ნანუკა კოხოძე მსოფლიო 14 აპრილი 2023, 15:53

Amazon მომხმარებლებს თაღლითების შესახებ აფრთხილებს

Amazon მომხმარებლებს თაღლითებისგან თავის დასაცავად ინსტრუქციას უგზავნის.

2022 წლის განმავლობაში კომპანიამ მომხმარებლების დასაცავად მნიშვნელოვანი ნაბიჯები გადადგა. მათ შორის, წაშალა 20 000 ფიშინგ ვებსაიტი და 10 000 ნომერი, რომლებიც თაღლითობაში იყვნენ ჩართული.

2023 წლის აპრილში Amazon თავის მომხმარებლებს თაღლითების შესახებ აფრთხილებს და სათანადო მითითებებს უგზავნის:

იყავით ყურადღებით აპლიკაციებისა და პროგრამული უზრუნველყოფის გადმოწერისას — Amazon არ მოგთხოვთ აპლიკაციის დაყენებას ან პროგრამული უზრუნველყოფის ჩამოტვირთვას ანაზღაურების ასაღებად ან მომხმარებელთა სერვისისგან დახმარების მისაღებად.
არ გადაიხადოთ ტელეფონით — Amazon არ მოგთხოვთ, რომ მიაწოდოთ გადახდის ინფორმაცია, სასაჩუქრე ბარათები, პროდუქტები და სერვისები სატელეფონო კავშირით.
ყოველთვის დაადასტურეთ შეკვეთები Amazon-თან — Amazon არ მოიცავ შეძენილი პროდუქტის ინფორმაციას შეკვეთის დადასტურებისა და მიწოდების დამადასტურებელ წერილებში. რომლებსაც ისინი კლიენტებს უგზავნიან. შეკვეთასთან დაკავშირებული ნებისმიერი კითხვა ყოველთვის გადაამოწმეთ Amazon.com-ზე ან «Amazon Shopping» აპლიკაციაში.
ფრთხილად იყავით ყალბ «სასწრაფო შემთხვევებთან» — Amazon არ მოახდენს თქვენზე ზეწოლას, რომ დაუყოვნებლივ იმოქმედოთ. თაღლითებმა შესაძლოა, შექმნან სასწრაფოდ მოქმედების აუცილებლობის გრძნობა, რათა დაგარწმუნონ, რომ გააკეთოთ ის, რასაც ითხოვენ.

ზარის, ტექსტის, ან ელექტრონული ფოსტის შეტყობინების მიღებისას, რომელიც შესაძლოა, არ იყოს Amazon-გან, კომპანია მომხმარებლებს სთხოვს, ამის შესახებ amazon.com/reportascam-ს აცნობონ.