სიახლეების განყოფილება მსოფლიო 24 ივლისი 2023, 10:24

X — ილონ მასკი Twitter-ს სახელს უცვლის

ილონ მასკი Twitter-ს სახელს უცვლის. მას X დაერქმევა.

მასკი ამაზე ფაქტობრივად მას შემდეგ ლაპარაკობს, რაც სოციალური ქსელი იყიდა. კომპანიას ლეგალური სახელი უკვე შეცვლილი აქვს. თუმცა, ახლა ცვლილება ბრენდსაც შეეხება.

ილონ მასკმა 23 ივლისის საღამოს ვიდეო-თიზერი გამოაქვეყნა.

უკვე შეცვლილია დომენი — ახლა პლატფორმაზე x.com-ის აკრეფით გადახვალთ.

შეიცვლება ტვიტერის ლოგოც — ლურჯი ჩიტი 17-წლის შემდეგ X სიმბოლოთი შეიცვლება.

pic.twitter.com/IwcbqMnQtA
— Elon Musk (@elonmusk) July 23, 2023

მასკმა ტვიტერი 2022 წლის ოქტომბერში 44 მილიარდ აშშ დოლარად იყიდა. მას შემდეგ კომპანიაში არაერთი ცვლილება განხორციელდა, მათ შორის — ფასიანი გახდა ლურჯი ნიშანი, რამაც პლატფორმის კონცეფცია შეცვალა. სამსახურიდან გათავისუფლდა 7500-ზე მეტი ადამიანი.