თიბისი ჯგუფის ტექ გუნდი გვიზიარებს მიღებულ გამოცდილებას ერევანში, AWS-ის (Amazon Web Services)-ის სომხეთის გუნდის (AWS User Group Armenia)-ს მიერ ორგანიზებულ GameDay-ზე. GameDay შეჯიბრია, რომლის ძირითადი მიზანი გადაწყვეტილებების დანერგვის უნარის შემოწმებაა, რათა მონაწილეებმა რეალურ სამყაროში არსებული პრობლემების გადაჭრა რისკისგან თავისუფალ გარემოში ისწავლონ.
თიბისი ჯგუფის ტექ გუნდი გვიზიარებს მიღებულ გამოცდილებას ერევანში, AWS-ის (Amazon Web Services)-ის სომხეთის გუნდის (AWS User Group Armenia)-ს მიერ ორგანიზებულ GameDay-ზე. GameDay შეჯიბრია, რომლის ძირითადი მიზანი გადაწყვეტილებების დანერგვის უნარის შემოწმებაა, რათა მონაწილეებმა რეალურ სამყაროში არსებული პრობლემების გადაჭრა რისკისგან თავისუფალ გარემოში ისწავლონ.
თიბისის ჯგუფის ტექ გუნდი ოთხი სხვადასხვა მიმართულების ინჟინრისგან იყო დაკომპლექტებული — საბა საყვარელიძე (CloudOps ინჟინერი), დავით სამადაშვილი (SRE ინჟინერი), დავით გოგრიჭიანი (CloudOps ინჟინერი) და გიორგი სემენიხინი (DevOps ინჟინერი) — რაც მათი თქმით, ეფექტიანად გამოიყენეს.
CloudOps ინჟინერმა და თიბისის ტექ გუნდის ერთ-ერთმა წევრმა, საბა საყვარელიძემ dev.ge-სთან კონკურსზე, მიღწეულ შედეგსა და მიღებულ გამოცდილებაზე დეტალურად ისაუბრა.
გვიყვება, რომ კონკურსი საკმაოდ რთულ და კომპლექსურ დავალებებს მოიცავდა. თიბისიში დაგროვებული გამოცდილება კი მასა და მთლიანად გუნდს ძალიან დაეხმარა. საბას თიბისიში AWS-სთან უშალო შეხება აქვს, რაც დავალების შესრულების პროცესში გადამწყვეტი აღმოჩნდა.
«თიბისიში დაგროვებული გამოცდილება ჩვენი გუნდის თითოეული წევრისთვის ღირებული აღმოჩნდა, რადგან მრავალფეროვან და ბევრ ტექნოლოგიასთან გვიწევს შეხება ყოველდღიურად». — ამბობს საბა.
ის, ისევე, როგორც თიბისის ტექ გუნდის სხვა წევრები მიღწეულ შედეგს დადებითად აფასებენ. ამასთან, მომავალში მის გაუმჯობესებასაც გეგმავენ.
«ამ დონის შეჯიბრზე პირველად გავედით, ამიტომ მიღებული შედეგი მისაღებია. გაუმჯობესება, რა თქმა უნდა, შესაძლებელია. მიღებული გამოცდილება, თუნდაც გუნდური მუშაობის კუთხით, მომავალში აუცილებლად გამოგვადგება». — გვეუბნება საბა საყვარელიძე.
კონკურსში საქართველოდან თიბისი ჯგუფის ტექ გუნდის გარდა, კიდევ 2 გუნდი მონაწილეობდა. საბამ გვითხრა, რომ საქართველოდან გუნდების მომზადების ხარისხი ყველასთვის სამაგალითო იყო.
«საქართველოდან კონკურსზე 3 გუნდი ვიყავით. რაც შეეხება სომხურ გუნდებს, მათ ზუსტად, იცოდნენ რას აკეთებდნენ, კონკურსზე რას დახვდებოდათ. კარგად იყვნენ მომზადებულები». — ამბობს საბა საყვარელიძე.
უშუალოდ ღონისძიების ორგანიზებამ კი საბას კომპლიმენტები დაიმსახურა.
«კონკურსი ძალიან მაღალ დონეზე იყო ორგანიზებული. კონკურენტული, თუმცა მეგობრული გარემო იყო, რომელიც ჩვენი დავალების ეფექტურად შესრულებაში გვეხმარებოდა». — გვითხრა მან.
თიბისის ტექ გუნდი ერევანში 15 სექტემბერს გაემგზავრა. GameDay 16 სექტემბერს სომხეთის ამერიკულ უნივერსიტეტში (American University of Armenia) გაიმართა. ღონისძებას სპონსორობა გაუწიეს: AUA Akian College of Science and Engineering-მა, InConcept Labs | Software Development Company-მ and Amazon Web Services (AWS)-მა.
