ფრანგი დიჯეი და პროდიუსერი, დევიდ გეტა მუსიკაში ხელოვნურ ინტელექტს აქტიურად იყენებს და ტექნოლოგიას, ძირითადად, პოპ არტისტების ხმების ჩასანაცვლებლად ხმარობს. გასულ კვირას გეტამ მიმდევრებს ვიდეო გაუზიარა, რომელშიც თავის ერთ-ერთ სიმღერას, ხელოვნური ინტელექტის დახმარებით, რეპერ ემინემის ხმას დაამატა.
ფრანგი დიჯეი და პროდიუსერი, დევიდ გეტა მუსიკაში ხელოვნურ ინტელექტს აქტიურად იყენებს და ტექნოლოგიას, ძირითადად, პოპ არტისტების ხმების ჩასანაცვლებლად ხმარობს. გასულ კვირას გეტამ მიმდევრებს ვიდეო გაუზიარა, რომელშიც თავის ერთ-ერთ სიმღერას, ხელოვნური ინტელექტის დახმარებით, რეპერ ემინემის ხმას დაამატა.
«ნება მომეცით გაგაცნოთ… Emin-AI-em». — დაწერა გეტამ Twitter-ზე. თანდართულ ვიდეოში ემინემის ჩანაცვლებული ხმაც ისმის, რომელიც ორ ფრაზას რამდენჯერმე იმეორებს: «ეს რეივის მომავალია/მე საოცარი ვარ.»
«ემინემ, ძმაო, ეს ის შემთხვევაა, როცა რაღაცას ხუმრობით აკეთებ და ძალიან კარგად მუშაობს — დაუჯერებელია… თქვენ ტექსტის დაწერა ნებისმიერი არტისტის სტილში შეგიძლიათ, ამიტომ მე ხელოვნურ ინტელექტს ვუბრძანე „დაწერე ვერსი ემინემის სტილში რეივის მომავლის შესახებ“. ამის შემდეგ AI-ის სხვა ვებსაიტზე გადავედი, რომელსაც ხმის ხელახლა შექმნა შეუძლია. ხალხი გაგიჟდა.» — ამბობს დევიდ გეტა.
გეტამ ვიდეოს პასუხებში ხალხი დაარწმუნა, რომ სიმღერას კომერციულად არ გამოიყენებდა — ვიდეოს გამოქვეყნებისთანავე დებატები გაჩაღდა, თითქოს ფრანგი დიჯეი ამას არა მუსიკისთვის, არამედ გარკვეული მოგებისთვის აკეთებდა.
ბოლო რამდენიმე თვის განმავლობაში, სხვადასხვა პლატფორმაზე სულ უფრო მეტ AI-ით გენერირებულ კონტენტს ვხვდებით. მაგალითად, TikTok-ზე თაყვანისმცემლები უკვე არსებულ სიმღერებს მღეროდნენ და ხელოვნურ ინტელექტს იყენებდნენ, რათა ჟღერადობა ორიგინალი მომღერლის ხმას დამსგავსებოდა.
გასულ თვეში მუსიკის გენერატორის საიტმა, Drayk.it-მა დიდი პოპულარობა მოიპოვა მას შემდეგ, რაც ხელოვნური ინტელექტის დახმარებით Drake-ის სიმღერები შექმნა. ვირუსულმა პლატფორმამ ცოტა ხნით იმუშავა და ამ დროისთვის აღარ არსებობს, სავარაუდოდ, სამართლებრივი პრობლემების გამო.
ზოგიერთმა ხელოვანმა თავისი უკმაყოფილება ტექნოლოგიის მიმართ უკვე გამოთქვა.
