დიდი კომპანიების ათასობით ადამიანი მოულოდნელი გათავისუფლებისა და ანგარიშის დეაქტივიზაციის შესახებ უახლოეს მომავალში მხოლოდ ელექტრონული ფოსტით გაიგებს — ბლოგში, რომელიც Medium-ზე გამოქვეყნდა სწორედ მსგავსი პოლიტიკის მსხვერპლის, ჯასტინ მურის ისტორიაა აღწერილი.
დიდი კომპანიების ათასობით ადამიანი მოულოდნელი გათავისუფლებისა და ანგარიშის დეაქტივიზაციის შესახებ უახლოეს მომავალში მხოლოდ ელექტრონული ფოსტით გაიგებს — ბლოგში, რომელიც Medium-ზე გამოქვეყნდა სწორედ მსგავსი პოლიტიკის მსხვერპლის, ჯასტინ მურის ისტორიაა აღწერილი.
«შეიძლება თქვენი ცხოვრების დიდი ნაწილი კონკრეტულ კომპანიას დაუთმოთ, შესანიშნავი გუნდი და პროდუქტი შექმნათ, მაგრამ ერთ დღესაც ზედმეტი ფიქრის გარეშე მოგიშორონ».
ჯასტინ მურის გათავისუფლების ამბავი მრავალთაგან ერთ-ერთია. როგორც თავად ყვება, Google-მა mas შეურაცხყოფა მიაყენა, ყოველგვარი ადამიანური ემოციისა და თანაგრძნობის გარეშე გაათავისუფლა.
«ორი პუნქტი, რომელიც ყველას აუცილებლად უნდა გახსოვდეთ: სამსახური თქვენი ცხოვრება არ არის და დამსაქმებლები ერთჯერადად აღგიქვამენ, მიუხედავად თქვენი სტაჟისა. ყოველთვის იმეორეთ ეს, შედეგად კი თქვენი გარდაუვალი გათავისუფლება აუცილებლად შემსუბუქდება და უფრო მარტივი გადასატანიც იქნება». — წერს ის.
ამას მურიც იაზრდებდა და 16-წლიანი კარიერის მანძილზე ყოველთვის გათავისებული ჰქონდა, რომ ერთ დღეს გაათავისუფლებდნენ. მიუხედავად ამისა, ავტომატური ელფოსტით გათავისუფლება მაინც მტკივნეული აღმოჩნდა. როგორც ამბობს, მაშინვე მიხვდა, 16 წელი კომპანიისთვის რეალურად რას წარმოადგენდა.
ჯასტინ მურის ისტორია უნიკალური არ არის. იგივე Google-ს სხვა თანამშრომლებმაც განიცადეს. სამსაურის დაკარგვა საშინელი და აუტანელი გრძნობაა.
«სიტუაციას კიდევ უფრო ამძიმებს იმ კოლეგების დაკარგვა, რომლებსაც წლების განმავლობაში იცნობდით. გრძნობა, რომ ერთად ვეღარასდროს იმუშავებთ, დამთრგუნველია. ასეთ მომენტებში სხვებისგან თანაგრძნობა აუცილებელია». — წერს ჯასტინ მური.
«ყველაზე საშინელი ტექნოლოგიურ სივრცეში გათავისუფლებების ავტომატური სისტემაა. გასაგებია, რომ Google-ს კონკრეტული თანამშრომლებისთვის კონტრაქტის გახანგრძლივება აღარ სურს, მაგრამ ისინი ადამიანები არიან, რომლებსაც ოჯახები ჰყავთ და კომპანია ასეთ ხალხს პირისპირ შეხვედრის გარეშე, ავტომატური ელექტრონული წერილით სამსახურიდან უშვებს.
თუ კომპანიებს საშუალება ეძლევათ რთული და დამთრგუნველი დიალოგები თავიდან აიცილონ, ამას აუცილებლად აკეთებენ». — ვკითხულობთ მის პოსტში.
როგორც მური ყვება, მთავარი, რაც მისი 16-წლიანი კარიერიდან შეგვიძლია ვისწავლოთ, არის ის, რომ ხანგრძლივი თანამდებობა არაფერს ნიშნავს.
«კომპანიებს ლოიალობა აღარ აინტერესებთ, ამიტომ თქვენც მსგავსად უნდა იფიქოთ. ნუ იგრძნობთ თავს მოვალედ. თუ შესაცვლელი ხართ, ეს აუცილებად მოხდება.
ეს ვალდებულების დავიწყებასა და სიზარმაცეს არ ნიშნავს. უბრალოდ, შეგიძლიათ სამუშაო ადგილი შეიცვალოთ, იპოვოთ სამსახური, სადაც უკეთესად გადაგიხდიან, იზრუნოთ თქვენს კარიერაზე». — გვირჩევს ჯასტინ მური.
ტექნოლოგიების სფეროში, იანვარში სამსახური 50 000-მა ადამიანმა დაკარგა. თითოეულმა მათგანმა ჯასტინის მსგავსი წერილი, სხვადასხვა კომპანიისგან მიიღო. ცივი ტექნიკური ზამთრის შუაში ვართ.
50 000 თანამშრომელი დაბნეული და შეშინებულია. როგორია სამომავლო დასაქმების პერსპექტივა? რა ემუქრებათ მათ, ვისაც სამსახური ჯერ კიდევ არ დაუკარგავს?
შემცირება იანვარში 100-ზე მეტ კომპანიაში მოხდა. მათ შორის ინდუსტრიის უმსხვილეს წარმომადგენლებშიც:
Google — 12000
Microsoft — 10000
Salesforce- 8000
Amazon- 8000
ათასობით ოჯახი შეშფოთებულია და გაურკვეველ მომავალზე ფიქრობს.
2022 წლის ნოემბერში რეკორდული შემცირებები ვიხილეთ, თუმცა 2023 წლის იანვარმა ყველა რეკორდი მოხსნა.
და ბოლოს შეხსენება, რომ აუცილებლად გაუფრთხილდეთ საკუთარ თავს. თქვენ უნდა იზრუნოთ საკუთარ თავზე, ამას კომპანია არ გააკეთებს. რაც უფრო მალე ისწავლით ამ გაკვეთილს, მით უფრო ძლიერები იქნებით.
