Meta-ს მიერ გამოშვებულმა პლატფორმამ Threads მომხმარებლების 70% დაკარგა. გაშვებიდან 2 კვირის თავზე Threads-ის მომხმარებლების რიცხვი 13 მილიონია მაშინ, როცა გაშვებიდან 5 დღეში აპლიკაცია 100-მა მილიონმა ადამიანმა გადმოწერა.
Meta-ს მიერ გამოშვებულმა პლატფორმამ Threads მომხმარებლების 70% დაკარგა. გაშვებიდან 2 კვირის თავზე Threads-ის მომხმარებლების რიცხვი 13 მილიონია მაშინ, როცა გაშვებიდან 5 დღეში აპლიკაცია 100-მა მილიონმა ადამიანმა გადმოწერა.
Meta-მ ტვიტერის ანალოგი Threads 7 ივლისს გაუშვა. ანგარიში ინსტაგრამს არის მიბმული, ხოლო მისი გაუქმება ინსტაგრამის გაუქმების გარეშე შეუძლებელია. მიუხედავად ამისა, აპლიკაციის აქტიური მომხმარებლების რიცხვი მკვეთრად შემცირდა.
Twitter-ს, რომელსაც ილონ მასკი რებრენდინგს და X-ის დარქმევას უპირებს, დღეში 200 მილიონი აქტიური მომხმარებელი ყავს, Threads-ზე ჩართულობა კი დრამატულად შემცირდა, რაც მისთვის ტვიტერთან კონკურენციას ართულებს.
Wall Street Journal-ის ინფორმაციით, Threads-ზედ თავდაპირველად მომხმარებლები დღეში საშუალოდ 19 წუთს ატარებდნენ, ახლა კი — 4-ს.
ბაბსონ კოლეჯის პროფესორი, სოციალური მედიისა და ციფრული მარკეტინგის მკვლევარი, რიჩარდ ჰანა Threads-ის მომხმარებლების რიცხვის და ჩართულობის შემცირებას პლატფორმაზე ფუნქციების ნაკლებობას უკავშირებს.
«არის რაღაცები, რისი გაკეთებაც ადამიანებს სხვა აპლიკაციებზე შეუძლიათ, Threads-ზე კი — არა». — ამბობს ის.
Threads-ზე, Twitter-ისგან განსხვავებით, ვერ მოძებნი მსოფლიოში ტრენდულ საკითხებს, ასევე, ამა თუ იმ თემის შესახებ დაწერილი პოსტები ერთად თავმოყრილი არ არის.
