ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

თეონა დალაქიშვილი რუსულ კანონზე: ჩვენ გავაკეთეთ არჩევანი — გვინდა ევროპა და არა რუსეთი

CDC Business/კომლი/-ის სამეწარმეო განათლების კონსულტანტი თეონა დალაქიშვილი dev.ge-სთან ამბობს, რომ რუსულ, რეპრესიულ კანონს, რომლის მიღებასაც მმართველი პარტია აპირებს, IT სექტორზე დიდი უარყოფითი გავლენა ექნება, რადგან საქართველოში ციფრული სფეროს პროდუქტები, საზღვარგარეთის ბაზარზეა მორგებული. 

კომენტარის დატოვება
თეონა დალაქიშვილი რუსულ კანონზე: ჩვენ გავაკეთეთ არჩევანი — გვინდა ევროპა და არა რუსეთი

CDC Business/კომლი/-ის სამეწარმეო განათლების კონსულტანტი თეონა დალაქიშვილი dev.ge-სთან ამბობს, რომ რუსულ, რეპრესიულ კანონს, რომლის მიღებასაც მმართველი პარტია აპირებს, IT სექტორზე დიდი უარყოფითი გავლენა ექნება, რადგან საქართველოში ციფრული სფეროს პროდუქტები, საზღვარგარეთის ბაზარზეა მორგებული. 

ასევე, თეონას თქმით, რომ დღეს ბევრი IT კომპანია მუშაობს ისეთ დიდ დონორებთან, როგორიცაა, მაგალითად, USAID. მისი აზრით, კანონის მიღება დამაბრკოლებელი იქნება მათთვისაც და გაუჭირდებათ სფეროს განვითარება.

«ძალიან მნიშვნელოვანია, რომ შევასრულოთ ევროკავშირთან ასოცირების ხელშეკრულება და გვქონდეს ღია წვდომა ბაზრებზე, როგორც ამერიკის ასევე ევროპის. ამ კანონის მიღებით, უბრალოდ, პირდაპირ დაიხურება ეს წვდომა და ერთადერთი გზა იმ ადამიანების ემიგრაცია იქნება, რომლებიც დღეს, ფაქტობრივად, მთავარ ძალას ქმნიან». — ამბობს თეონა დალაქიშვილი. 

თეონას აზრით, რუსული, რეპრესიული კანონისთვის წინააღმდეგობის გაწევა, პირველ რიგში, მნიშვნელოვანია სამოქალაქო დონეზე.

«ყველა ამ ქვეყნის მოქალაქეები ვართ და ჩვენ გავაკეთეთ არჩევანი, რომ გვინდა ევროპა და არა რუსეთი, შესაბამისად, ძალიან მნიშვნელოვანია, ეს ღიად გამოვხატოთ, როგორც ჩვენი არჩევანი. IT სფეროში საკმაოდ დიდი პოტენციალი გვაქვს, რათა საქართველო რეგიონში ამ მიმართულებით ცენტრად იქცეს. ამას ძალიან მალე დავკარგავთ თუ ამ კანონს მივიღებთ, ამიტომ თითოეული ჩვენგანის ვალია მაქსიმალურად შევეწინააღმდეგოთ» — ამბობს თეონა.

რა ხდება

საქართველოს ხელისუფლება და «ქართული ოცნებიდან» ფორმალურად გასული დეპუტატების ჯგუფი გეგმავს, დაამტკიცოს კანონპროექტი, რომელიც «უცხო ქვეყნის გავლენის აგენტებს» ეხება. 

ე.წ ხალხის ძალის კანონპროექტი, რომლის განხილვაც პარლამენტში უკვე დაიწყო, არსით რუსული და რეპრესიულია. დოკუმენტის თანახმად, უცხო ქვეყნის აგენტებად უნდა დარეგისტრირდნენ არასამთავრობო ორგანიზაციები, მედიები და სხვა იურიდიული პირები, რომელთა შემოსავლის 20%-ზე მეტის «წყარო უცხოური ძალაა». 

  • ასევე, კანონპროექტის მიხედვით, უცხო ძალაა: 
  • უცხო სახელმწიფოს ხელისუფლების სისტემის შემადგენელი სუბიექტი;
  • ფიზიკური პირი, რომელიც არ არის საქართველოს მოქალაქე;
  • იურიდიული პირი, რომელიც არ არის დაფუძნებული საქართველოს კანონმდებლობის საფუძველზე;
  • ისეთი ორგანიზაციული წარმონაქმნი (მათ შორის, ფონდი, ასოციაცია, კორპორაცია, კავშირი, სხვა სახის ორგანიზაცია) ან პირთა სხვა სახის გაერთიანება, რომელიც დაფუძნებულია უცხო სახელმწიფოს სამართლის ან/და საერთაშორისო სამართლის საფუძველზე. 

ამ ვერსიის თანახმად, ყველა ზემოთჩამოთვლილი სუბიექტი საჯარო რეესტრში თავად უნდა დარეგისტრირდეს აგენტად, წინააღმდეგ შემთხვევაში კი რამდენიმე ათასლარიანი ჯარიმის გადახდა მოუწევს. 

