აშშ-ის იუსტიციის დეპარტამენტმა (DOJ), აშშ-ის რვა შტატის გენერალურ პროკურორებთან ერთად Google-ის წინააღმდეგ სასამართლოში სარჩელი შეიტანა. უწყების განცხადებით, კომპანიის ანტიკონკურენტულმა ქმედებებმა, თუ არ გაანადგურა, მნიშვნელოვნად შეასუსტა კონკურენცია სარეკლამო ტექნოლოგიების ინდუსტრიაში.
აშშ-ის იუსტიციის დეპარტამენტმა (DOJ), აშშ-ის რვა შტატის გენერალურ პროკურორებთან ერთად Google-ის წინააღმდეგ სასამართლოში სარჩელი შეიტანა. უწყების განცხადებით, კომპანიის ანტიკონკურენტულმა ქმედებებმა, თუ არ გაანადგურა, მნიშვნელოვნად შეასუსტა კონკურენცია სარეკლამო ტექნოლოგიების ინდუსტრიაში.
Google ბაზრის ლიდერია, მაგრამ მისი წილი აშშ-ის ციფრული რეკლამის მთლიანი შემოსავლიდან, 2016-2022 წლებში, 36,7%-დან 28,8%-მდე დაეცა — აცხადებს ბაზრის კვლევის კომპანია Insider Intelligence.
აშშ-ის გენერალური პროკურორის, მერიკ გარლანდის ბრალდების თანახმად, Google ანტიკონსტიტუციურად 3 ძირითადი მიმართულებით იქცევა:
«Google-ის სქემის შედეგად, საიტების შემქმნელები ნაკლებს გამოიმუშავებენ, ხოლო რეკლამის განმთავსებლები მეტს იხდიან». — თქვა მერიკ გარლანდმა.
მისი განცხადებით, ეს იმას ნიშნავს, რომ ნაკლებ გამომცემელს შეუძლია კონტენტის შეთავაზება გამოწერების, paywall-ის (როცა ვებგვერდზე წვდომა ღიაა მხოლოდ მათთვის, ვინც ამისთვის შესაბამის საფასურს იხდის) ან მონეტიზაციის სხვა ფორმების გარეშე.
აშშ-ის გენერალური პროკურორის თანაშემწის, ჯონათან კანტერის თქმით, ბოლო 15 წლის განმავლობაში კომპანიის ქმედებებმა გამოიწვია კონკურენტების განდევნა და შემცირება, რეკლამის ხარჯების გაზრდა, ვებსაიტების გამომცემლების შემოსავლების შემცირება, ინოვაციების შეფერხება და იდეების საჯარო ბაზრის დაკნინება.
Google-მა BBC-ის კითხვის პასუხად განაცხადა, რომ აშშ-ის იუსტიციის დეპარტამენტი ცდილობს, სარეკლამო ტექნოლოგიების კონკურენტუნარიან სექტორში გამარჯვებული და დამარცხებული აირჩიოს.
Google-ის გლობალური რეკლამის ვიცე-პრეზიდენტმა, დენ ტეილორმა განაცხადა, რომ რომ DOJ-ის ქმედება განვითარებას აფერხებს და ფართო სარეკლამო სექტორს აზიანებს.
აშშ-ის გარდა, დიდი ტექნოლოგიური კომპანიების შეზღუდვას ევროპაც ცდილობს — 2023 წელს ევროკავშირს დაგეგმილი აქვს მათი ძალის შემცირება. EU-მ სილიკონის ველის გიგანტებს უკვე დაუწესა ანტიმონოპოლიური ჯარიმები და ციფრული რეგულაციები შემოიღო. ასევე, ევროკავშირმა შეზღუდა Apple-ის ძალაუფლებაც და აიძულა კონკურენციის ახალი ევროპული კანონის დაცვა. ეს ყველაფერი დიდი ტექნოლოგიების დომინირების შემცირებას და ევროპული გამოწვევების ხელშეწყობას ემსახურება.
