ინდოეთში ყოფნისას Apple-ის ორი მაღაზიის საზეიმო გახსნის აღსანიშნავად, კომპანიის აღმასრულებელი დირექტორი, ტიმ კუკი ინდოეთის პრემიერ მინისტრს, ნარენდრა მოდის ეწვია. გამართულ შეხვედრაზე კუკმა ინდოეთის მიმართ ერთგულებაზე ისაუბრა და ქვეყანაში ინვესტიციების გაგრძელების პირობაც დადო.
ინდოეთში ყოფნისას Apple-ის ორი მაღაზიის საზეიმო გახსნის აღსანიშნავად, კომპანიის აღმასრულებელი დირექტორი, ტიმ კუკი ინდოეთის პრემიერ მინისტრს, ნარენდრა მოდის ეწვია. გამართულ შეხვედრაზე კუკმა ინდოეთის მიმართ ერთგულებაზე ისაუბრა და ქვეყანაში ინვესტიციების გაგრძელების პირობაც დადო.
«ჩვენ ვიზიარებთ თქვენს ტექნოლოგიურ ხედვას. განათლებიდან და დეველოპერებიდან დაწყებული, წარმოებითა დამთავრებული, მზად ვართ, მთელი ქვეყნის მასშტაბით გაცილებით მეტი ინვესტიცია განვახორციელოთ.» — დატვიტა კუკმა მოდისთან შეხვედრის შემდეგ.
The Economic Times-ის ცნობით, ნიუ დელიში ვიზიტის დროს კუკი კავშირის მინისტრს, აშვინი ვაიშნაუს და სახელმწიფო მინისტრს ელექტრონიკისა და IT საკითხებში, რაჯიევ ჩანდრასეხარსდაც ესაუბრა. მოხსენებაში ნათქვამია, რომ კუკი მათ ინდოეთში ახალი სამუშაო ადგილების გაჩენას დაჰპირდა.
Apple ინდოეთში წარმოების ობიექტების ძირითადი გაფართოებით ინვესტიციებს აგრძელებს. ამ კვირაში კომპანიამ თავისი პირველი ორი საცალო მაღაზიაც გახსნა — 18 აპრილს Apple-მა მუმბაიში Apple BKC, ხოლო 19 აპრილს ნიუ დელიში — Apple Saket.
Apple ინდოეთში ბიზნესზე, როგორც პროდუქტის გაყიდვის, ასევე წარმოების თვალსაზრისით, დიდ იმედებს ამყარებს. მაღაზიების გახსნა დიდი ხნის წინ დაიგეგმა და მოსალოდნელია, რომ მომავალში კომპანია ინვესტიციებს კიდევ უფრო გააფართოვებს.
