გივი ცერაძე მსოფლიო 22 თებერვალი 2023, 15:36

პირველი თაობის Iphone აუქციონზე $63 000 დოლარად გაიყიდა

კარენ გრინმა 2007 წელს საჩუქრად Iphone მიიღო, მაგრამ გააკეთა ის, რასაც უმეტესობა არ აკეთებს — საჩუქარი არ გახსნა.

გრინის პირველი თაობის iPhone 19 თებერვალს, აუქციონზე 63 356 დოლარად გაიყიდა.

პირველი თაობის Iphone აუქციონზე $63 000 დოლარად გაიყიდა

კარენ გრინმა 2007 წელს საჩუქრად Iphone მიიღო, მაგრამ გააკეთა ის, რასაც უმეტესობა არ აკეთებს — საჩუქარი არ გახსნა.

გრინის პირველი თაობის iPhone 19 თებერვალს, აუქციონზე 63 356 დოლარად გაიყიდა.

8GB-იანი ორიგინალი ტელეფონი $599 დოლარი ღირდა. გამოდის, რომ აუქციონზე დასახელებული ფასი მის თავდაპირველ ღირებულებას 100-ჯერ აღემატება.

იმავეს თქვენი ძველი Iphone-სგან არ ელოდოთ — მთავარი მოთხოვნაა, რომ ტელეფონი ორიგინალ შეფუთვაში, გაუხსნელ მდგომარეობაში იდოს.

«2007 წლის ორიგინალი, პირველი გამოშვებული მოდელის აღმოჩენა, ჯერ კიდევ სრულიად ახალი, ხელუხლებელი ქარხნული ბეჭდით, ნამდვილად გასაოცარია». — განუცხადა LCG Auctions-ის წარმომადგენელმა, მარკ მონტერომ BBC News-ს.

LCG Auctions-მა აუქციონი გამართა, რომელიც $2,500 დოლარით 2 თებერვალს გაიხსნა და 27 შეთავაზების შემდეგ კვირას დაიხურა.

როგორც გრინი ამბობს, მეგობრებმა 8 GB-იანი ტელეფონი საჩუქრად 2007 წელს გადასცეს, როდესაც მან ახალი სამსახური დაიწყო. მას კი ახალი ტელეფონი უკვე შეძენილი ჰქონდა, ამიტომ საჩუქარი გაუხსნელად შეინახა.

«ეს Iphone-ია და არასდროს მოძველდება». — გაიფიქრა მან.

ცნობილია, რომ Iphone-ის ერთგული ენთუზიასტები ორიგინალ პროდუქტებში დიდ თანხებს იხდიან. გასულ წელს Apple-ის ადრეული კომპიუტერის პროტოტიპი 1970-იანი წლებიდან 677 000 დოლარად გაიყიდა.

პირველი თაობის iPhone-ები, მსგავს, ხელუხლებელ მდგომარეობაში, ადრეც გაიყიდა — ერთი აგვისტოში — 35, 414 აშშ დოლარად, ხოლო მეორე ოქტომბერში — 39 339 აშშ დოლარად.

გრინმა Business Insider-ს განუცხადა, რომ Iphone-ის შენახვას კიდევ დიდხანს აპირებდა. თუმცა, საკუთარი ბიზნესის დასაფინანსებლად ფული დასჭირდა.