ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Founder Institute: 4 ტიპის კითხვა, რომელსაც ინვესტორები ყველაზე ხშირად სვამენ

The Founder Institute ამერიკული ბიზნეს ინკუბატორი და სტარტაპის გაშვების პროგრამაა, რომელიც კალიფორნიაში 2009 წელს დაარსდა. ორგანიზაცია დამწყებ ბიზნესმენებსა და მეწარმეებს საქმის სწორად წარმართვაში ეხმარება, მათ საჭირო რჩვებს აძლევს და გამოცდილებას უზიარებს. როგორც თავად ამბობენ, იდეებს სტარტაპებად აქცევენ, ხოლო სტარტაპებს — გლობალურ ბიზნესად. The Founder Institute 2022 წლიდან საქართველოშიც ფუნქციონირებს. 

კომენტარის დატოვება
Founder Institute: 4 ტიპის კითხვა, რომელსაც ინვესტორები ყველაზე ხშირად სვამენ

The Founder Institute ამერიკული ბიზნეს ინკუბატორი და სტარტაპის გაშვების პროგრამაა, რომელიც კალიფორნიაში 2009 წელს დაარსდა. ორგანიზაცია დამწყებ ბიზნესმენებსა და მეწარმეებს საქმის სწორად წარმართვაში ეხმარება, მათ საჭირო რჩვებს აძლევს და გამოცდილებას უზიარებს. როგორც თავად ამბობენ, იდეებს სტარტაპებად აქცევენ, ხოლო სტარტაპებს — გლობალურ ბიზნესად. The Founder Institute 2022 წლიდან საქართველოშიც ფუნქციონირებს. 

ამჯერად ორგანიზაციამ მნიშვნელოვანი და საჭირო რჩევებისთვის ჯეისონ კალაკანისი და მისი წიგნი «Angel» გამოიყენა. კალაკანისი მსოფლიოში საუკეთესო ინვესტორთა ხუთეულში შედის. მან 150-ზე მეტი წარმატებული კომპანია დააფინანსა. საბედნიეროდ, თავის შეხედულებებს მხოლოდ თავისთვის არ ინახახვს და ხელმძღვანელობს ყველას, ვისაც სტარტაპებში ინვესტირება სურს.

ინვესტორების გარდა, კალაკანისის რჩევებით სტარტაპის დამფუძნებლებსაც შეუძლიათ იხელმძღვანელონ და სახსრების მოსაზიდად მოემზადნონ. როგორც ექსპერტი, ჯეისონი მათ საუკეთესო დამფუძნებლების გამოვლენის ტაქტიკას ასწავლის, რაც კითხვების დასმასა და თვისებების ამოცნობასა მოიცავს.

ამ საიდუმლოებების დროულად ათვისებით, ინვესტორებთან შეხვედრისას თავს უხერხულად ან უვიცად არასდროს იგრძნობთ.

რა ინფორმაციის მიღება სურთ ინვესტორებს

საინვესტიციო გადაწყვეტილების მიღებამდე ჯეისონს, ისევე როგორც ბევრ ტოპ ინვესტორს, სურს განსაზღვროს:

  • რატომ აირჩია დამფუძნებელმა ეს ბიზნესი?
  • რამდენად ერთგულია დამფუძნებელი?
  • რამდენად დიდია ალბათობა დამფუძნებლის სტარტაპმა წარმატებას მიაღწიოს?
  • მოუტანს თუ არა სტარტაპის წარმატება თავად ინვესტორს მნიშნველოვან მოგებას?

ზემოთ მოყვანილი ოთხი პუნქტის კარგად გასაგებად და გასააზრებლად, ინვესტორები დამფუძნებლის გაცნობას ცდილობენ და ამისთვის ისინი ხშირად ოთხი ტიპის კითხვებს სვამენ:

1. შეხვედრა და შესავალი კითხვები

  • რაზე მუშაობ?
  • რატომ აკეთებ ამას?

ჯეისონის თქმით, ზემოთ მოცემულ კითხვაზე ორი ყველაზე ცუდი პასუხია: «ფულის გამო» და «იმიტომ, რომ Successful-Company-Name ამას არ აკეთებს».

თუ თქვენ სტარტაპს მხოლოდ ფულისთვის აშენებთ, საბოლოოდ მას მიატოვებთ, როდესაც მიხვდებით, რომ ფულის გამომუშავების მრავალი უკეთესი გზა არსებობს. ალტერნატიულად, თუ რაიმეს აშენებთ იმის გამო, რომ სხვა კომპანია ამას არ აკეთებს — გულუბრყვილო ხართ. მცირედით დაწყება ნორმალურია.

