BitCamp Kids იწყება
BitCamp უკვე ოფიციალურად პროგრამირების სფეროში ბავშვების განვითარებაზე იზრუნებს და მათ სხვადასხვა სასწავლო კურსებით უზრუნველყოფს. BitCamp-ის თანადამფუძნებლის, ოთო ზაკალაშვილის თქმით, BitCamp Kids იწყება.
BitCamp უკვე ოფიციალურად პროგრამირების სფეროში ბავშვების განვითარებაზე იზრუნებს და მათ სხვადასხვა სასწავლო კურსებით უზრუნველყოფს. BitCamp-ის თანადამფუძნებლის, ოთო ზაკალაშვილის თქმით, BitCamp Kids იწყება.
BitCamp Kids ახალი იდეაა, რომელიც სკოლის მოსწავლეებისთვის პროგრამირების სასწავლო პროგრამის შედგენას გულისხმობს. პროგრამირების სასწავლო პლატფორმა 9-დან 14 წლამდე სკოლის მოსწავლეებისთვის იქნება ხელმისაწვდომი.
ბავშვები პროგრამირების საფუძვლებს, გრაფიკულ პროგრამირებას, მინი თამაშების დეველოპმენტსა და ვებ პროგრამირების საფუძვლებს ისწავლიან. ამასთან ერთად, BitCamp-ის მიერ შეთავაზებული პროექტებითა და სასწავლო აქტივობებით საკუთარი თავის და კრეატიულობის გამოხატვას შეძლებენ.
«თქვენს შვილებს პირველად ცხოვრებაში ექნებათ შანსი, რომ სწავლის თავიანთ ტემპზე მორგებულ გარემოში ისწავლონ, არ ეცადნონ სხვებისთვის დაწევას, არ ეგონოთ, რომ ვინმეს ჩამორჩებიან ან ასწრებენ, ჰქონდეთ პირადი მიზნები და ჰყავდეთ მენტორები რომლებიც ამ მიზნების მიღწევაში დაეხმარებიან». — წერს ოთო ზაკალაშვილი.
სასწავლო პროცესი სრულიად დისტანციური იქნება, რაც მას ყველასთვის ხელმისაწვდომს ხდის. პროგრამის ფარგლებში, 1 თეორიული და 2 პრაქტიკული გაკვეთილი ჩატარდება — თეორიულ შეხვედრაზე მენტორი ახალ თემას ახსნის, ხოლო მომდევნო 2 პრაქტიკული გაკვეთილი ამ ახალი თემის გაშლასა და გააზრებას დაეთმობა.
«კვირის ყოველ სამუშაო დღეს, ორშაბათიდან პარასკევის ჩათვლით, თქვენს შვილებს საშუალება ექნებათ, საღამოს 3-დან 8 საათამდე შუალედში ნებისმიერი კითხვით მიმართონ თავიანთ მენტორს. ამ შუალედში, ჩვენს ონლაინ სასწავლო სივრცეში ჩვენს მიერ შერჩეული და გადამზადებული მენტორები თქვენი შვილების კითხვებს უპასუხებენ და მათ დავალებებსა და პროექტებზე მუშაობაში დაეხმარებიან». — განაცხადა ოთო ზაკალაშვილმა.
ყოველ შაბათს BitCamp-ის მოსწავლეთა შეკრებები, შეჯიბრები, ღონისძიებები, საკუთარი ნამუშევრების წარდგენები, პრეზენტაციები და სხვა აქტივობები გაიმართება.
«საბავშვო პროგრამა 2 წლიანია და პროგრამირებისა თუ ვებ დეველოპმენტის გარდა ძალიან ბევრი რამეს მოიცავს, წინასწარ ჩვენც არ ვიცით რადგან ყველა ბავშვი ინდივიდუალურია და მათი ინტერესების მიხედვითაც შევძლებთ პერსონალური სამენტორო პროცესის წარმოებას». — წერს ზაკალაშვილი.
სწავლის ფასი თვეში 50 ლარი იქნება. მოსწავლეთა პირველი ნაკადი სწავლას იანვრის შუა რიცხვებში დაიწყებს, ხოლო გახსნის ღონისძიება, სავარაუდოდ, შობის შემდეგ ჩატარდება.
BitCamp ყველაზე დიდი Tech ქომიუნითია საქართველოში. ის დამწყები პროგრამისტებისთვის ოთო ზალაკაშვილმა და ჰერმან საბომ დააარსეს.
მათ შექმნეს სრულიად უსასყიდლო სასწავლო პროგრამა, რომელიც მთლიანად თვითსწავლაზე იყო დაფუძნებული.
ინტერესი დიდი აღმოჩნდა და პროგრამის გარშემო დამწყები დეველოპერების საზოგადოება შეიკრიბა. ისინი ერთმანეთს ეხმარებოდნენ და ეხმარებიან სწავლაში.
პროგრამირება ბავშვებისთვის — BitCamp-ის ახალი ჩანაფიქრი
პროგრამირება ბავშვებისთვის — BitCamp-ის ახალი ჩანაფიქრი
ანი ავაზნელი BitCamp-ის ახალი აღმასრულებელი დირექტორია
ანი ავაზნელი BitCamp-ის ახალი აღმასრულებელი დირექტორია
