Tesla სამუშაო ძალის 10%-ზე მეტს ათავისუფლებს
Tesla ელექტრომობილების გლობალური მუშახელის 10%-ზე მეტს გაათავისუფლებს.
Tesla ელექტრომობილების გლობალური მუშახელის 10%-ზე მეტს გაათავისუფლებს.
Tesla ელექტრომობილების გლობალური მუშახელის 10%-ზე მეტს გაათავისუფლებს.
მემორანდუმში, რომელიც საჯაროდ პირველად საინფორმაციო ვებსაიტმა, Electrek-მა გაავრცელა, მილიარდერმა ბიზნესმენმა, ილონ მასკმა თანამშრომლებს უთხრა, რომ «ამაზე მეტად არაფერი სძულს, თუმცა, ეს აუცილებლად უნდა გაკეთდეს».
დეკემბრის მონაცემებით, საბაზრო ღირებულებით მსოფლიოს უდიდეს ავტომობილების მწარმოებელს 140 473 თანამშრომელი ჰყავდა.
Tesla-მ BBC-ის თხოვნა, გაეკეთებინა კომენტარი, უპასუხოდ დატოვა.
«ჩვენ ორგანიზაციის საფუძვლიანი მიმოხილვა გავაკეთეთ და მივიღეთ რთული გადაწყვეტილება, რომ ჩვენი თანამშრომელთა რაოდენობა გლობალურად 10%-ზე მეტით შევამციროთ». — ნათქვამია მასკის წერილში.
ელექტრომობილების (EV) მწარმოებელი ნელ-ნელა მოძველებულ მოდელებს განაახლებს, რადგან მაღალმა საპროცენტო განაკვეთებმა მომხმარებლების «მადა» შეამცირა.
ასევე, ჩინეთის მხრიდან ზეწოლაც გრძელდება, რადგან მათმა იაფმა მოდელებმა ელექტრომობილების საერთო ფასზე დიდი გავლენა იქონია.
კომპანია აპირებს თავისი კვარტალური მოგება ამ თვის ბოლოს გამოაცხადოს, მაგრამ Tesla-მ მანქანების მიწოდების კლება პირველ კვარტალში უკვე დააფიქსირა.
გასულ თვეში Tesla-მ შანხაის ფაბრიკაში წარმოება შეამცირა. კომპანიამ ელექტრომობილებზე (EVs) მოთხოვნის შენელების გავლენის შეგრძნება დაიწყო.
ილონ მასკმა ცოტა ხნის წინ უარყო ინფორმაცია იმის შესახებ, რომ კომპანიამ იაფი მანქანის წარმოების გეგმები გააუქმა, რაც მისი ერთ-ერთი გრძელვადიანი მიზანი იყო.
Tesla-ს აქციები ორშაბათს 0,8%-ით დაეცა.