თბილისი აბრეშუმის გზის ფორუმზე ვაჭრობისა და ტრანსპორტირების საერთაშორისო წარმომადგენლებს მასპინძლობს — Startup Grind და საქართველოს ბანკი 27 ოქტომბერს Fintech-ის ვარსკვლავს, Bigpay-ის CTO-ს, საიმონ ვანს-კოლინას უმსაპინძლებს, რომელიც საქართველოს თვალს აქტიურად ადევნებს.
თბილისი აბრეშუმის გზის ფორუმზე ვაჭრობისა და ტრანსპორტირების საერთაშორისო წარმომადგენლებს მასპინძლობს — Startup Grind და საქართველოს ბანკი 27 ოქტომბერს Fintech-ის ვარსკვლავს, Bigpay-ის CTO-ს, საიმონ ვანს-კოლინას უმსაპინძლებს, რომელიც საქართველოს თვალს აქტიურად ადევნებს.
საიმონ ვანს-კოლინა ქართველ დამფუძნებლებსა და ადგილობრივ ბიზნეს ლიდერებს Tbilisi Marriott-ში საკუთარ ისტორიას გაუზიარებს. ის ასევე დამფუძნებლებს შეხვდება და მათთან საბანკო მომავლის შესახებ ისაუბრებს.
საიმონი მსოფლიოში ცნობილი ციფრული ბანკის, Monzo-ს დამფუძნებელი გუნდის წევრი იყო დიდ ბრიტანეთში და Fintech ინოვაციების სფეროში მაღალი დონის ექსპერტად ითვლება. ის Monzo Bank-ში ღია საბანკო ოპერაციებს ხელმძღვანელობდა და ასევე ღია საბანკო სამუშაო ჯგუფის (Open Banking Working Group) ნაწილი იყო, რომელმაც დიდ ბრიტანეთში ღია ბანკინგი განსაზღვრა.
Monzo-ს შემდეგ ის Big Pay ბანკის თანადამფუძნებელი და CTO გახდა — ციფრული ბანკი სამხრეთ-აღმოსავლეთ აზიაში, რომელიც მილიონობით მომხმარებელი ჰყავს.
BigPay-ის შემდეგ, საიმონს კიდევ ერთი, უფრო ინოვაციური პროექტის გაკეთება სურს, რომელიც ჯერ არ არის დაანონსებული, მაგრამ ცნობილია, რომ იდეის განხორციელებას საქართველოში განიხილავს.
გარდა ამისა, Startup Grind საბანკო საქმიანობის მომავალსა და «შემდეგი თაობის» Fintech-ზე მოკლე პანელურ დისკუსიას გამართავს.
ღონისძიება დაფინანსებულია Fintech.ge-ს მიერ და ორგანიზებას Startup Grind Tbilisi უწევს, რომელიც Startup Grind-ის გლობალური ქსელის ნაწილია.
