Meta-ს ახალი აპლიკაცია Threads ჯერჯერობით ევროკავშირში არ გავრცელდება

DPC-ს Threads ევროკავშირში არ დაუბლოკავს. თუმცა, Meta თავად აპირებს, აპლიკაციის გაშვება გადადოს, რათა რეგულატორებთან პრობლემები აიცილოს. 

Threads პლატფორმა აარ გამოიყენებს Instagram-ის სენსიტიურ მონაცემებს, რომელიც ასევე მოიცავს ქცევით და სარეკლამო ინფორმაციებს, რაც საფრთხეს უქმნის ევროკავშირის კონფიდენციალურობის კანონების დარღვევას.

Meta არაერთხელ დაუპირისპირდა ევროკავშირის მარეგულირებლებს მომხმარებლის მონაცემის დამუშავების შესახებ. სულ ახლახან GDRP-ის დარღვევისთვის მას რეკორდული, 1.2 მილიარდი ევროს ოდენობის ჯარიმა დაეკისრა.

მარეგულირებელმა ტექნოლოგიურ გიგანტს მხოლოდ 2022 წელს 4 ჯარიმა დაუწესა.

Meta-მ ტვიტერის კონკურენტი აპლიკაცია, Instagram Threads 6 ივლისს გაუშვა. პირველივე რამდენიმე საათში აპლიკაცია 5 მილიონზე მეტმა მომხმარებელმა გადმოწერა. 

Threads მომხმარებლებს საშუალებას აძლევს, გამოაქვეყნონ პოსტი 500-მდე სიმბოლოთი, ასევე, აქვს ტვიტერის მსგავსი ბევრი სხვა ფუნქცია. 

აპლიკაციის გაშვებას უკვე გამოეხმაურა ილონ მასკი. მისი თქმით, «უმჯობესია, იყო თავდასხმის ქვეშ ტვიტერზე, ვიდრე ტკივილის დამმალავ ინსტაგრამზე ყალბი ბედნიერებით დატკბე». 

კითხვაზე, აჯობებს თუ არა Threads ტვიტერს, მარკ ცუკერბერგმა უპასუხა რომ ამას დრო დასჭირდება, მაგრამ პლატფორმაზე 1 მილიარდზე მეტ ადამიანს ელოდება. 

Thread-ის გადმოწერა შესაძლებელია მსოფლიოს 100-ზე მეტ ქვეყანაში, მათ შორის, საქართველოშიც. 

აპლიკაცია ხელმისაწვდომია როგორც ანდროიდის, ისე ios-ის მომხმარებლებისთვის.