ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
23 თებერვალი 2024, 09:00
2024-02-23
რა არის და როგორ იმუშავებს ევროკავშირის AI ოფისი
ევროკომისიის ბლოგში ვკითხულობთ, რომ შეიქმნება ევროპული AI ოფისი, ევროკავშირის მასშტაბით, ხელოვნური ინტელექტის ექსპერტიზის პირველი ცეტრი იქნება. ის მნიშვნელოვან როლს შეასრულებს AI აქტის განხორციელებაში, ხელს შეუწყობს სანდო ხელოვნური ინტელექტის განვითარებასა და გამოყენებას და საერთაშორისო თანამშრომლობას.
ევროპული AI ოფისი სანდო ხელოვნური ინტელექტის განვითარებასა და გამოყენებას დაუჭერს მხარს და რისკებს შეამცირებს.
AI ოფისი ევროკომისიის ფარგლებში შეიქმნა, როგორც ხელოვნური ინტელექტის ექსპერტიზის ცენტრი და ის ერთიანი ევროპული AI მართვის სისტემისთვის საფუძველს წარმოადგენს.
ცხადია, ევროკავშირის მიზანი ხელოვნური ინტელექტის უსაფრთხოებისა და სანდოობის უზრუნველყოფაა. შესაბამისად, AI აქტი მსოფლიოში პირველი ყოვლისმომცველი საკანონმდებლო ბაზაა, რომელიც 27 წევრ ქვეყანაში ადამიანების ჯანმრთელობას, უსაფრთხოებასა და ფუნდამენტურ უფლებებს უზრუნველყოფს.
გარდა უსაფრთხოებისა, AI ოფისი ასევე სანდო ხელოვნური ინტელექტის ინოვაციურ ეკოსისტემას უწყობს ხელს, რათა მისგან სოციალური და ეკონომიკური სარგებელი მივიღოთ. ის სტრატეგიულ, თანმიმდევრულ და ეფექტურ ევროპულ მიდგომას უზრუნველყოფს, რაც გლობალური საცნობარო წერტილი გახდება.
კარგად ინფორმირებული და გააზრებული გადაწყვეტილების მიღებისთვის, AI ოფისი წევრ ქვეყნებთან და ექსპერტთა ფართო საზოგადოებასთან სპეციალური ფორუმებისა და ექსპერტთა ჯგუფების მეშვეობით თანამშრომლობს. ის სამეცნიერო საზოგადოების, ინდუსტრიის, ანალიტიკური ცენტრების, სამოქალაქო საზოგადოებისა და ღია წყაროს ეკოსისტემის ცოდნას აერთიანებს, რაც მათი შეხედულებებისა და ექსპერტიზის გათვალისწინებას უზრუნველყოფს.
AI ოფისის მუშაობისთვის მრავალფეროვან ინსტიტუტებთან, ექსპერტებთან და დაინტერესებულ მხარეებთან თანამშრომლობა აუცილებელია.
ინსტიტუციურ დონეზე, AI ოფისი ევროპის ხელოვნური ინტელექტის საბჭოსთან მჭიდროდ თანამშრომლობს. ამასთან, დამოუკიდებელი ექსპერტებისგან შემდგარი სამეცნიერო პანელი სამეცნიერო საზოგადოებასთან ძლიერ კავშირს უზრუნველყოფს. როგორც ბლოგში ვკითხულობთ, ხელოვნური ინტელექტის ოფისს ასევე ცალკეულ ექსპერტებთან და ორგანიზაციებთან თანამშრომლობაც შეუძლიათ.
აღსანიშნავია, რომ ხელოვნური ინტელექტის ოფისი პოლიტიკის, ტექნიკური და იურიდიული სამუშაოებისა და ადმინისტრაციული დახმარებისთვის მალე სხვადასხვა პროფესიის მქონე ადამიანების დაქირავებას დაიწყებს.
გარე ექსპერტებსა და დაინტერესებულ მხარეებს შესაძლებლობა ექნებათ, რომ სპეციალურ ფორუმებს შეუერთდნენ და AI ოფისის მუშაობას მხარი დაუჭირონ.
გენერაციული AI-ის 4 ტიპი, რომელიც ჩვენს სამყაროს გარდაქმნის
ტერმინი «გენერაციული AI» ხელოვნური ინტელექტის შედარებით ახალ სფეროს ეხება, რომელსაც ადამიანის მსგავსი შინაარსის შექმნა შეუძლია — სურათებიდან და ვიდეოებიდან დაწყებული, პოეზიითა და კომპიუტერული კოდებით დამთავრებული.