გივი ცერაძე მსოფლიო 1 სექტემბერი 2023, 09:00

ილონ მასკი ამობს, რომ Twitter/X-ს აუდიო და ვიდეო ზარები დაემატება

ოდესმე Twitter/X-ზე ვინმესთან დარეკვის სურვილი გქონიათ? მალე თქვენ ამის შანსი მოგეცემათ.

X-ის მფლობელის, ილონ მასკის თქმით, კომპანია პლატფორმაზე ვიდეო და აუდიო ზარების დამატებას აპირებს.

მასკმა ფუნქციის ზოგიერთი მახასიათებელი ჩამოთვალა — ის iOS-ზე, Android-ზე, Mac-სა და PC-ზე იმუშავებს და ამისთვის ტელეფონის ნომერი საჭირო არ იქნება.

მასკს არაფერი უთქვამს იმის შესახებ, თუ როდის ამოქმედდება ახალი ფუნქცია.

ეს არ არის პირველი შემთხვევა, როცა X-ზე აუდიო და ვიდეო ზარების დამატების შესახებ გვესმის. კომპანიის დიზაინერმა, ენდრიუ კონვეიმ ფუნქციის სქრინშოტები ივლისში გააზიარა.

მასკი X-ზე ვიდეო და აუდიო ზარებს «უნიკალურს» უწოდებს, რადგან პლატფორმას «ეფექტურ გლობალურ წიგნად» მიიჩნევს. უფრო ლოგიკურია, დაურეკოთ ადამიანებს, რომლებსაც უკვე იცნობთ და კონტაქტებში გყავთ — უმეტესობა ამას პირდაპირ ან ისეთ აპლიკაციაში აკეთებს, როგორიცაა WhatsApp.

აუდიო და ვიდეო ზარები კიდევ ერთი ნაბიჯია მასკის ხედვისკენ, რომ X «ყველაფრის აპლიკაცია» გახდეს, რომელიც ჩატს, ზარებს, საბანკო მომსახურებას, გადახდის სერვისებსა და სხვა ფუნქციებს გააერთიანებს.