ბოლო პერიოდში, პლატფორმა Twitch-ის ბევრმა სტრიმერმა YouTube-ზე გადაინაცვლა.
ბოლო ათწლეულის განმავლობაში, Twitch სტრიმების (პირდაპირი ტრანსლაციის) ერთ-ერთი დომინანტური პლატოფრმაა. ყველაზე დიდი სტრიმერები Twitch-ზე გახდნენ პოპულარულები, მათ შორისაა: xQc, Amouranth, Ninja და Pokimane.
პირველი ცნობილი სტრიმერი, რომელმაც 2019 წელს Twitch-იდან YouTube-ზე გადაინაცვლა, CourageJD იყო.
ბოლო პერიოდში, პლატფორმა Twitch-ის ბევრმა სტრიმერმა YouTube-ზე გადაინაცვლა.
ბოლო ათწლეულის განმავლობაში, Twitch სტრიმების (პირდაპირი ტრანსლაციის) ერთ-ერთი დომინანტური პლატოფრმაა. ყველაზე დიდი სტრიმერები Twitch-ზე გახდნენ პოპულარულები, მათ შორისაა: xQc, Amouranth, Ninja და Pokimane.
პირველი ცნობილი სტრიმერი, რომელმაც 2019 წელს Twitch-იდან YouTube-ზე გადაინაცვლა, CourageJD იყო.
მთავარი მიზეზი ფინანსური უსაფრთხოებაა, რომელსაც YouTube უზრუნველყოფს. YouTube სტრიმერებს გარკვეულ თანხას უხდის, რათა ექსკლუზიურად მხოლოდ ეს პლატფორმა გამოიყენონ. Twitch-ზე კი სტრიმერების შემოსავალი დამოკიდებულია ხალხის დონაციებსა და შემოწირულებაზე.
ერთ-ერთმა სტრიმერმა, Valkyrae-მ თქვა, რომ YouTube-ზე გადასვლის შემდეგ, მას შეუძლია მხოლოდ ერთი მაყურებელი ჰყავდეს და ამაზე არ ინერვიულოს. პოპულარულმა სტრიმერმა xQc-მ კი აღნიშნა, რომ YouTube-ზე მისი ექსკლუზიურად ყოფნა პლატფორმას 1 მილიარდი დოლარი დაუჯდებოდა.
მეორე მიზეზია Twitch-ის აკრძალვები (bans). სტრიმერებს აკრძალვები უსამართლოდ მიაჩნიათ და თავს ისე გრძნობენ, თითქოს Twitch მათ სურვილებს არ ითვალისწინებს. DisguisedToast-მა ანაზღაურების გამო Twitch ორი წლით დატოვა და Facebook-ზე გადაინაცვლა. Twitch იმ თანხის 1/30-ს აძლევდა, რომელსაც სხვა პლატფორმები სთავაზობდნენ. როგორც Valkyrae ამბობს, YouTube-ის გუნდი ძალიან ყურადღებიანია და უსმენს მის ყველა პრობლემას.
მესამე მიზეზი დაკავშირებულია გარემოებებთან. სტრიმერებს YouTube-ზე საზოგადოების შექმნისა და ბრენდის ჩამოყალიბების უკეთესი შესაძლებლობა აქვთ. მათ შეუძლიათ ერთ პლატფორმაზე გასართობი ვიდეოები ატვირთონ, პოსტები შექმნან და მერჩი გაყიდონ.
მიუხედავად ამისა, Twitch კვლავ ერთ-ერთი ყველაზე პოპულარული სტრიმინგის პლატფორმაა.
