ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

თიბისის ეჯაილ გუნდი Agile Prague-ის კონფერენციაზე

თიბისიმ საქართველოში Agile ტრანსფორმაციას ჩაუყარა საფუძველი. მრავალ უპირატესობასთან ერთად, ეს დიდი პასუხისმგებლობაცაა, ამიტომ აუცილებელია, რომ გუნდი, რომელიც ამ მიმართულებით მუშაობს, მუდმივად ვითარდებოდეს, პროგრესირებდეს და მოთხოვნების შესაბამისად, ცვლიდეს მიდგომებს. 

კომენტარის დატოვება
თიბისის ეჯაილ გუნდი Agile Prague-ის კონფერენციაზე

თიბისიმ საქართველოში Agile ტრანსფორმაციას ჩაუყარა საფუძველი. მრავალ უპირატესობასთან ერთად, ეს დიდი პასუხისმგებლობაცაა, ამიტომ აუცილებელია, რომ გუნდი, რომელიც ამ მიმართულებით მუშაობს, მუდმივად ვითარდებოდეს, პროგრესირებდეს და მოთხოვნების შესაბამისად, ცვლიდეს მიდგომებს. 

სწორედ ამ გეგმისკენ მიმავალი გზის ნაწილია კონფერენციები, რომლებსაც Agile ექსპერტიზის ცენტრის გუნდი ეტაპობრივად ესწრება. გუნდი ამჯერად ერთ-ერთ ყველაზე მნიშვნელოვან და მასშტაბურ ღონისძიებაზე, Agile Prague-ზე იმყოფებოდა. 

dev.ge-სთან კონფერენციის ფარგლებში მიღებულ გამოცდილებაზე, ემოციებსა და მნიშვნელობაზე თიბისის Agile ქოუჩმა, კოტე კევლიშვილმა ისაუბრა.

კოტეს თქმით, Agile Prague, რომელსაც თიბისიდან 23 ადამიანი დაესწრო, ევროპაში ერთ-ერთი ყველაზე დიდი კონფერენციაა, რომელიც უკვე 16 წელია ტარდება. მიზანი ერთმანეთისთვის წარმატების ისტორიისა და გამოცდილების გაზიარება, ცოდნის მიღება, აზრების გაცვლა და ახალი იდეების ჩამოტანაა. კოტე იმედოვნებს, რომ მსგავსი შესაძლებლობა გუნდს კიდევ ბევრჯერ მიეცემა.

კოტე კევლიშვილი
«ჩვენი გუნდი მსგავს ღონისძიებებს აქამდეც დასწრებია, თუმცა, ამჯერად Agile Prague-ზე პრაქტიკულად მთელი შემადგენლობით ვიმყოფებოდით. კონფერენცია, რომელიც სექტემბერში ჩატარდა,  2 დღის განმავლობაში გაგრძელდა — იყო სხვადასხვა ვორქშოფი, სემინარი, Agile-თან დაკავშირებული აქტივობები და სხვა. ჩვენ ყველაფერში აქტიურად ვიყავით ჩართულნი და მაქსიმალურად ვცდილობდით კოლეგების გაცნობასა და მათთან აზრების გაცვლას».

კოტეს აზრით, მსგავსი კონფერენციები ისეთი ორგანიზაციისთვის, როგორიც თიბისია უმნიშვნელოვანესია. კომპანია არამხოლოდ ადგილობრივ პრაქტიკებს, არამედ საერთაშორისო მაგალითებსაც აქტიურად აკვირდება და ახალ გადაწყვეტილებებამდე სწორედ მათზე დაყრდნობით მიდის. აქედან გამომდინარე, პროგრესის ხარისხის გაგების საუკეთესო გზა სხვა ორგანიზაციებთან შედარებაა. 

კოტე ამბობს, რომ ერთი მხრივ, კონფერენცია იმის დასტური იყო, რომ კომპანია სწორ გზაზე დგას და მეორე მხრივ, ნიშანი, რომ კონკრეტული პრაქტიკები, რომლებიც იქ გაუზიარეს, მომავალში თიბისიში უნდა დანერგონ. 

