ბილ გეითსმა აღიარა, რომ სკოლაში მოტივაციისა და სწავლის სურვილის ნაკლებობას განიცდიდა
ბილ გეითსმა ბოლო პოდკასტში თავისი ადრეული განათლების შესახებ ისაუბრა და აღიარა, რომ სკოლაში სწავლისას მოტივაციისა და სურვილის ნაკლებობას განიცდიდა.
ბილ გეითსმა ბოლო პოდკასტში თავისი ადრეული განათლების შესახებ ისაუბრა და აღიარა, რომ სკოლაში სწავლისას მოტივაციისა და სურვილის ნაკლებობას განიცდიდა.
«მასწავლებელს ბევრი ენერგიის დახარჯვა უწევდა, რათა ჩემი სწავლისადმი დამოკიდებულება შეეცვალა». — ამბობს ბილ გეითსი.
მილიარდერმა თავისი პოდკასტის, Unconfuse Me-ის მეორე ეპიზოდში, სადაც ის არაკომერციული ონლაინ განათლების პლატფორმის, Khan Academy-ის დამფუძნებელს, სალ ხანს ესაუბრებოდა, განიხილა, როგორ შეიძლება ხელოვნური ინტელექტი ბავშვებს სწავლაში დაეხმაროს.
«ადრეულ ასაკში მათემატიკაში ზარმაცი ვიყავი». — თქვა 67 წლის გეითსმა. — «მერვე კლასში მასწავლებელმა მითრა: «როგორ ხარ ასეთი ზარმაცი? შეგიძლია, მათემატიკაში ძალიან კარგი იყო». მე ვუპასუხე: «მაგრამ ჩვენ საინტერესოს არაფერს ვაკეთებთ».
გეითსმა ახსნა, რომ მასწავლებელი მას წასაკითხად წიგნებს აძლევდა და უკეთესისკენ უბიძგებდა.
«მას ეგონა, რომ დროს ვკარგავდი. ამან განათლებაზე ჩემი შეხედულება შეცვალა. მე ასეთი შეხედულება მქონდა, რომ რაც უფრო ნაკლებ ძალისხმევას ხარჯავ, მით უფრო მაგარი ხარ». — თქვა ბილ გეითსმა.
გეითსმა 1975 წელს ჰარვარდის უნივერსიტეტი მიატოვა, რათა პოლ ალენთან ერთად Microsoft დაეარსებინა.
მან ადრე თქვა, რომ უნივერსიტეტში «მშვენიერ დროს ატარებდა», მაგრამ წუხდა იმის გამო, რომ გამოთვლითი რევოლუციის ნაწილს ტოვებდა.
გეითსმა სტუდენტებს მოუწოდა, კოლეჯში ოთხი წელი დარჩნენ, რათა საუკეთესო შედეგები მიიღონ.
გეითსი Microsoft-ში ადრეულ დღეებში ბევრს მუშაობდა. ახლახან თქვა, რომ კოლეგებს კონკურენციას უწევდა და ძალიან ცოტა ეძინა, რადგან ძილს «სიზარმაცედ და არასაჭიროდ» თვლიდა.
ის ახლა თავის კეთილდღეობაზე უფრო მეტს ზრუნავს. პოდკასტში განაცხადა, რომ თავის ყოველდღიურ ძილის ქულას თვალყურს ადევნებს, რათა ტვინის კარგი მდგომარეობა შეინარჩუნოს.
ბილ გეიტსი: ცხოვრება უფრო მეტია, ვიდრე სამუშაო
ბილ გეიტსი: ცხოვრება უფრო მეტია, ვიდრე სამუშაო
ბილ გეითსის აზრით, AI სისტემების წვრთნის შეჩერება პრობლემებს ვერ მოაგვარებს
ბილ გეითსის აზრით, AI სისტემების წვრთნის შეჩერება პრობლემებს ვერ მოაგვარებს
ბილ გეითსი: ხელოვნური ინტელექტის ხანა დაიწყო
ბილ გეითსი: ხელოვნური ინტელექტის ხანა დაიწყო