  • რატომ ახლა?

ბევრი ინვესტორისთვის ეს ყველაზე მნიშვნელოვანი კითხვაა, რადგან ძალიან ბევრი სტარტაპი ერთსა და იმავე იდეაზე მუშაობს და მას ამუშავებს.

თქვენ დამაჯერებელი მიზეზი უნდა იპოვოთ, რის გამოც ეს იდეა წარმატებული იქნება ამ კონკრეტულ მომენტში. Uber-ისთვის ეს სმარტფონების ფართო გავრცელება და GPS ფუნქცია აღმოჩნდა. YouTube-ისთვის სხვადასხვა ფაქტორები არსებობდა, რომლებიც ერთმანეთს სწორ დროს შეერწყა: გამტარუნარიანობის ხარჯები მკვეთრად დაეცა, ღრუბლოვანი გამოთვლის გამო შენახვის ხარჯებმა დაიკლო და ბლოგინგმა მოიმატა. აქედან გამომდინარე, YouTube-მა ვიდეოების უფასოდ ჩასართავად ჭკვიანური გზა მოიფიქრა.

  • რა არის თქვენი «არასამართლიანი» უპირატესობა?

ბიზნესმენებს, რომლებიც ახლა ყველაზე წარმატებულნი არიან, «არასამართლიანი» უპირატესობები ჰქონდათ, რომლებიც ჭკვიანურად გამოიყენეს. მაგალითად, Google-ის დამფუძნებლებს ნიჭიერ ინჟინერებთან ახლო კავშირები ჰქონდათ. ბილ გეითსის დედა United Way-ის საბჭოში IBM-ის აღმასრულებელ დირექტორთან ერთად მუშაობდა, ხოლო მარკ ცუკერბერგმა, რომელმაც Facebook სტუდენტობისას შექმნა, კამპუსი სოციალური ქსელის გასაპიარებლად გამოიყენა.

შეჯამება: «რა საიდუმლოებები იცით, რომელიც დაგეხმარებათ, როგორც მოქმედი ლიდერების, ასევე თქვენი მიმდევრების დასამარცხებლად?» — ეს საკვანძო კითხვაა, რომელზე სწორი პასუხიც კონკურენციაზე წინ გაყენებთ.

2. ტაქტიკური კითხვები

  • მომიყევი კონკურენტების შესახებ
  • როგორ გამოიმუშავებთ ფულს?
  • რამდენს უხდით კლიენტებს?
  • რამდენს ხარჯავს თქვენი მომხმარებელი?
  • მითხარი სამი ძირითადი მიზეზი, რის გამოც შეიძლება ეს ბიზნესი წარუმატებელი იყოს.

აი, როგორ უპასუხებს Airbnb ამ კითხვებს:

მომიყევი კონკურენტების შესახებ — Hotels და HomeAway ორი ყველაზე დიდი კონკურენტია. Hotels და HomeAway ბევრად ძვირია — როგორც წესი, ორჯერ ან სამჯერ უფრო ძვირი ვიდრე Airbnb.

როგორ გამოიმუშავებთ ფულს? — ტრანზაქციის საკომისიოს ვიღებთ.

რამდენს ხარჯავს თქვენი მომხმარებელი? — ჩვენთან ყოფნის საშუალო ხანგრძლივობა 1.7 ღამეა, საერთო გადასახადი 225$, საიდანაც ჩვენ $40 ვიტოვებთ.

მითხარი სამი ძირითადი მიზეზი, რის გამოც შეიძლება ეს ბიზნესი წარუმატებელი იყოს. — რეგულაციები ჩვენი ყველაზე დიდი გამოწვევაა, ინვენტარის მოძიება ჩვენი მეორე გამოწვევაა, ხოლო თანმიმდევრული, მაღალი ხარისხის გამოცდილების ქონა მესამე გამოწვევა.

ამჩნევთ, რამდენად ლაკონურია ზემოთ მოცემული პასუხები? თქვენ უნდა მიხვიდეთ იმ წერტილამდე, როდესაც ინვესტორებთან პირდაპირ, ობიექტურად და გახსნილად ისაუბრებთ. ჩვენ გირჩევთ, ამ კითხვებზე თანატოლებთან და მრჩეველბთან ერთად ივარჯიშოთ.

