდუსტრიაა, მაგრამ გასულ წელს თანამდებობიდან გათავისუფლების სერიამ ნდობა ნაწილობრივ შეარყია. Indeed-ის მოხსენების თანახმად, ეს მას შემდეგ მოხდა, რაც კომპანიებმა სამუშაო ადგილზე ხელოვნური ინტელექტის გამოყენება დაიწყეს. შედეგად, AI უნარები ახლა ყველაზე მოთხოვნად უნარებს შორისაა, მიუხედავად იმისა, რომ კომპანიები თანამდებობიდან გათავისუფლების ინტენსივობას ამცირებენ.
Indeed-ის მონაცემების მიხედვით, წარმოგიდგენთ 10 ყველაზე მაღალანაზღაურებად IT უნარს, რომელიც მაღალი ხელფასის მიღებასა და კონკურენტულ ბაზარზე მუშაობაში დაგეხმარებათ.
ბოლო პერიოდში, გენერაციული AI ტექნოლოგიურ ინდუსტრიაში ყველაზე განხილვადი თემაა და გასაკვირი არ არის, რომ ბიზნესები ტექნოლოგიას აქტიურად იყენებენ, რათა ისეთი სერვისები და პროდუქტები შექმნან, რომლებიც ამ ტექნოლოგიას მაქსიმალურად გამოიყენებენ. ჩათბოტებმა, როგორიცაა ChatGPT, ძლიერი წინსვლა განიცადეს, ისევე როგორც გამოსახულების გენერატორებმა, როგორიცაა DALL-E 3. ასეთი ტექნოლოგიები მომხმარებელთა მომსახურების გაუმჯობესებისთვის, პროცესების ავტომატიზაციისთვისა და ბიზნესის გადაწყვეტილების მიღების მიზნით გამოიყენება. გენერაციული ხელოვნური ინტელექტის სფერო უზარმაზარია და ჩვენ მხოლოდ მის ადრეულ ეტაპზე ვართ, ამიტომ, წლების განმავლობაში, ამ უნარების შეძენა თქვენს რეზიუმეს გამორჩეულს გახდის.
საშუალო ხელფასი: $174,727 წელიწადში
SoC უნარი მობილური მოწყობილობების და ჩაშენებული სისტემების წარმოებისთვის, IoT მოწყობილობებისა და სხვა სამომხმარებლო პროდუქტების განვითარებისთვის უმნიშვნელოვანესი გახდა. SoC ენერგიის მოხმარებას ამცირებს. მისი დახმარებით, მოწყობილობები ნაკლებ ადგილს საჭიროებენ.
საშუალო ხელფასი: $174,564 წელიწადში
Deep Learning უმნიშვნელოვანესი გახდა ტექნოლოგიურ ინდუსტრიაში, რადგან კომპანიები ხელოვნური ინტელექტის მაქსიმალურად გამოყენებას ცდილობენ. ეს მანქანათმცოდნეობის ქვეჯგუფია, რომელიც ხელოვნურ ნერვული ქსელებს ქმნის, რომლებსაც შეუძლიათ ჭკვიანურად გაერთიანდნენ და ინფორმაცია რამდენიმე მონაცემთა წყაროდან ისწავლონ. Deep Learning ხელოვნური ინტელექტის მნიშვნელოვანი კომპონენტია, რომელიც AI-ზე აგებულ სერვისებსა და პროდუქტებს საშუალებას აძლევს, იყოს უფრო ინტელექტუალური და ეფექტური, როოგორც მომხმარებლებისთვის, ასევე ბიზნესისთვის.
საშუალო ხელფასი: $170,939 წელიწადში
Torch სამეცნიერო გამოთვლითი ჩარჩო, სკრიპტირების ენა და ღია კოდის მანქანური სწავლების ბიბლიოთეკაა, რომელიც პროგრამირების ენაზე, Lua-ზეა დაფუძნებული — ის ხშირად ღრმა ნერვული ქსელების შესაქმნელად და მოსამზადებლადგამოიყენება. Torch სწრაფ და ეფექტურ GPU მხარდაჭერას იძლევა. ის შეიძლება სასარგებლო იყოს AI-სთან დაკავშირებული ამოცანების მთელი რიგისთვის, მათ შორის deep learning კვლევა, კომპიუტერული ხედვა, ბუნებრივი ენის დამუშავება (NLP), მოდელის შემუშავება და მოდელის დანერგვა.
