ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
22 ნოემბერი 2023, 11:55
2023-11-22
სემ ალტმანი OpenAI-ის აღმასრულებელი დირექტორის თანამდებობაზე დაბრუნდება
სემ ალტმანი OpenAI-ის აღმასრულებელი დირექტორის თანამდებობაზე ბრუნდება. ხუთდღიანი დისკუსიებისა და განხილვის შემდეგ კომპანიის საბჭო ამ დასკვნამდე მივიდა. ალტმანი, გასულ კვირას, მისი დაფუძნებული სტარტაპიდან მოულოდნელად გაათავისუფლეს.
OpenAI-მ, რომელიც აშშ-ის ყველაზე ღირებული სტარტაპია, განაცხადა, რომ ალტმანთან «პრინციპული შეთანხმებას» მიაღწია. სტარტაპი საბჭოს რეფორმასაც ანხორციელებს — თანამდებობიდან უშვებს რამდენიმე წევრს, რომლებიც გასულ კვირას განვითარებულ მოვლენებში აქტიურად იყვნენ ჩართულნი.
AI სტარტაპის ახალი საბჭოს წევრები Salesforce-ის ყოფილი აღმასრულებელი დირექტორი, ბრეტ ტეილორი, აშშ-ის სახაზინო ყოფილი მდივანი, ლარი სამერსი და Quora-ს დამფუძნებელი, ადამ დ’ანჯელო იქნებიან. OpenAI-ის თქმით, საბჭოს თავმჯდომარე ტეილორი იქნება.
Microsoft, რომელიც OpenAI-ის დაახლოებით 49%-ს ფლობს, სტარტაპის გადაწყვეტილებით გაოგნებული იყო და ალტმანის AI ჯგუფის ხელმძღვანელად დანიშვნას მაქსიმალურად ჩქარობდა. OpenAI-ის ყოფილმა პრეზიდენტმა, გრეგ ბროკმანმა და სტარტაპის უამრავმა წევრმა თანამდებობა პროტესტის ნიშნად დატოვა.
«მე OpenAI მიყვარს და ყველაფერი, რაც ბოლო რამდენიმე დღის განმავლობაში გავაკეთე, ამ გუნდისა და მისიის ერთად შენარჩუნებას ემსახურება. არსებული ვითარებიდან გამომდინარე, Microsoft-ში შესვლა ჩემთვისა და გუნდისთვის საუკეთესო გამოსავალი იყო. ახალი „ეკიპაჟითა“ და სატიას მხარდაჭერით, OpenAI-ში დაბრუნებასა და Microsoft-თან ჩვენი ძლიერი პარტნიორობის გაგრძელებას მოუთმენლად ველი». — თქვა ალტმანმა X-ზე გამოქვეყნებულ განცხადებაში.
Microsoft-ის ხელმძღვანელმა, სატია ნადელამ, რომელმაც OpenAI-ის საბჭოს გადაწყვეტილება გააკრიტიკა, თქვა, რომ OpenAI-ის საბჭოს დღევანდელი ცვლილებებით კმაყოფილია და მიღებულ გადაწყვეტილებაში დიდი როლიც მიუძღვის.
«გვჯერა, რომ ეს უფრო სტაბილური, კარგად ინფორმირებული და ეფექტური მმართველობის გზაზე პირველი მნიშვნელოვანი ნაბიჯია. სემი, გრეგი და მე შევთანხმდით, რომ კომპანიის მისიის შესრულება მათზე კარგად არავის შეუძლია. ძლიერო პარტნიორობის გაგრძელებას მოუთმენლად ველით». — განაცხადა ნადელამ.
Twitch-ის ყოფილმა აღმასრულებელმა დირექტორმა, ემეტ შირმა, რომელიც 19 ნოემბერს OpenAI-ის დროებით ლიდერად დაინიშნა თქვა, რომ სტარტაპის ახალი გადაწყვეტილებით კმაყოფილია.
«OpenAI-ში შესვლისას არ ვიცოდი, რომელი იქნებოდა სწორი გზა. ეს იყო გზა, რომელიც ყველა დაინტერესებულ მხარეს მაქსიმალურ უსაფრთხოებას აძლევდა. მოხარული ვარ, რომ გადაწყვეტის ნაწილი ვიყავი». — დაწერა მან X-ზე.
გენერაციული AI-ის 4 ტიპი, რომელიც ჩვენს სამყაროს გარდაქმნის
ტერმინი «გენერაციული AI» ხელოვნური ინტელექტის შედარებით ახალ სფეროს ეხება, რომელსაც ადამიანის მსგავსი შინაარსის შექმნა შეუძლია — სურათებიდან და ვიდეოებიდან დაწყებული, პოეზიითა და კომპიუტერული კოდებით დამთავრებული.