3. პირადი კითხვები

ბევრმა ინვესტორმა შეიძლება პირადი კითხვები დაგისვათ, რათა გაიგოს, ვინ ხართ. ჯეისონი ისეთ კითხვებს სვამს, როგორიცაა: «ვინ არიან შენი მშობლები, რას საქმიანობენ?» ან «მომიყევი დედაზე და მამაზე?» მას ასეთი კითხვების დასმა მოსწონს, რადგან აღზრდის პროცესი ბევრი რამის გარკვევაში ეხმარება.

ინვესტორები ცდილობენ, გააცნობიერონ, მზად ხართ, თუ არა, თვეების განმავლობაში ანაზღაურების გარეშე დარჩეთ. მათ ასევე სურთ იცოდნენ, დადებ თუ არა სახელფასო თანხას ბიზნესის გადასარჩენად.

4. ინვესტიციის გამოყენების კითხვები (Use of Funds Questions)

ინვესტორებმი გკითხავენ, როგორ აპირებთ იმ ფულის გამოყენებას, რომელსაც ისინი თქვენს ბიზნესში დებენ. ნუ უპასუხებთ ამ კითხვას ასე: ''ჩვენ 75%-ს ხელფასებზე/პროდუქტის განვითარებაზე დავხარჯავთ». ინვესტორები ბევრად უფრო ფიქრობენ შედეგებზე, ვიდრე იმაზე, თუ როგორ ხარჯავთ მათ ფულს.

მოკლედ, ეფექტური კომუნიკაციის შენარჩუნება თქვენი მთავარი პრიორიტეტი უნდა იყოს. ჯეისონ კალაკანისი თვლის, რომ თუ დამფუძნებელი თავის ინვესტორებს არ დაუკავშირდა, ეს თითქმის უნივერსალური ნიშანია იმისა, რომ ისინი ბიზნესს ტოვებენ. ამიტომ, გირჩევთ, რომ მუდმივ კომუნიკაციაში იყოთ.

dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თემის მიხედვით
dev.ge-ზე ვაკანსიების სერვისი ამოქმედდა
რა უნდა ვიცოდეთ Pitching-ის შესახებ — რჩევები
რა უნდა ვიცოდეთ Pitching-ის შესახებ — რჩევები
თემის მიხედვით
რა უნდა ვიცოდეთ Pitching-ის შესახებ — რჩევები
რა უნდა იცოდე თუ სტარტაპის გაკეთება გადაწყვიტე — რჩევები დამწყებებს
რა უნდა იცოდე, თუ სტარტაპის გაკეთება გადაწყვიტე — რჩევები დამწყებებს
თემის მიხედვით
რა უნდა იცოდე, თუ სტარტაპის გაკეთება გადაწყვიტე — რჩევები დამწყებებს


ასევე წაიკითხეთ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
საქართველოში განისაზღვრება ინოვაციური სტარტაპის სტატუსი და ამ სტატუსის მქონე კომპანიებს 3 წლის განმავლობაში ყველა გადასახადი გაუნულდებათ. ეს პრემიერ-მინისტრმა ირაკლი კობახიძემ საქართველოს ინოვაციების და ტექნოლოგიების სააგენტოს 10 წლის იუბილეზე თქვა. 
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგი ღონისძიებით ბრუნდება  მათთვის, ვისაც სტარტაპის მართვის შიდა სამზარეულოსა და მამაკაცების მიერ დომინირებულ ტექნოლოგიების სფეროში ქალი დამფუძნებლის მოღვაწეობის თავისებურებებზე მეტის გაგება სურს.
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტი, Biliki.AI მომხმარებლებს განახლებულ ფუნქციონალს სთავაზობს — უფრო სწრაფი და ჭკვიანი სამოგზაურო რეკომენდაციებით ტურის დაგეგმვის სიჩქარე 5 წამამდე შემცირდა.
ნახეთ, ვინ გაიმარჯვა ForSet-ის სიძულვილის ენის ჰაკათონში
ნახეთ, ვინ გაიმარჯვა ForSet-ის სიძულვილის ენის ჰაკათონში
ნახეთ, ვინ გაიმარჯვა ForSet-ის სიძულვილის ენის ჰაკათონში
ციფრულ სამყაროში ერთ-ერთი ყველაზე გავრცელებული პრობლემა გენდერის ნიშნით სიძულვილის ენის გამოყენება და სიძულვილით მოტივირებული ძალადობაა, რომელიც ქალებისა და კაცების მიმართ სხვადასხვანაირად ვლინდება. Საერთაშორისო კვლევებით დასტურდება, რომ ქალების მიმართ ამგვარი ძალადობა უფრო ხშირია. 
განხილვა
კომენტარები ჯერ არაა.