კანონპროექტი «ქართულმა ოცნებამ» მოიწონა და თავადაც დაარეგისტრირა მისი გაუარესებული ვარიანტი, რომელიც სისხლის სამართლის პასუხისმგებლობას და პატიმრობას ითვალისწინებს კანონით გათვალისწინებული მოთხოვნების შეუსრულებლობის შემთხვევაში. 

კანონპროექტის გაუარესებულ ვერსიაში უცხოეთის აგენტად რეგისტრაციის ვალდებულება ექნება ნებისმიერ ფიზიკურ და იურიდიულ პირს, რომელიც დაფინანსებას უცხოეთიდან იღებს და არ არის დიპლომატი, კონსული, დიპლომატიური სამსახურისა და საკონსულო დაწესებულების თანამშრომელი.

კანონი არ შეეხება უცხო ქვეყნის თანამდებობის პირებს, ასევე, პირს, რომელიც საქველმოქმედო საქმიანობას ეწევა, პირს, რომელიც რელიგიურ, საგანმანათლებლო, მეცნიერულ, აკადემიურ ან სახელოვნებო საქმიანობას «კეთილსინდისიერად» ეწევა. თუმცა, არ ვიცით, კანონპროექტის ავტორები როგორ ინტერპრეტაციას გაუკეთებენ «კეთილსინდისიერ» საქმიანობას.

ქართველმა მეწარმეებმა და სტარტაპერებმა  რუსული კანონის წინააღმდეგ განცხადება გაავრცელეს. 

მასში მითითებულია, რომ ისინი კატეგორიულად ეწინააღმდეგებიან მმართველი პარტიის და «ქართული ოცნებიდან» ფორმალურად გასული დეპუტატების ამ ინიციატივის კანონად ქცევას. 

მათი თქმით, კანონი საქართველოს განვითარების შესაძლებლობას ართმევს და პარტნიორებისადმი მტრულ დამოკიდებულებას ავლენს.

dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თემის მიხედვით
dev.ge-ზე ვაკანსიების სერვისი ამოქმედდა
ნანა დიხამინჯია: რუსული კანონი პირდაპირ უაროფითად აისახება ტექნლოგიურ განათლებაზე
ნანა დიხამინჯია: რუსული კანონი პირდაპირ უაროფითად აისახება ტექნლოგიურ განათლებაზე
თემის მიხედვით
ნანა დიხამინჯია: რუსული კანონი პირდაპირ უაროფითად აისახება ტექნლოგიურ განათლებაზე
თორნიკე მჟავანაძე: აგენტებზე კანონით სტარტაპ ეკოსისტემამ შესაძლოა ინვესტიციები დაკარგოს
თორნიკე მჟავანაძე: «აგენტებზე» კანონით სტარტაპ ეკოსისტემამ შესაძლოა ინვესტიციები დაკარგოს
თემის მიხედვით
თორნიკე მჟავანაძე: «აგენტებზე» კანონით სტარტაპ ეკოსისტემამ შესაძლოა ინვესტიციები დაკარგოს


ასევე წაიკითხეთ
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
აგრო-ტექნოლოგიური სტარტაპის, DG Systems-ის აღმასრულებელმა დირექტორმა, თორნიკე მჟავანაძემ dev.ge-სთან იმ საფრთხეებზე ილაპარაკა, რომლებიც რუსული კანონის დამიტკიცებას მოჰყვება. მან აღნიშნა, რომ ამით სტარტაპ ეკოსისტემამ შესაძლოა ინვესტიციები დაკარგოს.
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
თეონა დალაქიშვილი: რუსული კანონი მთელ IT სექტორზე მოახდენს უარყოფით გავლენას
თეონა დალაქიშვილი: რუსული კანონი მთელ IT სექტორზე მოახდენს უარყოფით გავლენას
თეონა დალაქიშვილი: რუსული კანონი მთელ IT სექტორზე მოახდენს უარყოფით გავლენას
CDC Business/კომლი/-ის სამეწარმეო განათლების კონსულტანტი, თეონა დალაქიშვილი ამბობს, რომ მმართველი პარტიის მიერ რუსული კანონის მეორედ დაინიციირებას IT სექტორზე ცალსახად უარყოფითი გავლენა ექნება.
Galt&Taggart: 2023 წელს საქართველოში IT ექსპორტით 1.77 მლრდ ლარი შემოვიდა
Galt&Taggart: 2023 წელს საქართველოში IT ექსპორტით 1.77 მლრდ ლარი შემოვიდა
Galt&Taggart: 2023 წელს საქართველოში IT ექსპორტით 1.77 მლრდ ლარი შემოვიდა
Galt&Taggart-ის მოკვლევით, 2023 წელს IT სექტორის ჯამური შემოსავალი 1.94 მილიარდი ლარი იყო. სექტორის შემოსავლები 2022 წლის შემდეგ სწრაფად გაიზარდა — კომპანიამ საქართველოს ეკონომიკის და სექტორების მიმოხილვა წარმოადგინა. 
განხილვა
კომენტარები ჯერ არაა.