საშუალო ხელფასი: $169,874 წელიწადში
PyTorch ღია კოდის მანქანური სწავლების (open-source machine learning) ბიბლიოთეკაა, რომელიც Facebook-ის AI Research Lab-ის (FAIR) მიერ არის შემუშავებული. ის მანქანათმცოდნეობის ამოცანების შესასრულებლად და გასაუმჯობესებლად გამოიყენება, როგორიცაა NLP, კომპიუტერული ხედვა და ღრმა სწავლება. PyTorch Python პროგრამირების ენაზე და Torch ღია წყაროს ბიბლიოთეკაზეა დაფუძნებული.
საშუალო ხელფასი: $168,636 წელიწადში
კომპიუტერული ხედვა ხელოვნური ინტელექტის სფეროა, რომელიც ორიენტირებულია იმაზე, რომ კომპიუტერებმა სამყარო დაინახონ ისე, როგორც ამას ადამიანები აკეთებენ და ვიზუალური შეყვანიდან და ციფრული სურათებიდან მნიშვნელოვანი შეხედულებები მიიღონ. მთავარი მიზანია, რომ AI-ს საშუალება მიეცეს, ჭკვიანურად დაამუშავოს ვიზუალური ინფორმაცია, მიიღოს გადაწყვეტილებები იმის მიხედვით, თუ რას ხედავს, შესთავაზოს რეკომენდაციები და მიიღოს ზომები მათი წარმოშობის პრობლემების გამოსასწორებლად. კომპიუტერული ხედვის უნარები ხელოვნური ინტელექტის სისტემების დასახმარებლად მნიშვნელოვანია.
საშუალო ხელფასი: $166,873 წელიწადში
SystemVerilog ჩვეულებრივ ნახევარგამტარების ინდუსტრიაში გამოიყენება. ის ტექნიკის აღწერილობისა და გადამოწმების ენაა, რომელიც ელექტრონული სისტემების მოდელირებისთვის, დიზაინისთვის, ტესტირებისთვის, სიმულაციისთვისაა და დანერგვისთვის გამოიყენება. SystemVerilog-ის უნარები ციფრული დიზაინისა და ვერიფიკაციისთვის, მოწინავე გადამოწმების მეთოდოლოგიების დანერგვისთვის, მაღალი დონის სინთეზისთვის, FPGA დიზაინისთვისა და ASIC დიზაინისთვის განსაკუთრებით სასარგებლოა. ეს უნარები ყველაზე მოთხოვნადია ნახევარგამტარების, ტელეკომუნიკაციებისა და სამომხმარებლო ელექტრონულ ინდუსტრიებში.
საშუალო ხელფასი: $165,832 წელიწადში
Mesos ღია კოდის პროექტია, რომელიც დაიწყო როგორც კვლევითი პროექტი UC Berkeley-ში, შემდეგ კი ღია კოდის Apache პროექტში გადაიზარდა. Apache Mesos ღია კოდის განაწილებული სისტემების ბირთვია, რომელიც მომხმარებლებს საშუალებას აძლევს, ინფორმაცია და რესურსები სხვადასხვა სერვერებიდან მიიღონ და ეს ინფორმაცია ერთ პლატფორმაზე მიაწოდონ. Mesos-ის გამოყენებით, ორგანიზაციებს რესურსების უფრო ეფექტურად გაზიარება შეუძლიათ.
საშუალო ხელფასი: $165,788 წელიწადში
Rust Mozilla-ში 2006 წელს პროგრამული უზრუნველყოფის დეველოპერის მიერ შეიქმნა, როგორც პერსონალური პროექტი. ის პროგრამირების ენაა, რომელსაც ძლიერი აქცენტი შესრულებაზე, უსაფრთხოებასა და კონკურენტულობაზე აქვს. Mozilla-მ პროექტი 2009 წელს ოფიციალურად დააფინანსა და 2015 წელს გამოუშვა ენა, რომელიც სწრაფად აითვისეს ისეთმა კომპანიებმა, როგორიცაა Amazon, Google, Discord, Dropbox, Meta და Microsoft. Rust-ის უნარები ჩვეულებრივ სისტემების პროგრამირების, ვებ განვითარების, თამაშების განვითარების, ქსელის და ჩაშენებული სისტემებისთვის პროგრამული უზრუნველყოფის შესაქმნელად გამოიყენება.
საშუალო ხელფასი: $165,637 წელიწადში
Elixir ფუნქციური პროგრამირების ენაა, რომელიც შექმნილია მასშტაბურობის, შეცდომების ტოლერანტობის, მეტაპროგრამირების, ხელსაწყოების და კონკურენტულობის მხარდასაჭერად. ენა BEAM ვირტუალურ მანქანაზე აშენდა და ყველაზე მეტად ვებ დეველოპმენტში და რეალურ დროში შეტყობინებების სისტემების, IoT აპლიკაციებისა და განაწილებული სისტემების შექმნისას გამოიყენება.
საშუალო ხელფასი: $165,245 წელიწადში
