ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

ProductTank Tbilisi-ის შემდეგი შეხვედრა პროდუქტის მენეჯმენტში AI-ის გამოყენებას შეეხება

ხელოვნური ინტელექტი (AI) უკვე თითქმის ყველგან გვხვდება. ბევრი ჩვენგანი AI-ზე დაფუძნებულ ხელსაწყოებს ყოველდღიურ საქმიანობაშიც იყენებს. ამიტომაც, ProductTank Tbilisi-მა გადაწყვიტა, მორიგ შეხვედრას  საქართველოს ხელოვნური ინტელექტის ასოციაციასთან (GAIA) ერთად უმასპინძლოს. 

კომენტარის დატოვება
ProductTank Tbilisi-ის შემდეგი შეხვედრა პროდუქტის მენეჯმენტში AI-ის გამოყენებას შეეხება

ხელოვნური ინტელექტი (AI) უკვე თითქმის ყველგან გვხვდება. ბევრი ჩვენგანი AI-ზე დაფუძნებულ ხელსაწყოებს ყოველდღიურ საქმიანობაშიც იყენებს. ამიტომაც, ProductTank Tbilisi-მა გადაწყვიტა, მორიგ შეხვედრას  საქართველოს ხელოვნური ინტელექტის ასოციაციასთან (GAIA) ერთად უმასპინძლოს. 

Შეხვედრაზე მოწვეული სამი სპიკერი შეკრებილ აუდიტორიას გაუზიარებთ თავის გამოცდილებას იმის შესახებ, თუ როგორ გამოიყენება AI პროდუქტების მენეჯმენტში. 

სპიკერები არიან:

ანი ჯანელიძე — ის AI სერვისების კონსულტანტია ბრიტანულ სტარტაპ V7-ში, ასევე — საქართველოს ხელოვნური ინტელექტის ასოციაციის დამფუძნებელი და ვიცე-თავმჯდომარე. ანის ხელოვნური ინტელექტის სფეროში მრავალწლიანი გამოცდილება აქვს. მას უმუშავია სტარტაპებსა და დიდ კომპანიებში, მათ შორის, MaxinAI, Exadel და სხვა. 

მარიამ გაგუა - ის უფროსი პროდუქტის მენეჯერია. მისი სამუშაო გამოცდილება უკავშირდება როგორც ქართულ, ასევე საერთაშორისო კომპანიებს. მარიამმა კარიერა საქართველოს ბანკში, მობილური აპლიკაციის დეპარტამენტში დაიწყო. 2022 წელს კი შეუერთდა ფინტექ სტარტაპ Klarna-ს ლონდონის ოფისს, სადაც კონტენტ კრეატორების მობილურ- და ვებაპლიკაციებზე იმუშავა, ხოლო 2023 წელს სტარტაპ Beetl-ის პროდუქტების ხელმძღვანელი გახდა. 

25 წლის მარიამ გაგუა გვიყვება როგორია მუშაობა მსოფლიოს ერთ-ერთ წამყვან ფინტექ კომპანიაში
25 წლის მარიამ გაგუა გვიყვება, როგორია მუშაობა მსოფლიოს ერთ-ერთ წამყვან ფინტექ კომპანიაში
თემის მიხედვით
25 წლის მარიამ გაგუა გვიყვება, როგორია მუშაობა მსოფლიოს ერთ-ერთ წამყვან ფინტექ კომპანიაში

გაგი ნინოშვილი — ის პროდუქტის მენეჯერი და პროექტების მენეჯმენტის ლექტორია. Მას აქვს მუშაობის მრავალწლიანი გამოცდილება ისეთ კომპანიებთან, როგორებიცაა Setanta Sports Eurasia, Space International, EPAM Systems. ამჟამად გაგი მუშაობს AI გადაწყვეტებზე ორიენტირებული ციფრული სააგენტოს — «მოიისფროს» შექმნაზე, რომელიც კავკასიის, უკრაინისა და ცენტრალური აზიის წამყვან კომპანიებს დაეხმარება ბიზნეს პროცესების გაუმჯობესებაში ხელოვნური ინტელექტის დახმარებით.

