ილონ მასკი ამბობს, რომ Twitter-ის ახალი CEO იპოვა და რომ ის (ქალი) მუშაობას 6 კვირაში დაიწყებს. ამერიკული მედიების ცნობით, მასკი ლინდა იაკარინოზე ლაპარაკობს — NBCUniversal-ის რეკლამის და პარტნიორობის მიმართულების ამჟამინდელი ხელმძღვანელზე.
ილონ მასკი ამბობს, რომ Twitter-ის ახალი CEO იპოვა და რომ ის (ქალი) მუშაობას 6 კვირაში დაიწყებს. ამერიკული მედიების ცნობით, მასკი ლინდა იაკარინოზე ლაპარაკობს — NBCUniversal-ის რეკლამის და პარტნიორობის მიმართულების ამჟამინდელი ხელმძღვანელზე.
ლინდა იაკარინოს შესახებ ინფორმაცია დაზუსტებული არ არის. ტვიტერის და NBC-ის სპიკერები ჟურნალისტებს კომენტარზე უარს ეუბნებიან.
ილონ მასკმა ტვიტერზე დაწერა:
«მოხარული ვარ გამოვაცხადო, რომ X/Twitter-ისთვის ახალი აღმასრულებელი დირექტორი დავიქირავე. ის მუშაობას დაიწყებს ~ 6 კვირაში დაიწყებს. მე აღმასრულებელი თავმჯდომარის და მთავარი ტექნიკური ოფიცრის პოზიციაზე გადავინაცვლებ».
Excited to announce that I’ve hired a new CEO for X/Twitter. She will be starting in ~6 weeks!
— Elon Musk (@elonmusk) May 11, 2023
My role will transition to being exec chair & CTO, overseeing product, software & sysops.
The Verge წერს, რომ ლინდა იაკარინოს Twitter-ის CEO-ს პოზიციის დაკავება სურდა და ამის შესახებ მეგობრებსაც ეუბნებოდა.
იარაკინომ ილონ მასკს მაიამიში, სარეკლამო კონფერენცია Possible-ზეც უმასპინძლა.
ლინდა იაკარინო NBC Universal-ის გაყიდვებისა და რეკლამის 2000-ადამიანისგან შემდგარ გლობალურ გუნდს ხელმძღვანელობს.
მისმა გუნდმა გამოიმუშავა 100 მილიარდ აშშ დოლარზე მეტი სარეკლამო გაყიდვები, გააფართოვა კომპანიის წვდომა გლობალურად, გააფორმა უმნიშნელოვანესი ინოვაციური სარეკლამო შეთანხმებები, დაიწყო კომპანიის რეკლამის მხარდაჭერილი სტრიმინგის სერვისი და განახორციელა მსხვილი ინვესტიციები მონაცემთა და ტექნოლოგიების მიმართულებით.
რაც შეეხება ილონ მასკს — მან ტვიტერი 2022 წლის ოქტომბერში 44 მილიარდ აშშ დოლარად შეიძინა. მას შემდეგ შეცვალა პლატფორმის პოლიტიკა, ასევე, გაათავისუფლა ასობით ადამიანი.
მასკმა თქვა, რომ CEO-ს პოსტიდან გადადგებოდა, თუ თავის შემცვლელს იპოვიდა. როგორც ჩანს, იპოვა კიდეც.