კოტე კევლიშვილი
«როდესაც კომპანია, რომელშიც მუშაობ, გეხმარება, მსგავს ღონისძიებას დაესწრო, მოტივაციას საგრძნობლად გმატებს. ამასთან ერთად, მსოფლიოში საუკეთესო პრაქტიკების გაცნობა ისეთი მიმართულების წარმომადგენლისთვის, როგორიც Agile-ია, ძალიან მნიშვნელოვანია».

კოტე გვიყვება, რომ კონფერენციაზე მხოლოდ დამსწრეების როლში არ ყოფილან და ყველაფერში აქტიურად ჩაერთნენ. მაგალითად, თიბისის გუნდის წევრებმა, ლევან კოკაიამ და ანრი მანიამ საკუთარი სტარტაპი წარადგინეს, რომელიც Agile Tooling-ს შეეხება, რამაც კოლეგების დიდი ინტერესი გამოიწვია.  

მთლიანობაში, კონფერენცია თიბისის ტექ გუნდისთვის ძალიან ღირებული იყო — დიდი გამოცდილების მიუხედავად, ზოგჯერ, მხოლოდ შიდა ორგანიზაციულ ჭრილში იმის გაგება, თუ რამდენად კარგად პროგრესირებ, რთულია. თიბისის გუნდის წევრები Agile Prague-ზე სხვა ორგანიზაციების ქეისებს გაეცნენ და მიხვდნენ, რომ სწორი მიმართულებით ვითარდებიან, რაც წინსვლისთვის გადამწყვეტია.  

თიბისის დეველოპერები ლისაბონში OutSystems One-ის კონფერენციას დაესწრნენ
თიბისის დეველოპერები ლისაბონში OutSystems One-ის კონფერენციას დაესწრნენ
თემის მიხედვით
თიბისის დეველოპერები ლისაბონში OutSystems One-ის კონფერენციას დაესწრნენ


ასევე წაიკითხეთ
ნახეთ — Space International-ს 22 ახალი ვაკანსია აქვს
ნახეთ — Space International-ს 22 ახალი ვაკანსია აქვს
ნახეთ — Space International-ს 22 ახალი ვაკანსია აქვს
მსხვილ ფინანსურ და ტექნოლოგიურ კომპანია Space International-ს 22 ახალი ვაკანსია აქვს. ნახეთ, რა პოზიციებზე ეძებს კომპანია ეძებს პროფესიონალებს 👇
Thoughtworks თიბისის სტრატეგიული პარტნიორია
Thoughtworks თიბისის სტრატეგიული პარტნიორია
Thoughtworks თიბისის სტრატეგიული პარტნიორია
უკვე ერთ წელზე მეტია, ტექნოლოგიური ტრანსფორმაციის კიდევ უფრო გასამარტივებლად და ასაჩქარებლად თიბისიმ და საერთაშორისო საკონსულტაციო კომპანია Thoughtworks-მა პარტნიორობა დაიწყეს. 
ტესტერთა შიდა ღონისძიება — თიბისის ხარისხის მართვის მიმართულებამ 2023 წელი შეჯამა
ტესტერთა შიდა ღონისძიება — თიბისის ხარისხის მართვის მიმართულებამ 2023 წელი შეჯამა
ტესტერთა შიდა ღონისძიება — თიბისის ხარისხის მართვის მიმართულებამ 2023 წელი შეჯამა
უკვე მეორედ, თიბისის ხარისხის უზრუნველყოფის მიმართულების თანამშრომლები ტესტერთა შიდა ღონისძიებაზე შეიკრიბნენ. ადამიანებმა, რომლებიც თიბისის ციფრული პროდუქტების მაღალ ხარისხს უზრუნველყოფენ, ერთმანეთს ის მიღწევები და ტექნიკური გადაწყვეტები გაუზიარეს, რომლებზეც 2023 წლის განმავლობაში იმუშავეს. 
განხილვა
კომენტარები ჯერ არაა.