NVIDIA GTC (GPU Technology Conference) გლობალური AI კონფერენციაა, რომელიც დეველოპერებს, ინჟინრებს, მკვლევარებს, გამომგონებლებსა და IT პროფესიონალებს ერთი მიზნის ქვეშ აერთიანებს — იზრუნონ ხელოვნური ინტელექტის განვითარებასა და დახვეწაზე.
NVIDIA GTC (GPU Technology Conference) გლობალური AI კონფერენციაა, რომელიც დეველოპერებს, ინჟინრებს, მკვლევარებს, გამომგონებლებსა და IT პროფესიონალებს ერთი მიზნის ქვეშ აერთიანებს — იზრუნონ ხელოვნური ინტელექტის განვითარებასა და დახვეწაზე.
ყველა AI პროგნოზი და განცხადება Nvidia-ს GTC ღონისძიებიდან:
ახალი გრაფიკული დამუშავების ერთეულის (GPU) არქიტექტურა: Nvidia-მ თავისი უახლესი GPU არქიტექტურა, სახელწოდებით Ampere GA11x გამოუშვა, რომელიც წინა თაობასთან შედარებით, 4-ჯერ გაუმჯობესებული იქნება.
ხელოვნური ინტელექტის სწავლების პლატფორმები: Nvidia-მ ახალი AI სასწავლო პლატფორმები შემოიტანა, რომლებიც სხვადასხვა ინდუსტრიისთვისაა შექმნილი, როგორიცაა ჯანდაცვა, ფინანსები და წარმოება. ეს პლატფორმები დეველოპერებსა და მკვლევრებს მძლავრ გამოთვლით რესურსებზე წვდომას სთავაზობს, მათ შორის უახლეს GPU-ებსა და სპეციალიზებულ პროგრამულ უზრუნველყოფაზე.
Omniverse პლატფორმა: Nvidia-მ თავისი ახალი Omniverse პლატფორმა გაგვაცნო, რომელიც მომხმარებლებს საშუალებას აძლევს, სიმულაცია შექმნან და ვირტუალურ გარემოში ითანამშრომლონ.
პარტნიორობა Google Cloud-თან: Nvidia-მ Google Cloud-თან პარტნიორობაც დააანონსა. ეს პარტნიორობა მიზნად ისახავს, ბიზნესს Nvidia-ს AI ექსპერტიზისა და ტექნოლოგიების გამოყენება გაუადვილოს.
AI ჯანდაცვაში: Nvidia-მ ხელოვნური ინტელექტი ჯანდაცვის ინდუსტრისაც მოარგო. კომპანი AI-ის სამედიცინო ვიზუალიზაციისთვისა და წამლების აღმოჩენისთვის იყენებს. ეს ჯანდაცვის პროვაიდერებს პაციენტის მოვლასა და შედეგების გაუმჯობესებაში მნიშვნელოვნად დაეხმარება.
ავტომატიზირებული მართვა: Nvidia-მ დამსწრე საზოგადოებას თავისი უახლესი Drive პლატფორმა გააცნო, რომელიც ავტომატიზირებული მანქანების გასაძლიერებლად შეიქმნა. ეს პლატფორმა ახალ AI პროცესორს მოიცავს, სახელწოდებით Orin, რომელიც თვითმართვად მანქანებზეა მორგებული.
AI-ზე მომუშავე რობოტები: Nvidia-მ Isaac პლატფორმა წარადგინა, რომელიც ხელოვნური ინტელექტის მქონე რობოტების მხარდასაჭერად შეიქმნა. ეს პლატფორმა რობოტებისთვის კომპიუტერული ხედვისა და მანქანათმცოდნეობის გაფართოებულ შესაძლებლობებს გთავაზობთ.
AI განათლებისთვის: Nvidia-მ AI განათლების ინიციატივებზეც ისაუბრა. კომპანია მიზნად ისახავს, მასწავლებლებსა და სტუდენტებს რესურსები მიაწოდოს, რომლებიც სწავლასა და სწავლებაში ხელოვნური ინტელექტის ინტეგრირებისთვის არის საჭირო.
Nvidia ტექნოლოგიების ამერიკული კომპანიაა, რომლის სათაო ოფისი სანტა-კლარაში მდებაროებს. კომპანიის GTC კონფერენცია ტექნოლოგიების ინდუსტრიაში ერთ-ერთ ყველაზე მნიშვნელოვან მოვლენად ითვლება.
