Binance-ის დამფუძნებელი ჩანგპენგ ჟაო საქართველოშია
უმსხვილესი კრიპტო ბირჟის, Binance-ის დამფუძნებელი, ჩანგპენგ ჟაო საქართველოშია. მას დღეს, 30 ნოემბერს პრემიერმინისტრი ირაკლი ღარიბაშვილი შეხვდა.
უმსხვილესი კრიპტო ბირჟის, Binance-ის დამფუძნებელი, ჩანგპენგ ჟაო საქართველოშია. მას დღეს, 30 ნოემბერს პრემიერმინისტრი ირაკლი ღარიბაშვილი შეხვდა.
საქართველოს მთავრობის მიერ გავრცელებული პრესრელიზის თანახმად, შეხვედრაზე ხაზი გაესვა საქართველოს თანამედროვე ფინანსური ტექნოლოგიების ჰაბად პოზიციონირებას, საქართველოს სტრატეგიულ მდებარეობასა და ინოვაციებზე ორიენტირებულ მთავრობას.
«აღინიშნა ქვეყნის სტაბილური და ხელსაყრელი ბიზნესგარემო, რომელიც ინვესტორებს მნიშვნელოვან შესაძლებლობებს სთავაზობს. ამასთან, გამოითქვა სამომავლო თანამშრომლობის მზადყოფნა». — აცხადებს საქართველოს მთავრობა.
გარდა ამისა, ირაკლი ღარიბაშვილმა თქვა, რომ მთავრობა მზად არის, მაქსიმალურად შეუწყოს ხელი ქვეყანაში პირდაპირი უცხოური ინვესტიციების განხორციელებას და რომ საქართველოს კანონმდებლობა კრიპტობირჟის რეგულირებისთვის მზად არის.
მთავრობის ადმინისტრაციაში გამართულ შეხვედრას ესწრებოდნენ ვიცე-პრემიერი, საქართველოს ეკონომიკისა და მდგრადი განვითარების მინისტრი ლევან დავითაშვილი, ფინანსთა მინისტრი ლაშა ხუციშვილი და ეროვნული ბანკის ვიცე-პრეზიდენტი პაპუნა ლეჟავა.
მსოფლიოში უდიდეს კრიპტოვალუტის ბირჟას — Binance-ს შვილობილი კომპანიები მსოფლიოს არაერთ ქვეყანაში, მათ შორის, ესპანეთში, იტალიაში, საფრანგეთში, ბაჰრეინსა და არაბთა გაერთიანებულ საამიროებში აქვს.
Binance-მ FTX-ის დახმარებაზე უარი თქვა, გარიგება არ შედგება
Binance-მ FTX-ის დახმარებაზე უარი თქვა, გარიგება არ შედგება