  • ღონისძიება გაიმართება 20 მარტს, ოთხშაბათს, 19:30–ზე სასტუმრო სტამბის საკონფერენციო სივრცეში.
  • ღონისძიების ორგანიზატორები არიან სტარტაპ ბიურო და საქართველოს ხელოვნური ინტელექტის ასოციაცია.
  • ProductTank-ზე დასწრება უფასოა, მაგრამ საჭიროებს წინასწარ რეგისტრაციას Meetup.com-ზე

ProductTank-ის შესახებ

ProductTank არის ადგილობრივი ყოველთვიური შეხვედრების გლობალური ქსელი, სადაც ციფრულ პროდუქტებზე მომუშავე პროფესიონალები ერთმანეთს გამოცდილებას უზიარებენ. ProductTank-ის შეხვედრები ღიაა პროდუქტების მენეჯერებისთვის, UI/UX დიზაინერებისთვის, დეველოპერებისთვის, ანალიტიკოსებისთვის, ტესტერებისთვის და ყველასთვის, ვინც დაინტერესებულია ციფრული პროდუქტებით.

ProductTank 2010 წელს ლონდონში დაიწყო და ახლა, მთელი მსოფლიოს მასშტაბით, 200 ქალაქს აერთიანებს. თბილისში კი ProductTank-ის შეხვედრები 2018 წლიდან ტარდება.

საქართველოს ხელოვნური ინტელექტის ასოციაციის (GAIA) შესახებ

GAIA ხელოვნური ინტელექტის (AI) პროფესიონალებისა და ენთუზიასტების არაკომერციული გაერთიანებაა, რომელიც 2023 წლის დეკემბერში დაფუძნდა.

GAIA-ს მისიაა, დააჩქაროს საქართველოს ეკონომიკური განვითარება საზოგადოებისა და ბიზნესის მიერ AI-ის საუკეთესოდ გამოყენების ხელშეწყობით. ასოციაცია მუშაობს AI-ის შესახებ განათლების გავრცელებაზე და მხარს უჭერს აკადემიურ, კერძო და საჯარო სექტორებს AI ტექნოლოგიების დანერგვასა და განვითარებაში. 

საქართველოში პირველი AI ასოციაცია შეიქმნა — ინტერვიუ თავჯდომარე გიგი გიორგაძესთან
საქართველოში პირველი AI ასოციაცია შეიქმნა — ინტერვიუ თავჯდომარე გიგი გიორგაძესთან
თემის მიხედვით
საქართველოში პირველი AI ასოციაცია შეიქმნა — ინტერვიუ თავჯდომარე გიგი გიორგაძესთან
რა არის პროდუქტის კიბერუსაფრთხოება და როგორ შევქმნათ ის
რა არის პროდუქტის კიბერუსაფრთხოება და როგორ შევქმნათ ის
თემის მიხედვით
რა არის პროდუქტის კიბერუსაფრთხოება და როგორ შევქმნათ ის


ასევე წაიკითხეთ
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
LinkedIn 250 AI კურსზე უფასო წვდომას გთავაზობთ
LinkedIn 250 AI კურსზე უფასო წვდომას გთავაზობთ
LinkedIn 250 AI კურსზე უფასო წვდომას გთავაზობთ
საგანმანათლებლო და დასაქმების პლატფორმა, LinkedIn მომხმარებლებს 250 AI კურსზე უფასო წვდომას სთავაზობს. ისინი უფასოდ ხელმისაწვდომი 5 აპრილამდე იქნება. 
საქართველოში ტექ ტალანტების საერთაშორისო კომპანია, ALLSTARSIT გამოჩნდა
საქართველოში ტექ ტალანტების საერთაშორისო კომპანია, ALLSTARSIT გამოჩნდა
საქართველოში ტექ ტალანტების საერთაშორისო კომპანია, ALLSTARSIT გამოჩნდა
საქართველოში 2024 წლიდან ტექ ტალანტების საერთაშორისო კომპანია, ALLSTARSIT იწყებს მუშაობას. ქვეყანაში კომპანიის მიზნებისა და იდეების უკეთ გასაცნობად 13 თებერვალს ღონისძიება, AI&Wine Networking გაიმართება.
განხილვა
კომენტარები ჯერ არაა.