Apple-ის უმსხვილესი მიმწოდებელი, Foxconn iPhone-ების წარმოებას სამხრეთ ინდოეთის შტატ კარნატაკაში მომავალი წლის აპრილიდან დაიწყებს, რაც 50 000 სამუშაო ადგილს გააჩენს.
Apple-ის უმსხვილესი მიმწოდებელი, Foxconn iPhone-ების წარმოებას სამხრეთ ინდოეთის შტატ კარნატაკაში მომავალი წლის აპრილიდან დაიწყებს, რაც 50 000 სამუშაო ადგილს გააჩენს.
ტაივანში დაფუძნებული Foxconn Apple-ის ტელეფონების უმეტესობას აწარმოებს.
კომპანია 2017 წლიდან iPhone-ების ძველ ვერსიებს მეზობელ ტამილ ნადუს შტატში აწარმოებს.
გასულ თვეში კომპანიამ ინფორმაცია გაავრცელა, რომ ქალაქ ბენგალურუს მახლობლად 1.2 მ კვ/მ მიწის ნაკვეთი იყიდა.
Bloomberg-ზე დაყრდნობით, Foxconn ახალ ქარხანაში 700 მილიონი აშშ დოლარის ინვესტირებას გეგმავს. 1 ივნისს კარნატაკას მთავრობამ განაცხადა, რომ პროექტი 1,59 მილიარდ აშშ დოლარად არის შეფასებული.
განცხადებაში ნათქვამია, რომ ქარხნის მიწა კომპანიას 1 ივლისისთვის გადაეცემა.
Reuters-ის ცნობით, Foxconn კარნატაკას ქარხანაში წელიწადში 20 მილიონი iPhone-ის წარმოებას აპირებს.
Apple-ის გადაწყვეტილებაა, რომ თავისი ფლაგმანი მოდელი ინდოეთში აწარმოოს და და ჩინეთს ეტაპობრივად ჩამოშორდეს — ვაშინგტონსა და პეკინს შორის სავაჭრო დაძაბულობის ზრდის შემდეგ.
Apple თავისი ტელეფონების უმეტესობას ჩინეთში აწარმოებს. ინდოეთში iPhone-ებს Apple-ის რამდენიმე მომწოდებელი, მათ შორის Foxconn, აწყობს. ამჟამად ის iPhone-ის მთლიანი წარმოების 5%-ს შეადგენს.
კომპანია ინდოეთის ბაზარზე, სადაც გაცილებით იაფი, სამხრეთ კორეული და ჩინური სმარტფონები დომინირებენ, პირველობისთვის იბრძვის.
Apple-ის აღმასრულებელი დირექტორი, ტიმ კუკი აპრილში ინდოეთში იმყოფებოდა, რათა ქვეყანაში პირველად კომპანიის 2 მაღაზია გაეხსნა.
