Threads-ის ვებ ვერსია გამოვიდა
Meta-მ Twitter-ის კონკურენტად ჩაფიქრებული პლატფორმის, Threads-ის ვებ ვერსია გამოუშვა. ვებზე, ისევე, როგორც მობილურ აპლიკაციაში მომხმარებლებს შესვლა ინსტაგრამის ანგარიშით შეუძლიათ.
Meta-მ Twitter-ის კონკურენტად ჩაფიქრებული პლატფორმის, Threads-ის ვებ ვერსია გამოუშვა. ვებზე, ისევე, როგორც მობილურ აპლიკაციაში მომხმარებლებს შესვლა ინსტაგრამის ანგარიშით შეუძლიათ.
თავდაპირველად ამაზე ინფორმაცია Instagram-ის ხელმძღვანელმა, ადამ მოსერიმ გაავრცელა.
Post by @mosseriView on Threads
Threads-ის დესკტოპ ვერსიის მალე გამოსვლას Meta რამდენიმე კვირის განმავლობაში აანონსებდა.
2 დღის წინ კი მარკ ზაკერბერგმა იხუმრა — გამოაქვეყნა თავისი, ფოტოშოფით დამუშავებული ძველი ფოტო წარწერით:
«მე Threads-ის ვებ ვერსიაზე მუშაობისას, რეალური ფოტო. რამდენიმე დღეში იქნება».
Post by @zuckView on Threads
ვებ ვერსია Threads-ს დაეხმარება, ხელი შეუწყოს მომხმარებლების ადაპტაციას და გაზარდოს მონეტიზაციის შესაძლებლობები.
ვებ ვერსია, აპლიკაციასთან შედარებით, Meta-ს მონაცემების შეგროვებისა და ანალიზის მეტ პოტენციალსაც მისცემს.
თუმცა, ამ ეტაპზე Threads-ზე რეკლამები საერთოდ არ არის.
ქსელის დესკტოპ ვერსია ასევე მოსახერხებელი იქნება ამა თუ იმ კომპანიისთვის, რომლებსაც სურთ, უფრო ადვილად მართონ Threads პროფილები — ამისთვის სოც მედია მენეჯერებს პერსონალური ტელეფონების გამოყენება აღარ მოუწევთ.
Threads ჯერჯერობით ისევ არ ფუნქციონირებს ევროკავშირის ქვეყნებში.
Meta-მ პლატფორმა Thread, რომელიც ფაქტობრივად ტვიტერის ანალოგია, 2023 წლის ივლისში გაუშვა.
Threads-ზე, მისი გამოსვლის დღესვე, მილიონობით მომხმარებელი დარეგისტრირდა. ერთ კვირაში მათმა რიცხვმა 100 მილიონაც მიაღწია. თუმცა, მალევე, პლატფორმის აქტიური მომხმარებლების რაოდენობა 50%-ით შემცირდა.
ფორუმებზე წერენ, რომ Threads-მა ლოგო გერმანული ბრენდს მოპარა
ფორუმებზე წერენ, რომ Threads-მა ლოგო გერმანული ბრენდს მოპარა
Meta-ს ახალი აპლიკაცია Threads ჯერჯერობით ევროკავშირში არ გავრცელდება
Meta-ს ახალი აპლიკაცია Threads ჯერჯერობით ევროკავშირში არ გავრცელდება
